#得罪PR系列 #奶皇月餅 #誠實食後感
一般嘅奶黃月餅已經滿足唔到呢個世界，
近年唔同牌子都不停發明啲新口味出嚟搶生意。
今次收到奇華餅家 Kee Wah Bakery送嚟嘅一堆月餅，
輕輕講下食後感先：
⭐蛋黃奶皇月
叫做最原本原味嘅奶黃月餅啦，
有鹹蛋味，味道偏甜，無乜椰香，餅皮偏濕。
⭐松子蜂蜜奶皇月
蜂蜜同奶黃聽落去好似都夾得埋，
不過無咗鹹蛋嘅同時為咗突出蜂蜜味做得更甜，
老實講食唔出啲蜂蜜特別清香，
所以對我嚟講只係無咗鹹蛋香又甜得濟嘅奶皇月，
加上可能配方唔同，奶黃都無原味咁滑。
加埋啲松子仁好似濕得濟，
雖然係做到唔一樣嘅口感，
但係佢又濕又唔脆，
好似阻住咗人享愛奶黃嘅滑咁，
有啲多餘。
⭐檸檬奶皇月
呢款係奇華灣仔特色旗艦店限定，
唔知係唔係製造日期或者地方唔同，
呢隻個餅皮無上面兩隻咁濕，
未算鬆化不過叫做好少少啦。
（我自己偏愛似曲奇質地嘅奶皇月餅皮）
加咗檸檬落去有解膩效果食落無咁甜，
而且同奶黃都幾夾，
只係感覺好似食緊西式甜品。
我鍾意呢個多過蜂蜜嗰款。
可能因為我係鹹蛋fans，
我始終都係覺得有鹹蛋嘅奶皇月先係王道。
多謝奇華就算我唔係次次講好說話都繼續send嘢嚟畀我試，
好大量呀你地！
#gifted
灣仔特色 在 灣仔特色介紹| 港島區| 特色建築物| 特色街道| 利東街| 囍帖街| 北 ... 的八卦
灣仔 最初是一個小漁村，後來逐漸發展成為簡樸的住宅區，現時已成為香港的商業、會議、展覽、文化、體育、娛樂及購物中心，亦是港島的交通樞紐、東西 ... ... <看更多>