合約寫明返9放6，但公司仍然充斥住一班遲到嘅慣犯...包括我...邊計得咁多吖，我哋OT唔通又逐分鐘同你計咩，啱唔啱呀老細？
嗱，遲到嚟講呢，當你成Team人都返緊9:30，咁咪唔叫遲到囉，我上司都冇詐型架，因為佢自己都返10:00，間唔中返9:15仲會畀Receptionist讚你好勤力，呢啲就係成班同事齊心合力將條底線由9:00推到9:30嘅成果。
遲到嘅慣犯仲有幾項守則係必須緊記:
1) 盡量唔好拎袋返工，咁你行入嚟個勢就好似啱啱去完廁所，又或者只係行開左去拎Print Out。
2) 一返嚟未坐低即刻同人搭嗲，雖然唔知頭唔知路，但就好似你一早已經喺度。
3) 唔好熄電腦，公司啲機又廢又慢，仲慢慢開機就死得架喇，用啲打到一半嘅Email做Wallpaper，第二朝埋位開著個Mon就ok啦。
4) 盡量食埋早餐先返工，又或者唔好食啲一大揪嘅早餐，喂你遲到仲喺度「索索聲」食個餐蛋麵，又好似寸左少少囉。
綜合以上守則，演技係不可或缺，神色唔可以慌張，要自然啲。
好多新人同我講，1，2，3絕對冇問題，唯獨第4點有犯駁之處，遲到又點食埋早餐先返工呢？就算拎住個麵包入嚟都好揚喎，而且天氣凍，唔食餐蛋麵都想食啲暖胃嘅嘢啦！
阿叔教精你啦！買定啲淘大點心擺喺公司pantry雪櫃，返嚟兩手空空交戲，行入Pantry叮嚟食咪暖笠笠囉，呢招秘書教我架，佢直情用Lunch Time去修甲做Facial，返嚟就叮淘大點心，Tea Time用嚟醫肚又得。
最近淘大 AMOY有兩隻燒賣新登場，包括用淘大咖喱醬同埋7種香料製作嘅咖喱魚肉燒賣，另外一款黑椒牛肉燒賣就係以淘大黑椒醬配滋味牛冧肉，兩款都係香港製造，不加防腐劑，食完充滿力量咁開工啦!
留意返吖，我係咪喺屋企叮淘大點心都一樣會返9:30，目的係唔想破壞呢個體系，我做所有嘢都係為公司好咋！
#淘大咖喱魚肉燒賣 #淘大黑椒牛肉燒賣 https://goo.gl/ZTVqDU
淘大點心 在 產品 - 淘大醬油 的相關結果
點心 · 水餃／雲吞 · 即食餸 · 粉麵飯 · 酥炸食品 · 飯糰. ... <看更多>