有日一位女士嚟到診所。
佢行埋嚟登記處問我：「我過兩日去游水呀，係咪有藥可以俾我落水呀？」
我：「你係咪指延遲經期嘅藥呀？」
佢：「延遲？我嚟咗啦喎」
我：「咁冇得阻㗎啦，或者你考慮吓真係一定要落水嘅就用棉條啦」
佢：「我買咗啦！搵笨嘅，我去XX度買完拆開睇，一睇都知唔啱用啦！」
我：「唔啱用？」
佢舉起手指公俾個LIKE我：「得咁粗㗎咋」
…難道你想石油罐咁粗碌嗎？
我一時唔知點答：「…係咁㗎喎」
佢：「我條仔都唔止啦，我拎返去同XX講盒棉條咁樣，想問有冇分SIZE，佢話冇囉，開玩笑（國語）」
你真係唔識㗎喎，唔係扮㗎喎！
我：「呢啲冇分SIZE㗎，你試吓用先啦，應該用到㗎」
佢：「咁幼會跌出嚟㗎喎！」
咁易跌？你打通咗條西隧嚟？
我：「你試咗用未先？」
佢：「一睇都知唔啱用啦，駛咩試呀仲？唔通我自己咩嘢SIZE我唔知咩？」
你唔好一臉自豪咁得唔得呀？我唔知咁樣有咩值得自豪呀…我個心情好矛盾呀～
我唔知點答佢好…
佢再問：「你哋冇嗰啲止血藥呀？」
我：「冇呀，經期嚟咗嘅話就冇得話停就停㗎啦，你都係返去試吓用棉條睇吓點先啦～」
佢發晦氣：「咪話咗我唔係俾啲咁幼嘅隊開，會跌囉！算啦算啦冇嘢啦！」
佢轉身離開診所。
棉條公司幾時肯出啲石油罐粗碌SIZE呀？
*棉條"尺碼"以流量區分，根據消息指出普通流量同大流量嘅直徑係有分別。
棉 條 大流量 在 [心情] 流量大用棉條好燒錢QQ 的八卦
最近兩個月我才開始學習使用棉條上個月光是摸索放入的角度和位置就花了不少時間這個月就熟悉許多除了第一天先用棉棉外，其他日子都是用棉條陸續試過試 ... ... <看更多>