早兩日收到以前住村鄰居嘅message，閒聊講起村內嘅流浪狗，就諗起當日曾經做過一件瘋狂嘅事⭐⭐
話說早兩年，新手媽同新手爸曾經住過村屋，附近有好多放養及流浪狗，4腳南瓜就係其中一隻。當時嘅佢應該係無名嘅，只係一隻唔起眼嘅黃白色唐狗，終日守住一間鐵皮屋。我偶然會見到屋內嘅人掉啲餸頭餸尾俾呢隻狗，但不論晴天雨天佢都只係守係門外😔😔
有一日，鐵皮屋拆走左，人去樓空，惟獨呢隻狗仲守住個門口，過左大約一個月，佢仍然坐正同一個位繼續等。我同新手爸唔忍心，就開始每晚餵下佢。之前我地都未試過餵流浪狗，甚至根本唔會咁近距離接觸佢地😳😳
戰戰競競餵左幾日之後，發現佢有打架受傷同未絕育，就計劃餵熟左佢之後捉佢去做絕育手術，希望減低日後為左爭女爭地盤再打架嘅機會🤔🤔
為左容易啲埋佢身，就隨口幫佢改個名增加親切感，自此呢隻黃白色狗就叫南瓜。餵左1個月左右，我地見時機成熟，為免有其他村民或附近倉嘅員工搞亂檔，我地執左塊大發泡膠盒蓋，寫左幾隻大字，意思大概係話我打算邊一日捉呢隻狗去絕育，係呢段時間唔好亂餵佢食嘢同留埋自己電話等等📲📲
就係呢塊發泡膠蓋，聯系左我同幾個村民同倉職員，佢地分別打電話俾我詢問點樣幫到班流浪狗、點樣捉啲狗去做絕育🙌🏻🙌🏻
而之前新手媽從未做過呢類義工工作，更無諗過玩到咁大捉埋其他流浪狗4腳。於是我同新手爸硬住頭皮咁試，我地只有3、4個人，大家分工每日餵唔同位置嘅流浪狗，定時匯報下進度同聯絡義工組織，結果大約半年間幫左10幾隻狗做絕育。過程中真係"粒粒皆辛苦，隻隻都有血有淚"，因為就算打風落雨，我地都要堅持盡量每日餵，又要留意住狗女有無大左肚等等🐶🐶
而第一代被捉嘅南瓜，因為太乖，加上後來發現佢斷左肋骨，新手媽同新手爸唔捨得佢繼續流浪，就將佢收歸門下😎😎
後來我地搬走左，好開心村民同倉職員都有繼續餵班4腳，佢地仲有繼續幫未絕育嘅流浪4腳安排絕育手術🙏🏼🙏🏼
所以，有時唔好睇少自己少少嘅力量，由自己做起，感染身邊嘅人，凝聚起黎，係可以無限大☀️☀️
新手養唐狗 在 黃心穎新養唐狗B向泥鯭請教14個新手養唐狗的DOs & DON'Ts 的相關結果
新手 狗主要教導小狗學會懂規矩實在不容易，過度放任甚至會令小狗變成小惡霸，到底養狗有什麼地方要注意呢？本文整理了14個新手狗主必知DOs & DON'Ts。 ... <看更多>