原文寫自服務深水埗街坊的社工，
轉載志在讓大家更立體地了解昨晚深水埗扔催淚彈事件—「究竟係咪就係扔幾粒彈咁簡單？」
【孟蘭節—鬼】
真係鬼影都無，對於警方要係內街放催淚彈，我真係搲爆頭，亦都好撚燥，同時好心痛。
1) 劏房空氣唔流通眾所皆知，打電話去提個街坊要閂窗，個街坊話我全屋靠個隻窗通風，電費又貴，唔捨得開冷氣，佢話打到嚟再算(唉，我聽到好心酸)
2) 我行左上棟唐樓天台，頂！ 成條樓梯都係味，都唔知幾時先會散，天氣已經好悶熱，加上個陣味，真係唔知講乜好，上到八樓發現無後梯，萬一班街坊要疏散，真係跳落嚟都搞唔掂。
3）（睇live)有幾多阿媽落街嬲到眼紅紅，對住記者講：「我住八樓，屋企有個六個月嘅bb，成間屋都係催淚彈味，究竟班差佬想點撚樣」，啲差佬叫佢call白車，佢話佢先唔想濫用公共服務，話你唔掉咪乜事都無。
4) 內街個地鐵站好大陣催淚彈味，啲街坊出到嚟掩住口鼻，呢個時候有個視障朋友行出嚟，我地行埋去同佢講呢到啱啱爆完一輪，佢先知原本有發生過呢件事，我地提佢盡量唔好接觸到啲欄杆（有啲難），同返去要洗手。
重申多二萬次，唔係你開個咪叫人閂窗就會無影響，入面有幾多劏房，住左幾多人。
再者，加上最近油尖旺單橦樓換𨋢，有幾多婆婆係隔幾日先落一次樓，佢地係上面有咩事無人知，呢條人命一定入你地班仆街數，我未計你放親附近都有老人院。
最變態係條長沙灣道無示威者都keep住掉，掉到上嘉頓咁濟，內街無人照掉，民憤咪咁嚟架囉。
文字 Credit to Sindy Ng
照片 Credit to 明報新聞網
深水埗地鐵站電話 在 港鐵深水埗站（前地鐵）第一代八達通增值機 - YouTube 的八卦
港鐵深水埗 站（前 地鐵 ）第一代八達通增值機. 1.4K views · 1 year ago ...more. MTRD079D099 R-train production by COLIN WONG. 523. Subscribe. ... <看更多>