《12月25日，巴尼陣亡紀念日》
12月25日，對某部份人嚟講，
唔止係聖誕節，仲係《巴尼陣亡紀念日》。
而喺我心目中，12月25日，只會係《巴尼陣亡紀念日》。
你可能會問巴尼？乜水嚟架？好出名架？
我可以話你知，佢大名鼎鼎。巴尼係《機動戰士高達0080：口袋裡的戰爭》嘅主角。
呢個時候，你心中都應該會「挑」一聲，再搭多句「卡通片咋，你幾大個呀？」
真係關你差事，如果你未睇過嘅，趁假期即刻睇。
如果你話冇興趣嘅，不妨花一兩分鐘，睇下下面呢段字，聽一個巴尼嘅故事。你就明，點解佢有咁大影響力。
簡單啲講，巴尼有別於一般高達主角，佢技術麻麻，戰績幾差，
佢嘅小隊唔係長勝將軍，反而喺作戰度全部壯烈犧牲。
巴尼雖然死唔去，但流落於宇宙殖民星之中。
陪伴佢嘅機體，唔係咩型到震嘅高達、亦唔係性能驚人嘅大佬級敵機，
只係一部 「渣古II 改」（仲要故障中）
渣古嘅概念好簡單，機戰入面，佢打高達嘅命中率係～0-3%，而高達打佢嘅命中率係～80-100%。
冇錯，佢好似箭靶咁。
故事嘅源頭，就係巴尼奉命破壞一部叫「高達NT-1」嘅新型機，而部機被藏於一個宇宙殖民星。
喺嗰度，巴尼識咗一個對戰爭極好奇嘅小朋友阿爾。同時邂逅一位女孩克莉絲。
隨故事發展，佢同阿爾情同兄弟，同克莉絲亦互有好感。
原本作戰失敗後，巴尼諗住逃離殖民星，
但佢知道高達未被破壞，軍方將會派艦隊用核彈毀滅成個殖民星，嚟個一鑊熟…
種種情緒掙扎下，
巴尼唔再逃避開動渣古，喺12月25日向高達NT-1發動挑戰，
佢要破壞NT-1，佢想拯救呢個衛星，同時畀自己同隊友們一個交代。
渣古VS高達嘅戲碼上場。
由於性能上嘅差別，渣古接近冇得打。所以巴尼用咗大量陷阱，終於勉強同高達打成均勢。
呢個時候，阿爾收到一個消息「載有核彈嘅艦隊已經被聯邦軍擊墜...」
換言之，巴尼唔需要打呢一仗，殖民星都會安好無事。
一切一切已經冇必要，戰爭已經冇意義。
但巴尼唔會知，巴尼呢一世都唔會知。
因為喺密林之中，身受重傷嘅巴尼，用盡最後一口氣，推動渣古嘅引擎，揮動唯一武器電熱斧，用生命做代價，將斧頭瞄準高達。
電熱斧正中高達頭部，高達大破。
但高達同時都將鐳射劍，分釐不差咁貫穿咗渣古嘅駕駛倉。
阿爾想通知巴尼，叫佢唔好再打，但已經太遲，只能目擊巴尼被殺嘅一刻。
最後令阿爾震驚嘅係，呢位高達駕駛員，原來...就係克莉絲。
從此，阿爾失去對戰爭嘅熱愛，只明白戰爭嘅殘酷。
故事完，
其實《機動戰士高達0080：口袋裡的戰爭》唔長，只係劇場版，3粒鐘內可以睇晒，但故事嘅真實性同悲傷令我咁多年都忘記唔到。
我諗每個人一生中，都有幾個位置係留畀卡通人物，可能係八神太一、櫻木花道、大空翼、小智、野比大雄......
而我其中一個位置...就留咗畀巴尼。
巴尼陣亡紀念日，今年我又嚟簽到啦。
IG: cheungson88
*會update一些生活閒事
=====================
『阿爾，我大概會死，不要因此而恨聯邦士兵或高達的駕駛員，他們也只是和我一樣，做他們認為該做的事而已。希望你不要怨恨他人或責怪自己，這就是我最後的請求。如果運氣好活下來，而且戰爭結束後，我一定會回到這個衛星的，這是約定。就這樣分別了，再見了！阿爾，健康地生活呦！向克莉斯問好！』
PS. 結城恭介 所著嘅小說版，
就畀原著多咗一句「據說巴尼奇蹟獲救」，令讀者多一個「巴尼冇死」嘅世界。
斧頭卡通 在 [翻譯]美式卡通--斧頭戰警Axe Cop 4&5 - 看板joke - 批踢踢實業坊 的八卦
上次介紹時有點搞錯了.......這系列是由一個5歲的小男孩發想,由他29歲的哥哥畫成漫畫
，在網路上一夕暴紅之後又由專業動畫公司製成動畫
每集都超展開弄得我頭好痛......
第四集
密碼:0758
https://ppt.cc/M~J3
第五集
密碼:0806
https://ppt.cc/QFdO
話說這個五歲小男孩平常到底都在看些什麼東西啦~~~!!
--
更多翻譯請上 粉酷多
或是個人粉絲團:https://www.facebook.com/kylatwtranslation
感謝各位
--
※ 發信站: 批踢踢實業坊(ptt.cc)
◆ From: 118.161.34.22
... <看更多>