.
😆又到食大餐時間💓
呢排食少左好多泰國菜🇹🇭
好掛住好想食，於是又上網搵下
一搵之下俾我搵到呢間 @miluthai 😍
好多人都分享佢個火焰燒雞🔥好壯觀嘅畫面✨
我咁鍾意食雞🐔就梗係要去試下啦
穩陣派嘅我，早一星期就book枱
接電話嘅職員仲好細心，問我會唔會想試蟹
如果係就要幫我留，因為數量有限同好搶手‼️
好可惜，我對蟹敏感😣如果唔係都好想試埋
.
為左應下景😆我仲專登著泰國買嘅飾物、衫褲
去到餐廳，店員為我地安排左最入面嘅枱☺️
啱曬我慢慢影相又唔會阻住人😂
都係果句，我唔想飯係可以食到好多野
以下係我同男朋友嘅2人👫大食餐單：
1️⃣鮮檸檬肉碎明爐烏頭（$178）
我本身好鍾意食魚🐟所以食中菜、泰菜、潮洲菜都會食魚😆好鍾意呢道明爐烏頭，配料全部都好足，好惹味😍有唐芹、芫荽、南薑、青檸汁、檸檬🍋等，而且烏頭大大條，火喉都控制得好好，都唔會話煮過龍👍🏻近肚嘅位置魚肉幾嫩，平時我好少會喺出面食埋魚嘅肚，因為好多地方洗得唔夠乾淨，食落會苦，但呢條烏頭真係可以食埋個肚，洗到白雪雪😋連埋肉碎食，味道、口感都好有層次💓
.
2️⃣泰式蛋包炒金邊粉（$108）
食泰國野必食炒金邊粉💓炒金邊粉就食得多，去泰國都食唔少😆但我真係第一次食蛋包炒金邊粉😳‼️相比平時食嘅少貴，但賣相、味道冇得輸，性價比都好高❤️面頭嘅蝦（我冇食，因為敏感）男朋友食左，好惹味同彈牙，而且金邊粉炒得好乾爽，唔會黏住曬👍🏻連埋個蛋皮一齊食，邊位有啲小脆，口感豐富🥰推介✨
.
3️⃣火焰燒雞（$198）
呢個火焰燒雞係招牌菜之一😆見親啲食評好多都有叫佢，好震撼嘅畫面‼️不過我慢左幾秒，因為要set位，所以影到張靚啲嘅相嘅時候已經得番個雞pat pat有火🔥（另一張睇到我個樣都好amazing😂)影完相，店員仲會問我地想拎入廚房切定自己切，好細心💓唔想「乸手唔成勢」絕對係揀俾廚師👨🏻🍳切，拎左入去一陣（3分鐘左右）就切完好整齊咁擺好碟拎出黎，雞肉尚算嫩滑，但就咁食唔點醬冇乜味，點埋醬就剛好👍🏻相比其他菜式之雨，價錢有點小貴🤑，但用黎影相打卡冇得輸📸
.
4️⃣生菜肉碎包（$88）
呢個係另一樣食泰國菜必點‼️肉碎通常會用富東南亞特色嘅青檸汁、紫洋蔥、魚露、九層塔、香茅等材料調味，但呢度用多左另一種材料——薄荷葉🌱落去，雖然唔係落左好多，但慢慢品嚐都係會食到陣微甜味，感覺幾特別✨唔錯👍🏻生菜亦夠新鮮好爽，加一大匙羹肉碎落去包實黎食（要一啖過），好滿足☺️啲肉碎好夠味，唔會俾生菜嘅水份沖淡，一啖食到幾種唔同口感：肉碎嘅軟、生菜嘅爽脆、洋蔥嘅脆💓推介✨
.
5️⃣香葉包雞（$68）
呢道菜係因為我好鍾意食雞嘅緣故所以叫埋😆一般嘅泰國香葉包雞做法都不外乎用香茅、南薑等香料醃製好先再用斑蘭葉包實，之後焗又得炸又得。個人覺得呢度嘅香葉包雞都幾嫩滑，如果醃得再濃味啲就仲正🤤我食泰國野最鍾意夠重口味‼️
.
6️⃣馬拉盞炒通菜（$78）
呢道炒通菜都唔錯，少少辣好惹味，而且炒完出黎嘅顏色仲好嫩好綠👍🏻
.
7️⃣珍多冰（$28）
食左咁多重口味野，梗係要飲番杯特飲平衡一下啦，我超鍾意椰漿味，所以我揀左珍多冰✨呢杯珍多冰唔錯，夠凍之餘，啲椰漿味唔會俾啲冰溝淡左，而且口感軟滑，飲落有香濃椰漿味☺️而啲粉條「珍多」亦都好有咬口，咬落去係外層煙韌、中間爽脆，大滿足💓
.
8️⃣龍眼冰（$28）
男朋友就揀左龍眼冰，相對地呢杯比較係清甜啲，同珍多冰係兩種截然不同嘅飲品，龍眼味道甘甜，而且口感係爽脆，解膩一流👍🏻
.
整體黎講，呢間位於銅鑼灣嘅泰國菜係值得推介😆餐廳地方唔算好大，但裝修設計都好有心思❤️加上店員嘅友善，由一入門口已經令人好愉悅☺️到享用菜餚嘅美味，中間店員亦唔會鬆懈，即使上曬菜，到會周不時行過黎睇下我地有冇咩需要，唔會話因爲我地坐得入而被無視✨
.
🇹🇭Milu Thai มิลู่ไทย (銅鑼灣)
📍銅鑼灣耀華街3號百樂中心2樓
.
.
.
#foodie #吃貨 #吃貨人生 #吃貨女孩 #吃貨日記 #sweet #influencer #hkinfluencer #microinfluencer #hkig #hkiger #hkfoodie #hkblogger #discoverhk #discoverhongkong #cute #love #写真 #ありがとう #コーデ @ MiluThai มิลู่ไทย
