【追戲第七擊：《未來殺姬: Anon》】
去旅行前見到呢套戲海報，有一刻誤以為係《銃夢：戰鬥天使》，可能Amanda Seyfried隻眼都大到好似假咁。
故事講未來可以控制到一切嘢，甚至可以控制埋人哋見到乜，主線就係個警探同黑客之間嘅對決，當然內裡又另有陰謀。成個意念好正，點知拍出嚟就賴曬嘢。
明明有一個好好嘅世界觀、建構到好前衛嘅concept，再兜埋今時今日流行所講嘅網路私隱問題，配埋動作懸疑驚慄科幻少量色情（Amanda Seyfried又露喇），理應差極有限。點知成套嘢悶到你訓幾次都仲未入到正題，主線講同黑客之間鬥智鬥力，吹到天花龍鳳過曬火、無論黑客定係警探，喺個咁嘅system前，竟然都白癡鬥白癡。
開場明明有個好爆嘅意念，點知自打嘴巴，後半段除咗玩到「你見到嘅嘢唔代表一定係真」夠曬Creepy外，都冇咩睇頭，結局重頭戲無厘頭到反高潮（晨早諗到要咁樣破俾人hack啦），我好難想像喺戲院睇會唔會中途離場。
講起有個好嘅Idea但拍到失曬控故事，導演前作《潛逃時空》、《天煞逆緣》都一定榜上有名，估唔到呢套都貫徹佢作風。前兩作浪費好意念，都叫做有少少娛樂性，呢套真係悶到嘔電。
Netflix發嘅戲十套有九套都係伏，好似變咗以前「直出碟」嘅戲咁，乜嘢狗屎垃圾擺明唔收得嘅，醒俾Netflix啦。
🗿🇨🇱🇧🇴🇵🇪🇨🇴🗿
第11場分享會即將舉行，9月1號約定你：goo.gl/VnjVmc
‼新書兩批貨已經全部售罄，最後一批等你支持，買完就冇喇 🇭🇰 | goo.gl/J9QdBR
‼台灣書局亦已上架，可去文中連結購買 🇹🇼 | goo.gl/xzCymP
【IG請follow】www.instagram.com/travelerwithmovie
潛逃時空2 在 鐘點戰2線上看小鴨在PTT/Dcard完整相關資訊 - 動漫二維世界 的八卦
潛逃時空 - 维基百科，自由的百科全书《时间规划局》（英語：In Time，香港译《潛逃時空》，台湾译《鐘點戰》）是一部於2011年10月28日上映的反烏托邦驚悚科幻電影，由 ... ... <看更多>