話說，我喺長崎，思案橋商店街入面一間Daiso，循例去睇下有冇口罩嘅時候，親眼睇住兩個女人畀Daiso店員捉到。（我聽到呢兩個女人用上海話互相交談）
原來當時個貨架只係賣剩三包小童口罩，每包三枚入。由於Daiso有限購，每個人只可以買一包口罩，貨架個牌已經用中文寫得好清楚。
佢哋當然知規矩啦，所以一人拎完一包之後，眼見仲有第三包又買唔到，竟然拆開最後一包入面嘅口罩，塞埋落去佢其中一包度，我喺後面行埋去嗰陣已經見到（呢間Daiso有兩條樓梯由地下行上一樓，我喺買食物嗰邊上去，樓梯一上就會見到掛口罩個貨架），咁啱有店員又見到，所以當場攔住佢哋。
我行到埋去嗰陣，係咁易摸下剩低嗰包小童口罩，果然係吉嘅，個玉桂狗嘅包裝係輕飄飄，背後個撕貼位已經開咗。
店員向我做咗個sorry手勢兼講咗兩句日文，應該係話「呢包唔賣得，唔好意思」。後來又多一個Daiso男店員行出嚟，呢兩個陸客就用普通話講：「三個我們都要吧。」（吖，佢真係覺得普通話係世界語言，人哋講日文，佢講普通話，對方好似一定要識聽咁。）
Anyway，店員唔肯，最後三包收走晒（包括陸客手上兩包同埋貨架吉咗嗰包），相信最後都要報銷喇，因為你真係唔知佢哋喺拆袋嘅過程中有冇整污糟？如果出咗咩事，Daiso要孭㗎！梗係搏唔過啦！
呢一種咁自私嘅行為，令到本來可以買到小童口罩嘅人買唔到，佢哋究竟知唔知個「醜」字點寫！
無知食野味害死全世界仲未夠，而家仲要喺日本用嗱渣招買口罩......
#我覺得Daiso應該報警
