A QUIET PLACE 無聲絕境
禁言保你全家幸福
本片主旨：
時間線為2020年，
神秘外星生物突襲地球，
他們沒有視覺及嗅覺，
只靠敏銳聽覺找尋獵物。
只要你出句聲，
隻野就會快過GOGOVAN接你上西天。
故事軸心講述小家庭
在鎮上如何從寂靜中委曲求「存」。
導演自編自導自演藝高人膽大，
中段先有一句有聲嘅對白，
成齣戲寂靜如默劇。
以為一條橋玩到尾，
會變高鐵偏離路軌咁，
行歪唔知點收科，
誰不知又俾佢輕易兜倒，
仲好鬼順理成章又MakeSense。
雖然好多細節位值得商榷，
但勝在劇本紮實，故事性強。
當中有幾幕肯肯定
會成為近年類型片經典。
放棄一貫鬼片模式用大聲嚇人，
似上年齣《禁室殺戮》，
靜音模式令觀者更專注，
來得更緊張刺激。
寂靜到令人窒息，
睇到搓L住個拳頭，
透啖氣都唔敢。
戲中亦運用唔少快將發生意外前相關嘅物件，
比如飛機玩具、煤氣燈著火、
樓梯釘子、計時鬧鐘等，
雖然預左依啲野會引致意外，
但就營造倒令觀眾
提心吊膽頂唔緊嘅心情，
畫面讓人印象深刻。
總括黎講，
雖然成齣野都係奇幻怪物野，
似前年齣《末世街10號》，
或者係《怪奇物語》啲Friend，
但勝在劇情明快，玩靜音玩到出神入化，
確係年度佳作，
建議大家睇早場！
#Cult片介紹返 #無聲絕境
#AQuietPlace
#小編有鼻鼾是咪死硬
#濃密草叢場景設定有天兆Signs嘅影子
#無聲勝有聲
#戲院內禁止踢凳食零食
#戲院開薯片聲大聲過套戲囉
