【Snapcheck - 毒 L 與偽毒篇】
正所謂「有頭髮邊個想做毒 L」
做埋網絡流傳嘅毒 L 計分表，睇吓自己真毒定偽毒！
#Memo子 #MemoSonBB #毒不可耐 #食咩可以排毒 #1分18嗰位其實係想行多兩步做運動
毒不可耐 在 Memo子 Facebook 八卦
同時也有3部Youtube影片，追蹤數超過2萬的網紅JapHK LIVE，也在其Youtube影片中提到，...
毒不可耐 在 伍家謙 Facebook 八卦
因為某啲理由，我需要喺今個月之內飛一轉，之但係阿太行唔開，朋友又就唔啱時間；見到自己嚟緊幾日得閒少少，就尋日訂機票今日走，變成自己一條友去咗東京，亦令到呢個 #孤毒遊東京系列 可以同大家見面嘞。
好多人都話一個人去旅行好正好正，鍾意去邊就去邊喎 - Sorry，我從來唔Buy呢套嘅。首先，平時去旅行都係鍾意去邊就去邊㗎啦；第二，我好鍾意講嘢，如果有五日得番自己一條友，再加上對阿太嘅思念湧到上顛峰嘅時候，我驚我會痴線；第三，平時去日本有阿太做人肉電子翻譯機，叫嘢食買嘢都勁方便；而家自己去，對我呢啲淨係識用日文數數目字同叫生啤嘅人嚟講，係有多少壓力嘅。
Anyway，暫時過咗十零個鐘，仲未病發，雖然期間自己同自己講咗幾句嘢，但係都未算太嚴重，不過過多兩日就難講嘞；落到市區已經夜晚11點幾，一條友喺幾乎調轉都識行嘅新宿度食咗個飯，就返咗酒店lu。而家Plan緊聽日做乜嘢好。知醒嘅話想上晝去跑個步，影兩張相呃下Like先；Check到下晝有場B League，東京主場，時間就到都想去睇下。
Btw，毒自一條友行歌舞妓町，個感覺好鬼桐生一馬，我甚至可以幻想到自己個背影係點嘅，早知就帶套白色西裝同紅色裇衫過嚟；新宿熟路，除咗因為已經嚟過一億次之外，我諗好大程度係同《人中之龍》有關。我直頭指得出邊楝大廈嘅三樓係瑟蕾娜；啱啱行過公園，有個醉酒佬大聲嗌我，我有一刻諗過係咪支線任務。
死啦，我好似開始有啲自言自語喇。我相信嚟緊幾日我會好勤力Update Facebook，直頭寫日記咁款，如果唔係自己一條友食飯嗰陣有乜鬼嘢好做呀？(張相一定要轉做黑白，因為冇阿太喺身邊嘅時候，我睇到所有嘅嘢都係冇色彩嘅，完)
#毒不可耐
#非遊戲廣告
#膠一係唔派
#一派就要派到盡
毒不可耐 在 阿太日常 Facebook 八卦
怪獸又飛咗，咁啱紅日，我又可以放吓假喇！本來諗住去行山，可惜天氣麻麻，惟有留晌屋企做宅女整吓野食啦~
不過唔好以為我好得閒，皆因怕悶嘅怪獸會不停 send message 同相黎，又係咁打 call (voice 同 video都有) 黎報告自己做緊咩食緊咩、一間想做咩同食咩、叫我翻譯個menu、幫佢訂波飛，甚至係遇到啲咩或者霎時間諗到啲咩都會即刻打黎。
所以咁多年黎我從來唔會 check 佢行蹤，因為佢會自動自覺報到，不過就稍為密咗啲囉🤦。
一年前嘅四月，我單拖飛咗去東京，為嘅，係睇《少年Jump》展覽；勢估唔到一年後嘅今日，我又因為某啲原因要自己走去東京幾日。所以，#孤毒遊東京系列 嘅下集就橫空出世嘞。
對於單拖出行，有超過十個人同我講話覺得好過癮，但係我就好麻麻。天生怕悶，冇人同我講嘢會死，每次都係想做完嘢之後立即返屋企；偏偏今次又要自己留幾日，而個地點仲要係已經去過一千次嘅東京，你話唔諗定啲方法自娛點得呢？嚟緊會喺呢度同大家分享下嘅，因為，得自己一條友，唔update下個facebook好似冇咩好做。
你可能會問，點解張相唔係彩色嘅呢？因為，阿太唔喺身邊嘅日子，我眼中所有嘢都係黑白嘅。連唔識我嘅人都知我天生內向，除咗屋企人，基本上我唔多同人傾計，叫我同陌生人講嘢簡直係攞咗我條命；雖然我患有呢種極其罕見嘅恐懼症，之不過只要好好計劃，幾日時間應該都唔難打發。我已經帶咗文房四寶，準備每日五點起身磨墨，然後五點半開始臨摹王羲之嘅字帖；托爾斯泰嘅書已經有幾個月冇睇過，希望喺今次旅程連埋夏目漱石嘅作品(日文原版)、《紅樓夢》、《時間簡史》同《人性的弱點》一次過咁重溫；食完晏如果有時間嘅話，就背幾首李白同杜甫、畫幾幅潑墨山水畫、然後再練下古箏同大提琴；由於旅程期間每日都要五點起身習字，所以若果過咗夜晚七點就一定唔出街喇，寧願叫room service好過；因為，一個人咁夜出街，你估唔驚㗎。
呢個就係我嚟緊幾日嘅行程嘞，阿太日常，我報告完畢嘞，我而家真係會即刻立即第一時間無慮即決毫不猶豫咁走去瞓㗎喇，早抖。
#精神錯亂
#膠一係唔派
#一派就要派到盡
#毒不可耐
#孤毒的美食家
btw，我ig：www.instagram.com/vinceng88
毒不可耐 在 TAG Concept Youtube 的評價
http://www.facebook.com/lamfungfrances
http://www.facebook.com/tagconcept
【眼皮鞋到冇知覺的人有福了！可能係最快柔軟眼部肌膚嘅精油！】
Odacité PURE ELEMENTS Eye Serum Concentrate 眼部精華濃縮液
Ba+S BAOBAB+SARSAPARILLA 明眸收腫眼部精油 5ml
咪睇小瘋瘋皮膚好到連毛孔都冇個，一講起黑眼圈同眼袋問題，我真係想拎包tempo出嚟喊... 人生於世上試問有邊個臨瞓前唔係舉頭望明月，低頭see個mon架？但好衰唔衰，電話呢家嘢，越㩒就㩒精神，唉搞到老子一星期必有兩、三晚安不到眠... 眼圈股黑勢力日益壯大，毒不可耐，下眼皮仲dry到硬晒軚，冇咗個柔軟感添呀陰公pig！到底我對囧眼要持續毒到幾多歲呢？
雖然瘋瘋食鹽未必多過你食米，但試眼精華一定多過你 j 劉德華！眾所9知啦，老子一年都介紹唔到5款眼部產品，事關我真係巧鬼屎挑剔！美帝Odacité喺TAG Concept已經活躍咗一年有多，拖到最近先試佢支眼精油，純粹係因為我自私，我自己對於拎油搽眼有敏感陰影，就直接skip9咗佢... 較早前代理商再次誠意邀請我試下，仲叫我加埋導入或離子棒用... 就係咁，就速成呢單美瞳事件嘞！
介紹返，Odacité Ba+S含有有機認證麵包樹油、維他命A、維他命E、維他命F及植物固醇，有效改善眼部皮膚老化，刺激細胞內膠原蛋白及透明質酸增生！同時刺激微循環，加強肌膚吸收力，喺肌膚表面形成彈性保護膜，收緊並提升弛已鬆嘅眼部皮膚，令雙眼線條更加鮮明，更加出眾！而且，仲識玩到加入有機認證白千層油菝葜、玫瑰草、橙花、洋甘菊同薰衣草油，具治療及強效消炎殺菌功效，笨且能夠防止油脂粒形成！同時減少幼紋，舒緩眼部浮腫及淡化黑眼圈！
Well，雖然瘋瘋用下用下都幾中意Odacité呢支眼精油，因為滋潤度真係幾高，又冇敏感冇出油脂粒！但其實真正試到佢奧妙之處嘅，並唔是瘋眼！而是有個鼻敏感嘅熟客一個月前入手咗Ba+S，當時佢眼肚位置災難程度係直迫伊滕潤二入面嘅雙一咁... 乾到又鞋又多幼紋，黑眼圈亦相當嚇人！持續用咗三星期，有埋導入嘅加持下，佢眼部肌膚久旱逢甘露咁柔軟返！嗱瘋瘋做證，佢黑眼圈同幼紋係堅有好咗嘅！咁當然未去到K.O.晒咁誇張啦！但同佢之前嘅毒梟慘況相比，起碼似返個向毒品說不嘅正常人先囉！
毒不可耐 在 MemoSonBB Youtube 的評價
正所謂「有頭髮邊個想做毒 L」
做埋網絡流傳嘅毒 L 計分表，睇吓自己真毒定偽毒！
#Memo子 #MemoSonBB #毒不可耐 #食咩可以排毒 #1分18嗰位其實係想行多兩步做運動
