【喊出嚟】感慨文慎入
又到聖誕，又係一眾商場爭地盤嘅時間。無論有錢無錢、靚定老土嘅decor同客戶就如猛鬼出籠，我哋班公關仔梗係忙到爆廠。
今年最頭痕嘅，當然除咗阿客一貫嘅chur爆遲覆唔認數，當然就係買少見少嘅media coverage。老老豆豆，以往憑住同記者們多年嘅交情，都可以有少少版位或者online coverage call到。而今年，當蘋果副刊都只得兩版，想出都無位幫你；仲有好多報紙雜誌同你熟嘅記者都各散東西，甚至更灰哋問你公司請唔請人，新上任嘅記者又唔會因為你嘅關係幫手出news；加上facebook都開始不付款不派feed，sales會隨時call你話想要做大feature要係廣告客先有得傾......你就知道，公關is dying。
當然，講過十萬九千次，公關pitch coverage，係靠angle而唔係靠關係。而偏偏，客戶們自以為是的「好計」，覺得佢哋唔鍾意全世界都唔鍾意而唔buy橋，甚至自己做designer諗埋啲無故事無理念原因牽強嘅所謂「我覺得好grand好靚」嘅自high decor，更更攞命，就係圖實不符，張rendering同實境巴黎鐵塔同深圳世界之窗嘅分別(問你死未)，啲咁嘅貨如果同記者唔熟，煙盒稿都無啦！
聖誕已經展開，但真係一年比一年困難同難生存。有錢嘅商場用銀彈就梗無問題，明星傳媒廣告KOL個個同你洗版。但奈何，大部份嘅公關仍然替啲marketing完全唔知老細心意而最後老細推倒重來，無budget無時間無內容無program但要求搶幾百萬PR coverage嘅客戶。最陰功係，PR fee已經幾年無加過。
個人覺得公關係需要勤力嘅行業，面對如此困境，努力諗多幾個angle，多啲同記者聯絡，或是做多少少幫記者朋友攞料，先至有機會攞多少少版位。無奈，新入行嘅公關鍾意send message唔鍾意call down，對於好多被喻為做咗唔覺唔做好覺嘅「痴膠花」手作仔不屑一顧，甚至逢有event就預先請假免開夜；客戶堅持己見唔聽勸，高層叫你自己攪掂唔可以甩個客。我哋一班做咗幾年夾係中間嘅公關仔，又要做前鋒做pitching，又要做後衛backup，仲要守籠睇埋啲細嘅，而中鋒傳送瘋狂開夜同挨客同老細嘅波餅，都係我哋。
而每年聖誕，以上種種係會濃縮地係3個月內瘋狂循環，諗起都喊出嚟。而放假期間，做到Pk時有班朋友好羨慕你可以有咁多活動實好好玩，而有苦只自己知。更慘嘅係當你見fb全人類洗版去玩去癲去旅行，你只可以係活動笑住咁同小朋友講：「唔好爬上去呀會整親架！」然後內心尖叫「今晚又要call師傅整。尤其攞命係，你知朋友唔係潤你，真心講「你可以放假一齊出嚟玩就好啦。」喊出嚟。
最最後，無咩事我出返去做嘢先。
#放假請你好好愛講照顧你的公關仔 #頭先俾人質咗一嘢好感慨
深圳世界之窗 在 世界之窗(深圳) - 求真百科 的八卦
世界之窗 坐落於深圳灣畔，佔地48萬平方米，景區按世界地域結構和遊覽活動內容分為世界廣場、亞洲區、大洋洲區、歐洲區、非洲區、美洲區、世界雕塑園和國際街八大區域，囊括 ... ... <看更多>