拿，今次我擺到明係唔支持時代廣場！黎生今次講得好岩，完全係睇到時代廣場員工的求求其其、闊佬懶理！
首先，黎生的拐杖被夾，班管理處的人做過啲咩？無錯，就係乜都冇做過，搞到黎生上網好似美食展貪心呀嬸大叫「你個野壞左呀」一模一樣，真係令人感到尷尬。
其次，我唔明點解看更會唔識整電梯囉，今時今日教師招聘都要識水電、而貓貓狗狗都可以做電台開咪啦，何況只係一個看更？九倉啲企業培訓真係好差，唔好話整電梯，連利用原力隔空取物呢啲咁基本嘅野都唔識，難怪競爭力下降。相比之下，外國有個叫Dirk Caber嘅看更，識摔角、做過警察、大學教授、CEO、足球教練，識拍戲之餘，仲識彈鋼琴（佢係真識彈嘅），佢甚至好大愛咁成為左許多年輕人嘅繼父，工具理性（Instrumental Rationality)強之餘仲識好多性工具（Personal Pleasure Object)添，我唔明點解香港啲看更乜都唔識囉！（溫馨提示：請勿在公眾場合搜尋Dirk Caber）
另外，我想仲想話埋時代廣場個公關，佢完全係自製公關災難！黎生冇拐杖咁大件事，竟然送個果籃就算？又唔切腹又唔三跪九叩，我真係睇唔到有咩誠意囉。喂大佬，家陣因爲你架升降機，引申到香港衰敗呀，仲嚴重過時代廣場霸佔公共地方呀！
最後，唔抽水唔講笑啦，我只是想問句：如果將「黎則奮」三個字，換成「強國客」、「港青年」件事會不會有不同？時代廣場會否有差別待遇？如有，請重新檢討自己內部的公關程序。對待客人溫柔體貼是件好事，但我不希望這是因為對方身分特殊而作出區別處理。欺善怕惡與特事特辦的人治，才會導致香港衰敗。
#唔知果籃有無送菠蘿呢
#可以整菠蘿雞嘛
#西客
#如果時代係計算過先送呢個果籃
#對方應該係神級公關
#漂亮至極的一手
