【凱旋歸來 !! 樂壇天籟黃宗澤再度追夢 首波主打 MV 全球獨家首播】
喺香港樂壇嘅名人堂入面，有一個令歌迷又愛又恨嘅名字：黃宗澤
佢比廉航機位更窄嘅音域，每唱一句都令你彷如置身於天樂里K房走廊，為樂迷帶來貼地感覺；佢上下跌蕩嘅真假音轉換，猶如喺九霄雲上遭遇不穩定氣流；喺2009年，佢先後推出【K歌之王】、【最後祝福】等膾炙人口金曲，16和弦鈴聲全球下載量達天文數字級：6兆，Sir Bosco Wong 更遠赴美國擔任「隔臨尾香」頒獎嘉賓，亮相全球音樂盛事，成為香港人的驕傲。
樂迷恨佢不辭而別，離棄一班飲佢金曲奶水大嘅歌迷，早年正式被列入「樂壇失蹤人口」，歌唱夢壽終正寢，無限暫緩，成為導致香港樂壇一沉不起嘅 root cause，而澤囝亦終日自暴自棄，早前以絕望菠蘿頭示人，澤囝的孤寂，多麼孤寂，情況令人擔心。
曾經，澤囝嘅粉紅珍珠歌聲醫好萬千樂迷心靈。不過，能醫必先自醫。突然十年又過去，2019年，澤囝決定「邊度跌低，邊度企番起身」，知恥近乎勇，再度追夢，挑戰【K歌之王】。
我澤係認真追夢㗎！佢今次搵咗李一丁幫【K歌之王】重新編曲，仲重金禮聘「做飯界KOL」陳詠謙為呢個旋律重新填詞。呢首【發夢之王】，正式成為澤囝回歸樂壇嘅首波主打！據知，錄音時澤囝用盡畢生奶力，縱然監製想幫首歌修音，但我澤堅持與監製角力，阻止佢修音同 auto-tune，命令要無瑕呈現佢最 raw 最原始嘅聲線，樂迷先有幸聽到佢時而朗誦，時而喃嘸嘅演繹。澤囝對夢想嘅堅持令人動容，MV 中佢更傾力演出，被掟 cream 都面不改容，睇到一眾澤粉心如刀割。有夢嘅人最吸引，見到澤囝咁堅持，你仲唔即刻執番起你嘅夢？
#真心 #好欣賞澤囝今次 #好玩得 #like爆我澤
#有啲藝人比錢佢都未必肯玩㗎
Broadway百老滙 #BestEverBroadway
#發夢之王 #百老滙70週年
李一丁 在 李一丁 Lee Yat Ding (@leeyatding) 的相關結果
... <看更多>