// 寧 教 人 分 妻
「寧教人打仔，莫教人分妻」我細細個就聽過啦，不過好遺憾，最近我好不遺餘力咁勸身邊既朋友分手，我唔係咩愛情專家，又至撚憎啲濕鳩語錄，只不過喺情路上曾經遇上幾個仆街冚家產，有感而發啫，嗱咪撚打頭呀。
曾經另一半係偷食慣犯，我變到疑神疑鬼，對自己無自信，成日覺得係自己唔夠靚唔夠好先留唔住佢，搞到人唔似人，鬼唔似鬼。
係，人誰無錯，但你原諒過佢一次又一次都係固態復萌，傷害你一次又一次之後既所謂歉意、承諾同甜言蜜語，又有幾多係真心？
比人呃唔戇鳩，比同一個人重覆呃同一樣野就真係戇撚柒鳩。
有好友一直寄男友籬下，痾篤尿都驚嘈到人，又成日有說話聽，最近終於的起心肝搬出黎住。男人只係一盤冷水淋落黎，話睇佢頂得幾耐。
唉，另一半無能力唔係問題，最多咪一齊捱，咸魚白菜也好好味。但如果佢從來都無體諒過你既難處，你又睇唔到你地既將來，咁就要問下自己做乜都攞苦黎辛。
又有好友一路都係探索型女生，鍾意周遊列國見識見識，夢想係backpack遊世界，但男友完全相反，除左日本之外度度都唔去，嫌落後，最後佢地一齊幾年都淨係去過日本。
為另一半改變無錯，但自己都變到無曬光芒，我會諗下點解對方唔肯讓步比你陪你做想做既事。你可能話呢個好小事罪不致死，但係如果佢一直都唔比你做自己，呢一段都唔係健康既關係。
對我而言，好簡單，你同呢一個人一齊，你自己係一個點既人？有咩改變？如果呢個人唔再令你快樂令你笑、令你成長、令你變成更好既人，我希望你可以鼓起勇氣離開。唔好比「唔甘心」蠶食到，又雖然我地年紀已經唔細無乜幾多青春可以浪費，但係唔好因為咁而妄自菲薄。
祝妳們都遇到好的愛情，愛妳們。
（好少咁肉麻👉🏼👈🏼）
曬 男友語錄 在 曬男友語錄在PTT/Dcard完整相關資訊 的八卦
【問題】曬男友語錄- 自助旅行最佳解答-202011152020年11月15日· 晒男朋友照片配的短句跟男友一起拍照片发传到朋友圈说说句子-句子...2020年3. ... <看更多>