唔經唔覺，原來四年前嘅今日，就係學民思潮停止運作嘅日子。呢四年發生嘅風雨，已經多到唔知點歸納，淨係監都坐左3轉，DQ都經歷左4次。
嗰陣社運圈子勢成水火，正值傘後低潮，捉鬼猜忌不和分裂日日上演，又點會估到幾年後和勇不分，竟然有2019年嘅奇蹟發生。
回想起嚟，稱為傳奇一般嘅學生組織都唔過份，離開公眾視線長達四年時間，但無論喺唔喺相裏邊嘅每一位，尤其喺過去大半年，其實好多都擔任緊唔同崗位，係街頭見番大家。
由6月17日朝早荔枝角收押所離開嗰日起，喺監獄外面見到學民思潮枝旗開始，熟悉面孔成為前線手足、區議員、議員助理、學生會、傳媒記者、國際手足、法律支援團隊，真係有種歡迎各位師兄弟歸位嘅感覺。
無咩好講到，只希望大家能夠成為一個更好嘅人，正如2014年大家好老土咁掛喺口邊：勿忘初衷。

———————————
*睇返末被稱為「立場姐姐」嘅何桂藍當年寫學民思潮既專題，都覺得好值得重溫：https://thestandnews.com/學民退潮
