《李小龍好唔好打》陳心遙
《信報》2017年5月3日《視線所及》專欄
究竟李小龍好唔好打？六秒打低一個太極師傅嘅MMA拳手，認為李小龍只係武術家、功夫理論家，唔係實戰高手。就係呢個說話，搞到武壇好似重回武俠小說入面個江湖咁熱鬧，勾起平民百姓嘅關注，唔知咁樣算唔算一種貢獻？
我冇深入理解武術、細個又唔多迷武俠小說，不過我都覺得佢講嘅係虛無縹緲，咩先叫好打？李小龍又冇上擂台打過MMA。就好似問緊拿破崙同曹操邊個調兵遣將叻啲，又或者有個長跑選手，話自己跑得快過Parkour運動員一樣，真係風牛馬不相及，有咩意思？都係鼎爺講得好：打交、打擂台、表演係三回事。打擂台，有規矩、唔俾撩陰插眼、有拳證嗌停保證雙方性命安全、仲有啲係要稱磅數，相近先准打。嗰位向小龍叫陣嘅「高手」身高181公分，體重71公斤，李小龍171公分，體重約65公斤，咁點打擂台呢？不如你去美國搵個191cm/150公斤嘅鬼佬打俾我哋睇吓？
李小龍嘅成就唔使多講，相傳佢人生入面試過一次俾人踢館。李小龍因為喺美國唐人街收外國人做學生學詠春，令當時嗰度嘅華人不滿，於是派咗同李小龍同齡嘅武術家黃澤民去踢館，李小龍接受挑戰，戰帖上寫明如果李小龍輸咗，就要停止向白人授拳或者執咗間拳館。結果，打咗一分鐘，黃澤民就且戰且退，最後好似馬騮周圍走，變咗貓同老鼠嘅追逐戰，結果眾說紛紜。李小龍確認黃澤民認輸之後，一嘢將佢掟出拳館。自此之後，李小龍發現傳統嘅拳術唔足以應付實戰，更苦心訓練體能，創立實事求是，無形為形嘅截拳道。
現實中嘅打交，可能係生死相搏。我相信李小龍如果要同體形比較自己強大好多嘅對手，動真格打交，應該會無所不用其極，撩陰插眼不在講，用速度同靈活性彌補體形嘅不足，都未計佢會隨手執起件武器。同埋我相信佢喺形勢唔對路嘅時候走為上着，身輕如燕嘅佢又可能回馬槍返嚟襲擊??咁樣先係打交，點可以用打擂台嚟比？Be Water, my friend。
李小龍最大成就係乜？呢件事上面已經好清楚，就係但凡喺武術界、功夫界有咩頭暈身㷫，佢都會一次又一次咁被人請出嚟。佢明明而家喺天堂努力咁修煉緊㗎。有一樣嘢我相信，唔使幾年，又會有另一個高手出嚟搵李小龍過橋，而呢一位高手，會慢慢被人忘記。不過千祈唔好怪呢位MMA高手，我自問都有份趁熱鬧寫咗呢篇文。佢唔係咁講我哋又邊識得佢呢？
#李小龍好唔好打 #李小龍 #徐曉東 #決戰光明頂 #mma #信報 #陳心遙
決戰光明頂意思 在 Fw: [爆卦] 決戰光明頂！！！ - 看板HK-movie - 批踢踢實業坊 的八卦
※ [本文轉錄自 Gossiping 看板 #1OGbiQXH ]
作者: chinphil (chinphil) 看板: Gossiping
標題: [爆卦] 決戰光明頂！！！
時間: Sat Dec 3 13:41:44 2016
※註:有電視或媒體有報導者，請勿使用爆卦! 未滿20字 一行文 退文
一年一度的花蓮國大拜拜
決戰光明頂
又來啦！！！
現場直播中～
祖靈也來了！！！
--
※ 發信站: 批踢踢實業坊(ptt.cc), 來自: 110.27.133.141
※ 文章網址: https://www.ptt.cc/bbs/Gossiping/M.1480743706.A.851.html
※ 發信站: 批踢踢實業坊(ptt.cc)
※ 轉錄者: littlenee (111.251.225.83), 12/03/2016 23:40:34
... <看更多>