騙案倫敦金就聽得多，原來倫敦的都有 XDXD
今日真係好攰好攰，幾百個inbox，whatsapp又不停響機，又要去覆大家留言（其實500幾個留言我未睇得哂），但都要上來跟大家報告一下。
尋晚打完電話比湯生追數不果，反被佢用粗口問候娘親先會激發我昨晚的post，己經完完全全過了我的底線，出完post就搵周公，到今朝起身一望先知咁多人睇完share過，當然我出post少少成份係發洩，少少成份係公開比大家知唔好中伏，少少成份想集合一班新人去做o野，結果因為大家o既share同留言比更多人知呢間衰o野。初時，我覺得車壞o黎唔到真係好少事，老爺車總會壞唔出奇我亦無唔開心，我唔開心係因為阿湯生次次打o黎把聲真係衰到無人有，佢會用不同方法激到你癲，其實我好簡單，一句退or唔退就ok，你退就快，唔退我就做o野，唔想每日心掛掛睇佢有無過數，聽到每日o既大話，喂～～好難頂o架，最後激起我決心出post係因為搵到花車司機，佢話根本無出過車比湯生，亦無收過佢錢，咁好明顯己經係個局。
我無諗過有人睇無諗過有人會share，今日上午我再打電話比湯生，佢話晚上7點會入數，我話唔得，3點我就要見到條數，無o既7點我自然會殺上去拎現金，佢又唔知做咩鬼上身咁12:30就退o左錢比我，下午約3點就確實己收錢，唔係支票，係直接過數，雖然未退足，退淨＄900，FINE，呢$900我豪比你請律師，因為無論你退o左比我都好，我都覺得要盡量幫group裡面o既新娘，所以係約o左晚上就上去追數（唔好意思，我要陪老豆睇跌打所以遲o左）
其他新娘先到己經有幾十人聚係店舖要求對質同退錢，我地有單有據明正言順斯文人想拎番自己應得o既，好正常，但結果係湯生打999報警話係我地滋擾，但警方見人數太多同了解o左咩事之後就直接call海關到場，所以我己經盡量跟貼資訊同大家更新，希望大家到場盡量拎番自己應得，而同場亦有被拖欠o既苦主退得到一部份，在場每個新人都有同警方同海關登記，而警方都己經正式開File 案件編號 警方case #MK16001771 屬旺角警署第2隊，大家如果要備案請自行到旺角警署。
最多人問o既問題如下，我會係呢度最後一次講同整理資料。
1）我係苦主，湯生未比番按金我，點算？
你可以直接殺上金都，我同其他新娘子己經拎到條數，如果佢唔比即場再報警，趁星期六日人多行金都就好快快去處理。
2）我唔知自己係唔係苦主，比哂錢去租花車同其他o野，點算？
未係苦主的確難追，一就係照用，但最好就殺上去當面對質重新開單，寫清楚服務日期／時間／時數，列明花車／小巴車種同顏色車牌，司機人名電話，再即場打電話比司機係咪確定有車，再寫明如果花車唔到不會接受其他車輛，如果當日任何一架車無到就要全數退款，仲要將單上無理的條款如當日無指定花車到場將會提供更高級花車（無可能囉，屁啦）刪去再叫湯生簽名作實，唔好比佢寫到鬼畫符得佢識睇我地唔識睇，全個過程一定要拍片作實有聲有畫，迫到佢簽。
湯生會用盡一切辦法令你比按金，佢專食按金o既
1）姊妹裙／晚裝婚紗
佢會收一條姊妹裙＄1000蚊，晚裝婚紗最少＄3000起一條，其實比按金係正常亦係行規，但湯生會食你按金囉，到你還裙又屈你整到污糟又話爛而食你按金，拎裙時唔好怕煩check清楚，最好用相機影但，有問題o既更加要影低，再係單度寫明拎裙時出現咩問題再哪湯生簽名作實。
湯生好鍾意落單時就要人比按金，一日未拎裙一日都無需要按金，有o野係你手先需要按，按金只需要big day前一日拎裙時先需要比，但最好唔好比現金，想收得番都難，最好比支票，有咩事都要立即cut票。
2）花車
以我所知係無按金，但會屈你OT錢，租6小時但3小時就走人，咩都有，所以要係單寫得清清楚來簽名再印公司印。
3）攝影
最離譜o既係我聽到婚攝要比按金囉，我做新娘化妝師日子唔算長，但真係無聽過，湯生真係前無古人後無來者，再講一次婚禮攝影係唔需要按金，你咩都未拎，何來要按金？你交出＄8000按金一定拎唔返，仲會屈你要比多幾千先交相同DVD比你
當然應該有人怕煩亦有人撻訂，呢個係各人o既意願，我做就做哂喇，我自己退到錢但都仆到去登記落簿，遲d仲要去落口供再上庭，唔係錢問題，真係條氣唔順喎，我算蝕得少，人地join一條龍o既真係唔知點算，最後我地有個whatsapp group，當然我地到場後都知道有人無加入o黎唔緊要，要追o既上面有資料，自己要著緊d，我都打o左超過20次電話先追到，大家要努力，大日子唔好比佢搞得唔開心，最緊要搞清楚諗定其他方法。
最後因為無諗過多人睇而令其他店舖有不必要o既麻煩同擔憂，例如同店名o既，同地址o既（無計喎，湯生做o左十年轉過N次舖又用舊單去呃人），其實同名好多時都會撞，我一search wechat都有幾十人叫水魚啦，只要大家記住係湯生，係一條龍服務，同埋只係金都出沒就得喇，其他地區同名真係唔關事，大家唔需要太擔心，我相信婚禮界仲有好好o既化妝師律師攝影師同Deco（例如我big day用果d，講真真係無甩拖做得超好）
最最最後要多謝70幾萬人睇過呢個post既你你你你你同你，無你地都唔會有咁多人知，真係真係真係唔好再有人中招喇，好喇，搞o左成日我真係堅攰再沖涼訓喇～～～
By The Way，金都湯生仲未閂門處理緊，佢又報警喇，辛苦哂各位到場的警務人員同海關仲有記者們，無冷氣o既金都真係好焗，焗到出汗～～～
新娘化妝師 在 MS Makeup．婚禮雜誌大賞2022 | 人氣新娘化妝師最佳清新妝容 的八卦
新娘 子當然希望在出嫁當天顯得漂亮又動人，但看著鏡子往往自覺未夠完美。 Ms Makeup 化妝師 Selena除了會細心使用化妝技巧為 新娘 修飾瑕疵， ... ... <看更多>