【JARvel-knowledge・日本的士自動門、幫唔幫佢閂好？】
喺日本搭過的士都知，大部份都係自動門。好多講法都話，千祈唔好擅自開門同關門，因為會令的士司機覺得你冇禮貌、甚至佢哋會嬲添！咁到底日本的士門閂唔閂好? 同埋點解會係自動門呢?
日本的士嘅自動門設計早於1950年代後期已經有。當初係由大阪一間的士公司社長開創嘅手動式自動門裝置。4年後，因為專門製造的士用自動門裝置嘅公司出現，同時又因為臨近1964年東京奧運，為咗向外國遊客顯示好客一面，有東京大型的士公司加入自動門設計、因而令設計普及。
雖然奧運令自動門普及，不過其實呢種設計係為咗的士司機自身安全同方便。因為以前的士司機都會親身落車為乘客開門，但司機先要喺駕駛席嗰邊落完車，又要兜返去另一邊後座幫乘客開門，成件事除咗司機落車會有危險之外，上車時間亦都會增長，所以為咗更安全同縮短上落車時間，就設計咗自動車門喇！
講返轉頭，點解日本司機要幫乘客開車門呢?
其實早喺大正元年(1912年)，的士司機隔離係坐住位助手跟隨，助手係負責協助乘客上落車(有說係因為當時嘅人著和服為主，所以上落車嗰陣助手係幫忙將乘客身上着物整理，唔好被車門夾住) 。後來因為節省人手同成本等原因、漸漸改為由司機親自協助乘客，之後隨時代再變成自動門。識日文嘅朋友可能聽過司機隔離個位叫「助手席」，其實係因為以前真係「助手」坐嘅位置！用呢個概念去諗，而家的士自動門開關功能嘅前身，其實係人嚟嘅，咁如果你自己開閂門會唔會搶咗「人哋」職責呢? 呢點交返俾大家自己決定。不過點都好，都係的士司機嘅服務同好客之道，有啲司機真係會覺得如果你自己開關門，即係唔領佢地情，所以下次去日本搭的士，就試下盡情感受各位司機嘅好客之道啦！
#JARvelogue
#搵唔到坐日本的士嘅相
#唯一有嘅竟然係呢張東京降魔的嘅相
#有無人記得
#日本的士都仲有嘢講嘅寫好再分享
日本的士都仲有嘢講嘅寫好再分享 在 good luck日文2023-在Facebook/IG/Youtube上的焦點新聞和熱門話題 ... 的八卦
其實原本冇諗住寫，即使見到Yickhong Lam寫咗-反正佢都講咗大部份我想講嘅 ... 係水準之下—但你話我死士都好，正係話你知歌神享福，唔使出嚟R撈，所以唔會係最好狀態。 ... <看更多>