【 賣文時間／《頭條新聞》開播30年首次延後唞暑！】
講個笑話你聽：其實我唔想寫文！
因為好攰，是攰到一覺醒來都會感覺到眼袋皮下跳動的那種程度。朋友問：「你平日有冇瞓得嗰4個鐘頭？」我說：「又冇咁誇，都有6、7個鐘嘅。」但有得睡，不等於睡得好，就算遇上Day Off，都會夜睡而早起，醒來，長開now新聞台、滑動手機看fb派送過來的新聞，無法停下來。每個香港人，只有一個腦袋；但一個香港人的腦袋，於過去兩個月，要過濾、核實的訊息量是成千上萬，因為重要，因為生死攸關，因為刻不容緩，能夠寫多少便寫多少，畢竟，相比身邊一班跑港聞的朋友，我的累及不上他們的十分一，我可以做的就是對自己好一點。
比如偶爾食餐好。
但往往出發去食好西的時候，你又要因為遇上一些必寫的稿而爆Seed。像這篇《頭條新聞》「延後唞暑」，我是步行前往港鐵站乘車的時候，突然想到：「不如打畀曾志豪問兩句先！」電話通了，我們談了大約10分鐘，然後在乘搭西鐵（對，是西鐵！）的途中寫起，再反複修改、求證（例如要問監製廖慧玲，這次是否《頭條》首次「添食」），去到晚上10時半才完成，去到第一啖飯落肚已是晚上11時，乘東鐵回家，攰到立刻瞓着。這種工作模式，已成為常態，而且不知道要維持多久。
其實這是一場持久訓練。
朋友都知，我多數寫長稿，為求準確，要聽錄音，但這篇太趕，筆記也來不切寫，只靠記憶，極速用手機打出來，像回到剛入行時當港聞記者，常常做的，就是記下重點，再向採主報料。今次電話訪問曾志豪，有一節我沒有放進稿中，因為相比「撤回最後一集」的消息，這個反而不是最重要。他說：「你講得啱，呢個節目有高潮有低潮，我哋而家呢個節目多人睇，因為香港衰得好緊要，係唔開心嘅！」我問，到底有多受歡迎？「收視、瀏覽率要問港台，但我自己切身感受係，我同『森爺』（吳志森）呢輪經常去遊行，真係感受到好多市民支持我哋，會走過嚟同我哋打招呼，仲會有人號召一齊叫『《頭條新聞》』好睇！」我哋做咗十幾年，經歷過受歡迎嘅時期，但都冇今次咁厲害。」
香港人好攰，所以要有抒發的窗口，這個節目，就是一個大窗口，讓人心寬，能共患難才是認真的有緣，衷心多謝《頭條新聞》整個團隊。
＊＊＊＊＊＊＊＊＊＊＊＊
《頭條新聞》系列報道：
＊嚴重推介 ─ 羅啟新惡搞之《一人掟磚會受傷》：http://bit.ly/30BNafb
＊今季最後一集大送禮之羅啟新《My歌金曲》：http://bit.ly/2JOw7kp
http://bit.ly/30QSGKW
（24072019）
＃游大東 ＃游大東影視筆記 瘋show快活人網頁 貴花田 曾志豪 王耀祖 曾志豪字魚皇 Cuson 羅啟新 頭條新聞 Headliner RTHK 香港電台 港台電視部－公共事務組 ＃頭條新聞 ＃反送中 ＃逃犯條例 葉一知 快樂的 做乜膠睇電視 黎汶洛 Oscar Lai Man Lok 方以文 睇電視喇喂
