【唔識唔緊要】議員教你睇《警隊條例》
根據《警隊條例》第8條，禁止警務人員參與職工會，但可以加入純由警務人員組成的組織。而第8條(4)指明警察4大協會職能，僅僅係為「福利及服務條件」提出意見，而唔係用嚟比你地政治表態用！
事實上，警隊點解有獨立薪級表，《凌衞理報告書》第8.44段寫明係因為「法例禁止警察參加工會、禁止擅離職守及要求保持政治中立」。如今警隊多次借協會政治表態，係完全違反《警隊條例》，我將會同公務員事務局反映，要求警隊嚴格遵守政治中立，否則無需再依照《凌衞理報告書》俾警隊有獨立薪級表。
btw，員佐級協會主席向立法會主席投訴議員又係好幽默，請問你地搞清楚議會組成未？
根據《基本法》第六十六至七十九條、《立法會行政管理委員會條例》（第443章）、《立法會(權力及特權)條例》（第382章）及《香港特別行政區立法會議事規則》（"《議事規則》"）訂明，立法會主席比一般議員多出嘅權力係「主持會議、維持會議秩序同行管會嘅行政角色」，根本無權處理發生係議會外嘅「投訴」。作為警察唔熟《警隊條例》都算，想寫信之前都讀多啲例先出聲啦。
#求下你地唔好再令警隊出醜
#點解警察協會咁少職能 #好有歷史背景
#同廉政公署成立查警隊貪污有關
#下次有機會再同大家講講
圖片：明報
求下你地唔好再令警隊出醜 在 (香港)掃毒警出醜，收流料搜錯屋亂打人！ 的相關結果
毒品調查科（行動）警司霍樂生解釋，警方在隔田村拘捕一名涉嫌販毒的男子，調查時懷疑元朗多處地方與該案有關，始向法庭申請搜查令搜屋。對於村民的投訴， ... ... <看更多>