黃子華棟篤笑舉行得如火如荼，一票難求，不過都有人就算有飛都唔想去睇喎！
「明眼人」查小欣今日就喺報紙專欄（題目「黃子華為何要消費陳冠希？」）批評子華，指其中一個環節重提 2008 年「淫照事件」，令事件受害者再次受傷害！
小欣姐話：「陳冠希事件發生在2008年，已是十年前的事，如果黃子華在他2009年或2010年、2012年及2014年的棟篤笑，在新聞性及熱度上仍說得過去。」小欣姐就唔明點解大家已經忘記，子華仍然重提舊事：「到今年十周年，事件已被淡忘，是舊聞，各主角已洗底，事業重新起步，有些嫁得好歸宿，既然覺得他們是受害者，為何舊事重提？」
小欣姐仲話子華：「消費各人，在他們傷囗上灑鹽，實在不忍目睹。難道香港之大真沒話題？」就係因為咁，小欣姐本身有兩張飛預備入場，但睇咗報紙劇透之後，就拒絕入場喇！
#小欣姐仲話碌人情卡碌咗廿張子華飛比frd睇
#其實我想睇爆足一週多啲
#有傳小欣姐因為放料而被Do姐逐出至八會
