【驚爆結衣拍拖！綠帽達心如刀割光速換畫！新任達嫂容顏首度流出】
結衣近日大大頂綠帽笠落達哥度，呢段達哥（自行幻想嘅）戀情正式收皮，劃上休止符。不過咁～塞翁失馬，焉知非福，失去一朵花，呢片達森林仲有千千萬萬朵花。溝女技術一流嘅佢，心中傷口都未結疤，就已經搵到新一任達嫂，仲結埋婚買埋樓添！正衰囝！佢仲話呢個新達嫂無得彈喎！
新達嫂有咩好？以下一段係達哥同新達嫂嘅無碼私生活片段，可以睇到新達嫂有幾賢良淑德：
1) 尊重達哥玩玩具嘅嗜好：
達哥就算唔食 lunch 都要買玩具，估唔到達嫂非常尊重，仲借此表達欣賞之情：「你咁細心打理機械人，一定好用心珍惜身邊嘅事物，同樣地你都會好珍惜我囉！」
2) 瘋狂吹奏達哥：
「我覺得玩玩具嘅男人好有童心好 charm 㗎！我叫班姊妹揀男朋友都要揀個玩玩具嘅，唔通揀個玩女人㗎咩！」你睇，讚到達哥個嘴角扯到行晒，呀新達嫂襟撈呀！
3) 善解人意 秀外慧中：
據達嫂透露，佢地搬入新愛巢後，將會添置新櫃，比孩子他爸擺放玩具 figures；
4) 識製造驚喜：
達嫂秘密買咗份玩具禮物送比達哥，搞到佢跳起yeah；
5) 旁若無人地愛著達哥：
無懼觀眾可能於螢光幕前嘔吐，達嫂大庭廣眾叫達哥做「傻佬」；
6) 婚後忍受與達哥同床共枕：
達哥訓到發開口夢，令達嫂徹夜難眠，雖然睡眼惺忪但仍留意達哥發夢內容，得知孩子他爸鍾意 "Gipsy Danger"，於是準備作為生日禮物；
新達嫂係咪好好呢？各位巴打係咪好葡萄呢？歌仔都有得你唱：只願一生愛一人，愛人梗係要小心揀啦！學達嫂話齋：「梗係揀個玩玩具，唔通揀個玩女人咩！」真心駁吾刀！又唔係嫖賭飲吹，玩 figures 嘅男人真係好 underrated 囉！
#玩具潮文 #條片劇本係我老友度㗎 #是咪好正呢 #大家多多支持
#揀男朋友梗係揀個玩玩具嘅 #唔通揀個玩女人㗎咩 #呢句真心度得好呀
（影片由策劃及創作 朝日創作 Rise Creation 提供）
