再見，感謝自己有幸成為 #詩勁
入職一年後成為毛記藝人加埋總共6年
感覺同讀咗6年中學今日終於畢業一樣
原來去到最後一刻，係咁唔捨得🥲
(Last Day片不日公開)
喺100毛學習同成長咗好多
因為當初一個Email應徵做Designer
而改變咗我成個人生方向
由做幕前最初因為「拍嘢有得郁下冇做設計咁悶」
到而家真心Enjoy認真對待幕前工作想追更遠嘅目標
呢度成為我人生中好重要嘅一個過程
(第一次覺得Instagram十張相quota唔夠擺)
感謝Sunny同3個腦細當初請咗我
特別嗚謝林日曦賜咗詩勁呢個名俾我
如果唔係5年前佢口痕問我有冇興趣上台跳下舞
又一次次俾機會我攝下鏡、拍下節目
我唔會知原來自己做到、原來自己鐘意、
原來自己會有人鐘意💖
感謝呢6年嚟一批又一批同事朋友
好喜歡呢一度嘅真，喜歡呢一度嘅氣氛
有嘢玩會參我玩、會氹我、
幫我教我、做錯又會鬧下我
喺佢哋面前7咗當有bite，冇佢哋我建立唔到咁多信心
感謝每一個喺路上叫過我「詩勁」嘅人
聽住你哋慢慢由「100毛嗰個」「愛同協嗰個」
到而家聽到你哋叫得出「詩勁」「智將情侶」
見到你哋喺街偶遇我好似中六合彩嘅驚訝反應
全部都係我努力過嘅紀錄同回報，開心！💛
你哋有啲反應係同我喺九龍城見到劉青雲一樣咁驚訝😂
然後我會暗暗自high當自己係大明星😂
(面皮IFC咁厚)
未來容許我換個真名，再繼續出現喺大家面前
希望可以用自己嘅身份
由電腦Mon行入電視Mon再行入更大嘅Mon
(唔係我隔離嗰隻肥芒呀)
要跳出Comfort Zone
對一個鼎鼎大名嘅巨蟹座嚟講一啲都唔易
但人總要行出某個階段先會有更多成長
希望之後有更多機會更多嘗試俾到唔同嘅嘢觀眾
唔會浪費我呢5年喺呢間公司學習到嘅所有
要拎住我擁有嘅特質喺未來加新嘅嘢將佢發揮得更好
希望得到更多人支持同愛戴，成為更好嘅自己
Warm Up 完啦，正式開始🎬
大家好，我係Cherry🍒李星熲
-
p.s. 嚟緊喺毛記仲有最後兩集《偽人會》有我💛
-
p.s.s 繼續喺𝗬𝗼𝘂𝘁𝘂𝗯𝗲 𝗖𝗵𝗮𝗻𝗻𝗲𝗹【 #智將情侶 】見
https://goo.gl/AVLqMt
𝗜𝗻𝘀𝘁𝗮𝗴𝗿𝗮𝗺
www.instagram.com/cherryluii
智將情侶 在 智將情侶Cherry 李星熲♥ Kyle 王啟豪 的八卦
智將情侶 Cherry 李星熲♥ Kyle 王啟豪 · ✧ 荃灣美食✧ 全港最後一位麥當勞叔叔✨ 30年歷史舊麵店尋回童年回味道⁉️ 重返小時候的舊區 超人氣韭菜煎餅好味花生糯米滋滷水鳳 ... ... <看更多>