客人打電話嚟：「喂，聶瞳，你個求職者2月20號last day，點解佢話要3月1號先返工？而家老細話請呀，叫佢21號返工啦！」
「係咁嘅，佢last day之後會take個break去旅行，其實2月都係得28日，減埋啲星期六日都差唔多啦。」
客：「咁要諗諗，可能揀第二個，因為我哋自己都有出廣告請人，其實轉工去咩旅行呀？全世界等佢咩！旅行幾時都去得啦！」
唔止一個客係咁，幾個月前幫另一個客約求職者interview，對方因為去緊短旅行而要遲兩三日見工，阿客詐晒型話搵緊工去旅行好冇責任感。喂大佬呀，唔好咁癡線啦！Interview咋，實請㗎？責任感三個字咁用㗎咩？
點解咁多僱主認為工接工先等於有責任感？其實莫講話係客，即使係身邊嘅朋友，都梗係贈過你一句：「你就好啦！又去旅行！」、「嘩！有錢啦！又飛！」、「你好似唔使做咁喎！」
平時你捱到成隻嘢咁，冇人會體諒你做得辛苦、冇人會關心你晚晚OT，更加冇人知道你返屋企都要做公司嘢，佢哋淨係記得你又去旅行又使錢又唔返工。最過癮係咩呀？搵緊工冇理由去旅行、轉工唔應該仲去旅行，但係有工返又忙到去唔到旅行，請問幾時去旅行先為之正確呢？
Anyway，盡返一個headhunter本份，將件事同個求職者講咗先，你點知佢係咪奴性好強，話唔定會取消行程揀返工呢，我都唔可以剝奪佢嘅選擇權利。
「個客問你肯唔肯last day之後即刻返工，即係21號，因為佢等人用，如果唔得可能會揀第二個，我知你買咗機票去旅行，循例問下你，交畀你自己揀。」
求職者：「其實我未買機票，而家揀緊去長崎定大阪、揀緊open jaw定一個地點、揀緊買幾多KG行李、揀緊食咩飛機餐、揀緊坐窗口位定走廊位，不過就唔會揀提早返呢份工喇，唔好意思，我真係好攰呀，返工咁耐都冇放鬆過，同埋呢……我都有見其他工，仲有offer，本身都諗緊揀邊間，如果係咁，我諗而家識揀喇。」
叻仔！幾驚你連旅行都唔去，咁我就放心晒喇，即刻打畀阿客，為免麻煩，直接話求職者連機票都買埋，唯有請佢揀第二個啦！
坦白講，打工仔就算軀殼離開咗公司，個心同個腦都係繼續做嘢，等到轉工先嚟抖一抖實在太遲喇，平時就好應該善用假期畀自己休息，盲目咁衝唔一定做得好，去個旅行返嚟隨時效率更高，而且做人又好，返工又好，最緊要有得揀，即使喺HK Express買機票咁簡單嘅嘢都有得揀啦！Open jaw冇附加費任你揀，行李飛機餐座位全部有得揀，航點又愈嚟愈多，價錢仲keep住有驚喜，有得揀，先至係老闆，講緊嘅唔止一張機票，仲有你嘅事業同人生。
一齊嚟揀下目的地先啦
https://www.hkexpress.com/
機票幾時買最平 在 幾時買機票最平- 港澳日常板 的八卦
幾時買機票最平. 港澳日常. 2022年9月28日22:25 (已編輯). 打算年尾去澳洲，每日睇機票都唔同價錢。 有試過萬五、萬四、萬三，諗住都係相差幾百蚊，點知差成一千二千。 ... <看更多>