【為何要相信這裡有希望？】
尋晚瞓唔著，突然諗起之前有人問：
「你哋咁樣無哂前途，爭取到又點？」
「就算畀你哋爭取到，之後共產黨都唔會放過你哋」
然後我問自己其實中大人、又或者係我哋每一個抗爭緊嘅人
咁固執地去守護緊咩、喺度堅持緊咩？
《差一點我們會飛》其中一句歌詞：
「為世界美好多一點 付出所有」
我尋晚有種好強烈嘅感覺係
呢班學生犧牲緊自己大好前途同將來
只係為呢個香港可以變得美好一點
哪怕只係美好一點，進步一點，自由民主多一點
只要好一點點，佢哋都不惜付出所有。
諗番起二十歲左右嘅自己
我覺得來日方長，自己有好多時間，好多可能性
覺得自己係特別嘅一個，擁有改變世界嘅能力
相信呢個世界係美麗而且可以靠努力變得更好
我諗⋯大部分二十出頭嘅人都係一樣咁單純熱血
青春大概就係咁：充滿棱角嫉惡如仇、是非黑白異常分明
總係相信自己可以改變世界，亦願意付出所有去改變世界。
呢啲本來就係青春應有嘅希望同傻勁
我又記起我媽曾經同我講過
「畀人拉咗要坐十年，唔值得㗎！」
「你可以喺屋企支持佢哋㗎嘛」
大人，就係最擅長權衡利弊、明哲保身。
所以好多大人都好輕易講得出
「撤離中大啦」「放棄啦」「唔好送頭啦」等等嘅說話
但大家應該要明白，
就係佢哋呢份堅持同執著，我哋先會捱到今日。
如果每個人都咁識得明哲保身，香港早已經淪陷。
#青春怎會零創傷
繼續幫手守護大學守護每一位學生
他們還青春，還他們青春。
P.S 首歌MV最後有句說話
「我覺得夢想就係當你停止呼吸時
仍然覺得一定要做嘅野」
#光復香港時代革命
Instagram：hkgirlfriend
FB：港女友
