[無綫][十點半新劇線][香港愛情故事]
自從無綫2230綜藝不停煮之後，近乎將半個鐘嘅收視自願分畀ViuTV，到咗11月初《全民造星III》登場之後，《阿爺廚房》更加係冇人提咁濟，台慶月失威。鼎爺煮完之後，本來將會收吓個爐，播《港產旅行團》講本地遊，但最新promo出咗街，係會抽起綜藝，改播劇集 !
由12月7日開始，無綫將會喺2230~2330時段播放12集嘅《香港愛情故事》。呢套劇可以話係無綫節目巡禮當中，目標觀眾年齡層最低嘅一套，由新任監製林肯、新任編審何靜怡聯手炮製，羅天宇、龔嘉欣、王敏奕主演，龔慈恩、白彪、石修、謝東閔、劉溫馨等演出，講香港情侶面對嘅恆古課題：有樓先定結婚先。
最近無綫瘋狂宣傳自己喺數碼頻道黃金時段擁有七成35歲以下青年觀眾，唔知今次調動可唔可以喺進行得如火如荼嘅《全民造星III》度搶返啲收視？
我估呢個係one-off嘅特別調動嚟，畢竟無綫冇咁多貨去開多條劇線。傳聞之後接力嘅係一小時版本嘅《你還好嗎？》。
《全民造星》貴為ViuTV嘅皇牌節目，今次間接由無綫認可佢嘅威力，可喜可賀。
[香港愛情故事 Trailer]
https://www.youtube.com/watch?v=irLLAnO9KpM
#無綫 #TVB #香港愛情故事
#林肯 #何靜怡 #羅天宇 #龔嘉欣 #王敏奕 #龔慈恩 #白彪 #石修 #謝東閔 #劉溫馨 #游嘉欣 #劉子碩 #林正峰 #徐文浩 #ViuTV #全民造星III
