［UBER業績唔得，股價新低。禁售股解禁，但不少仲潛緊水］
1. 其實寫過好多次UBER，因為真係值得鳩威。差不多正正三年前，我寫過篇文，講嗰年（2016）可能就係UBER由盛轉衰（http://bit.ly/2V1SzxS）。我認為係幾中嘅。咁固然公司最後都係上到市
2. 但想提返你，諗下2016係咩光景。媒體，金融撚，科技撚，甚至唔關事嘅KOL，個個日打夜打飛機。嗰時仲要成日睇戲都見到UBER，其實你有冇諗過係乜事？植入廣告咯。UBER使好多好多好多錢去做公關（明顯係冇搵我）。反正UBER蝕到仆街，唔爭在拎多啲錢做公關（呢招要學），最緊要上到市。重點係，你以為「獨立思考」，其實好脆弱
3. 而家當然大家冇咁飛機，固然因為Wework極之核突，亦因為平錢（相對地）不再，冇咁多傻人送錢畀人燒。當然亦因為UBER已經上市，用完即棄，仲使乜搵人唱好？
4. 為增加權威，我可以話你知，極多人都問一個好簡單嘅問題：Can UBER ever make money．你搵下會見到好多文，唔係十九網友啲妙論，個個有頭有面。例如Economist 呢篇（https://econ.st/33qYMTS）
5. 但我心中UBER並唔係一間咁差嘅公司，我成日講，只係因為啲友抬到太高，講到90分（比喻）。我心中可能係50分。肯定嘅係，你見我寫Wework時更加全不留情，覺得騙局（http://bit.ly/2VWSwk5）。係佢上市壽終正寢之前寫，冇馬後炮。
6. 我並不完全睇死UBER，「其實係因為美團」。呢類燒錢搶市場份額嘅公司，到底有冇可能有盈利係一個好大嘅問號。講過N次，冇客戶忠誠，我坐嘅係車唔係你個叫車平台，第個APP平廿蚊我咪用佢。但亦似乎唔係一刀切話睇死冇可能翻身，美團就係一個例子。相當有趣，搵日再講。
7. 另外，UBER嘅競爭對手，在東南亞係GRAB，大陸係滴滴，但在美國係LYFT。美國以外好多人聽都冇聽過，LYFT一樣上市（好似早過UBER），早前出嘅業績唔錯
8. 好，卒之入正題。UBER出完業績，股價再插水，而家已經係新低。但暫時未係咩上市跌八九成嗰種。UBER 45蚊IPO，而家一半多啲，幾好架啦！雖然係新低，但當然唔好同指數比了。
9. 我其實幾意外，固然UBER係連蝕N季（其實好似得一季有錢賺）。但，一早預咗啦下話。業績只有好過預期同差過，冇所謂好壞。重要嘅係，講過啦，股票炒前景。管理層對前景展望，好似幾正面喎
10. 因為，話2021年有錢賺呀！嘩！
11. 唔係笑佢，如果真係2021有錢賺，咁應該係幾鼓舞。而家都2019年尾，作為打車界一哥（咁滯），話你知燒多一兩年就變有錢賺，其實係好好消息
12. 但股價照插喎，點解呢？以下只係我估，或者綜合媒體估，反正股票唔會話你知點解升點解跌
13. 第一，公司其實有啲取巧，唔係真係純利，係話EBITDA breakeven．咁就仆街啦，EBITDA係乜？我啲文應講過好多次，Earnings before I trick the dumb audience．即係Earnings before 四樣嘢，interest tax depreciation amortization
14. EBITDA Breakeven同真係有錢賺有乜分別？蔡東豪嘅名句：你下個月拎EBITDA交租咯。或者下年你試下拎EBITDA 派息（嚴格係可以嘅）
15. 第二，公司講到咁豪話搞得掂，但分析員呀基金經理再問問題，似乎管理層啲答案唔多令人信服，畀人覺得只係隨口講，買時間，捱得一年得一年，2021？我轉咗工啦
16. 第三，其實係我今日想講嘅嘢。記唔記得UBER幾時上市？5月。半年啦噃。禁售期就過啦，咁大家都知最驚一大堆貨拋出嚟啦。
17. 但，其實呢個擔心係多餘嘅。點解？因為CNBC統計過，堆解禁股之中，好多都仲係潛緊水嘅！正路就唔會沽嘅，當然如果蝕錢都沽，你就驚了。
18. 新股嘅嘢，頭兩三次業績交到貨，然後等禁售期，大家守秩序，讓領導先走，之後先見真章，呢啲大家都知。但UBER連頂一陣都頂唔到，半年間啲友就坐晒艇。可見，間公司真係幾唔掂，或者話佢叻，搵個高位集到資，任你點演繹。
19. 有機會寫多啲，其實原本呢篇想寫長文（而家千五字都冇梗係叫短）。但之前篇Pandora唔多受歡迎，枉呀埃汾寫到四點（然後第朝八點起身），所以就發老脾今次唔整咁多圖了。係嘅，讀者冇欠我啲乜，不過埃汾都冇欠大家乜。用手表態係最簡單。有人like嗰類咪寫多啲，冇嘅咪自動收皮。埃汾係好重視讀者反應的，畢竟如果唔係想有人睇唔係想讀者知多啲或者至少有啖笑嘅，自己同個樹洞講都得啦
（明報原文：http://bit.ly/2ClzcUB 持續虧蝕兼股份解禁 優步瀉7％ 美擬撤部分對華關稅 美股再新高）
樹洞比喻 在 哲學樹洞：何為法治？ - 好青年荼毒室 - Medium 的八卦
究竟怎樣才算是挑戰法治呢？我想首先很明確地指出，一般市民犯法，甚至政府犯法，其實都不算是對法治的衝擊。讓我們以一場球賽做比喻。所謂法治，就是法律就是球證。只要這 ... ... <看更多>