《人生第一次經歷進化的喜悅－巴他蝶》
大多數人都玩過一隻遊戲－《寵物小精靈》。
呢隻Game，除咗不斷挑戰場館同集齊圖鑑，
最大樂趣就係睇住自己心愛嘅小精靈「進化」到最頂點。
而呢種進化嘅喜悅，好多人都奉獻咗畀佢－巴他蝶。
對比其他小精靈多數16lv或20lv先進化，
由綠毛蟲進化到鐵甲蟲只需7Lv。
鐵甲蟲進化成巴他蝶都只係10Lv。
因為綠毛蟲同鐵甲蟲，喺一開波個森林已經有得捉，所以你多數「捉咗先講」。
既然進化門檻低，所以經歷同路人們嘅戰鬥，
好快佢就進化再進化，
成為巴他蝶。
亦即係你第一隻進化到最終極嘅小精靈。
曾經諗過，呢隻10Lv巴他蝶真係好偉大，
佢易升、打得、仲有念力系攻擊。
第一關，佢頂住大岩蛇；
第二關，同寶石海星死過；
第三關，死戰雷超。
佢好似一個跳板咁，幫你跨過不同難關，收服更多稀有精靈。
但終於有一日，
你將佢擺咗落電腦。
巴他蝶，
再唔係你隨身嘅6隻小精靈之一。
好多人好多事，好早出現，
佢哋成熟得好快，喺早期幫你好多。
只係早熟，未必可以熟到後期，
不斷出現嘅新事物，慢慢覆蓋咗佢。
雖然有感情分，但當一日你得到 超夢夢、啟暴龍、卡比獸、火鳥雷鳥急凍鳥，
你都會放手，默默睇住巴他蝶飛離自己嘅視線範圍。
好多年之後，
你諗返起第一次進化嘅喜悅，
然後發覺，
呢個最早為自己進化嘅事物，自己並冇將佢留低。
至少，你呢一刻都記得，喺某一關卡，你決定將呢隻巴他蝶完全放棄。
Ig: cheungson88
*會慢慢Update短文上IG！
海星圖鑑 在 天主教花蓮縣私立海星國民小學第57屆畢業典禮【現場直播】 的八卦
天主教花蓮縣私立 海星 國民小學第57屆畢業典禮【現場直播】. 海星 國小. 海星 國小. 492 subscribers. Subscribe. <__slot-el>. Subscribed. ... <看更多>