近日，地鐵出現呢款轟炸式廣告。
呢位貌似「泰臣 X 林夏薇」嘅女新人，個廣告寫住「歌名：男神為我唱首歌；歌手：林羨淇 Suga Lam 」，令市民成頭黑人問號，心入面講咗句：「呢條女做乜9？」，搞到心思思 search 下呢首歌咩料。
首歌可謂近年樂壇最災難歌曲（沒有之一），一入 intro 啲騎呢怪音已令人忍俊不禁，條女把聲接近 99% 由電腦 autotune，仲要 tune 出嚟都係走音，簡直為世界製造電子嘈音。望一望個監製：周啟生！？
可能拍MV前一晚苦練呢首勁舞快歌嘅舞步，以致睡眠不足，MV導演貼心準備關愛座比佢，等佢可以全程帶住副超唔郁，撟腳齋坐，跳都費事，叫幾位 dancers 喺隔離「泣泣樣樣」就算。呢首咁有前瞻性嘅 MV，上載個幾月已經接近27萬 views，更突破地域界限，吸引一班海外樂迷留言讚好，仲勁過「中國Taylor Swift」阿漿。
靈異嘅事情進一步發生。首歌4月推出之後，林羨淇根本無出席過任何公開場合，佢 fanpage 只係出過一個 post，就係 upload 咗張極低清嘅自拍，氣氛靈異，十足「未亡人」：https://goo.gl/UWEZW9
（圖片來源：網友 Locke Chan 報料）
林夏薇 在 林夏薇- 求真百科 的八卦
林夏薇 出生於福建省廈門市一個顯赫的家族，家中獨女。4歲時隨父母移居香港，9歲時返回出生地就學，16歲時，曾參加全國明日之星大賽並獲得冠軍 ... ... <看更多>