林鄭又放風話自己話唔到事。
作為老細，係會幾唔妥林鄭依個高薪厚職但係毫無承擔嘅高層員工。
林鄭作為一個高層，自己搞咗攤大鑊嘢出嚟，然後你心目中嘅老細Set咗啲Rules畀你，叫你跟住嚟拆掂佢。一個有擔當嘅高層員工，首先就要同你老細提出你嘅意見，咁我當你林鄭有提出過但你老細唔理你，冇辦法之下你就唯有跟住做。咁點呀？你決定跟住做，你就做啦，你就自己諗辦法完成佢啦，最冇腰骨嘅做法就係好似林鄭而家咁，一邊做，一邊就不斷放風同人講話其實唔關我事㗎，我腦細叫我做㗎咋，我都唔想㗎哈哈。
林鄭足足放足幾次風，第一次就係運動初期，第二次就係八月記者會有個外國記者問你係咪冇話事權嘅時候你默認，第三次就係今次同商界開會又講多一次。
你估香港市民唔知你話唔到事咩，大家唔經常強調，係等件事有彎轉，等你哋有得走位而已。
林鄭心目中個腦細亦係一樣，點解搵你頂住，第一佢哋仲未想失去一國兩制優勢，第二就係等依件事終極拆唔掂時，佢都仲可以一個華麗轉身同個客講話：咦？乜阿Carrie唔應承畀五大折頭你咩？得，唔緊要我幫你跟跟。
其實林鄭真係好自私。香港搞到今日咁嘅田地，佢真係想搞返好嘅話，得兩條路，一係就死鍊你心目中個腦細讓步，一係就放軟手腳，等件事尚有彎轉。佢偏偏兩條路都唔揀，想要明哲保身，繼續放風，誓要將事情推到越嚟越冇彎轉嘅地步。
月記 在 關於月記...... - 中央警察大學板 | Dcard 的八卦
如題，這次月記發下的時間偏晚，而且收假前就要交齊，時間上實在有些緊湊，真希望師長們能緩緩- 警大,月記. ... <看更多>