日前，有浸大學生要求撤回普通話畢業要求，期間因爆粗辱罵老師而導致暫時停學，事主今日到場向老師致歉。
其實香港人對粗口好敏感，係香港娛樂圈亦發生過唔少藝人爆粗後，要急急公開道歉或者澄清嘅事件：
梁漢文：「唔好咁 X 嘈！」
1995年，梁漢文喺無線節目【歡樂滿東華】大合唱環節期間爆粗，大叫「唔好咁 X 嘈！」，由於節目屬直播，原句直接出街，令無線高層震怒，即時擺佢入雪房，更取消佢角逐最受歡迎男歌星獎嘅資格。事後，梁漢文急急開記者會道歉，話以後唔會咁做。
傅穎：「X 街！」
2008 年，傅穎參加森美棟篤笑表演時被指講粗口，佢當時大叫冤枉，並公開這件中學軼事：199X年，傅穎還是一名中學生，試過於學校女廁內的廁格，大叫：「X 街」，傅穎當場嚇至全身打冷震，以後再不敢講粗口。現時，傅穎被封為「娛樂圈清泉」「娛圈聖母」，屬少有不爆粗藝人。
鄭融：「X 你老母。」
2011年，鄭融接受無線訪問，席間無線記者黃曉明問及其感情生活，引起鄭融不滿，突然擰轉背用口形爆粗，向主持講：「 X你老母。」無綫知悉後大怒，鄭融即時直入雪房。無線時任外事部副總監曾醒明直指鄭融不尊重及不禮貌對待主持，最後鄭融要公開向主持揸手道歉，先平息事件。
馮盈盈：（粗口多到不能盡錄，請自行搜尋。）
2016年，馮盈盈當選港姐冠軍，卻被網民爆出佢參選前喺 social media 發嘅多個「粗口 post」，內容圍繞雨傘革命、梁振英、藍絲等，事後馮盈盈道歉，直認事件屬實，指自己「少不更事。」「我平日唔講粗口，只係打出嚟。」
陳逸寧：「臭 X！」
2017年，於【春嬌救志明】飾演一角嘅陳逸寧，孖住楊千嬅上商台宣傳，直播節目期間，口快快爆出戲內一句粗口對白：「條臭 X 嗌你春嬌姐。」嚇到楊千嬅即時尖叫，事後更遭到聽眾投訴。最後陳逸寧公開道歉，通訊局亦裁定聽眾投訴成立，批評相關用語極度惹人反感。
（圖片來源：instagram @ edmond4gorleung / theresafu.w / stephanie_cheng / crystalfyy / im710）
棟篤笑表演 在 粵語棟篤笑表演者- 黃子華| 25th 的八卦
粵語棟篤笑表演者- 黃子華25th. More like this. thel dontee. 87 followers. 图文：黄子华栋笃笑精彩上演--黄子华穿着搞笑_影音娱乐_新浪网. 图文：黄子华栋笃 ... ... <看更多>