「輪狀病毒 X 診所低能奇觀」
有日一位媽媽嚟到診所。
佢問我：「姑娘呀？我個B去波波池玩有冇危險性呀？」
我：「夠歲數識玩又有大人陪住睇住就冇問題啦」
佢：「唔會死人㗎嘛？」
我：「你睇住佢陪住佢就OK㗎啦～」
佢：「我仲有個問題想問呀，係咪趁人多嗰時去玩會易啲中嗰個咩輪呀？」
咩輪～melon？是英文嗎？
我：「唔好意思呀太太，我唔明你講咩」
佢：「嗰個咩輪呀，會屙嘔嗰個呀」
我：「…你係咪想講輪狀病毒呀？」
佢：「係呀係呀」
我：「如果去玩嘅小朋友有，都有機會中㗎，輪狀病毒都高傳染性同好常見，小朋友玩波波池有時玩得太開心忘我，可能流口水或者塞個波入口奶吓都唔奇。始終小朋友幾個月大開始吽牙仔，鍾意咩都擺入口試吓～啲病毒就有機會留喺佢哋啲玩具上面。」
佢：「咁就啱晒啦！不過波波池要俾錢，你診所有冇啲咩可以俾我個仔試吓食吓呀？我想我個B中嗰個咩輪呀。」
我：「吓？」
佢：「早啲中咗好啲，好似水痘咁，見人哋個B有，即刻痴住佢嗱嗱聲惹埋，咁樣冇咁辛苦同嚴重嘛！之後就有抵抗力呀嘛！」
人哋係『我不入地獄誰入地獄』，你就係『我要推我個仔入地獄』…
我：「你會唔會考慮用其他預防方法？中咗嘅屙嘔好多次好辛苦㗎喎？」
佢：「細路唔病唔曉大呀，病病吓就一世㗎啦」
呢位媽媽思路非常特別…
唔想好似佢咁『病病吓就一世』，想及早預防亦唔駛下下靠惹返嚟嘅。口服輪狀病毒疫苗同注意個人衛生保持環境清潔都係有效既預防措施。6個月至1歲係感染高峰期，及早向醫護人員查詢預防措施，及早令小朋友得到保護。各種疫苗都有不同嘅保護範圍，記得問醫生啊！
想了解更多可以CLICK : http://bbvaccine.com
資料由GSK提供
HKRX/ROT/0009/18 (06/2020)
Date of preparation: 12/07/2018
水痘傳染大人 在 皮蛇也會傳染！ 孩子得水痘？ 原來大人皮蛇惹禍健康2.0 的八卦
... <看更多>