【誠實食後感】糖村 SUGAR & SPICE牛軋糖
#非自購 #真感想
所謂台灣嘅牛軋糖，其實即係香港人口中嘅鳥結糖。
今次試嘅係喺台灣做牛軋糖做到出晒名嘅糖村，
好多香港人都好鍾意呢個品牌，
去台灣一定買嚟做手信。
其實佢地已經好出名又唔愁無人買，
根本就唔需要搵我做打手😂
⭐法式牛軋糖經典包(400g)
法式牛軋糖係糖村嘅王牌產品，
食落唔會硬繃繃，
軟得嚟又彈牙，
入口好香奶味，
包住嘅美國杏仁又香又脆又鬆化，
糖同杏仁嘅比例好完美，
連我啲咁麻煩嘅人都真心覺得佢無乜嘢可以挑剔。
呢個經典包做咗手袋形，好可愛❤
入面仲有成30粒咁多！
⭐草莓牛軋糖時尚輕巧伴手禮(210g)
除咗原味嘅法式牛軋糖，
糖村仲有太妃牛軋糖、抹茶牛軋糖同草莓牛軋糖。
今次試咗呢盒草莓牛軋糖，一盒有十幾粒，
打開就聞到香甜嘅士多啤梨味，
食落士多啤梨味唔假，
我就覺得佢比原味甜啲啲。
咬落去質地同原味嘅差唔多，
入面加咗啲用真．士多啤梨整嘅士多啤梨乾，
啱晒啲唔鍾意食果仁嘅朋友。
糖村嘅牛軋糖都係用咗法國牛油整，
因為無落防腐劑同固化劑，
所以只係keep到40日，
而且會隨住溫度而改變軟硬度。
可能因為呢排天氣熱，
我收到嗰陣啲糖都有啲變形，
拆出嚟唔係好工工整整嘅長條形，
不過無影響味道。
如果想食硬啲嘅可以雪下佢先食，
我就覺得鳥結糖軟少少，
咬得入嘅程度就最好食喇！
呢啲咁好味嘅牛軋糖，
而家去糖村嘅官網就有得訂，
直接就送埋嚟香港畀你，
除咗牛軋糖，仲有芝士鳳梨酥添！
官網仲有「香港獨家包運費」嘅優惠組合，
咁就唔使再專登飛去台灣買或者乞求朋友帶返嚟啦，
嘻嘻！
⭐糖村香港獨家限定含運組：https://lihi.cc/YxpvF
⭐直接飛到糖村台灣門市😂：https://lihi.cc/qlo5a
【Blog】https://wp.me/p6eyO0-1N9
#sponsored
#糖村 #SugarSpiceTW #台灣手信 #必買伴手禮 #TaiwanMustBuy #Nougat
法式牛軋糖糖村 在 糖村法式牛軋糖花舞春饗綜合禮盒開箱文年節禮盒 ... - YouTube 的八卦
完整版：http://bit.ly/2hYc1GC哪裡買：https://goo.gl/7AkgdR. ... <看更多>