【 張可頤再演港劇夥拍鄭中基 】
游大東影視筆記Telegram頻道👉🏻👉🏻https://t.me/yautaitung
張可頤終於返嚟喇！
繼前「無綫視后」胡杏兒宣布參演由伍健雄（雄叔叔）監製的ViuTV外判劇《熟女強人》之後（https://bit.ly/358oSga），同台另一套新劇亦已正式埋班開機，男女主角分別是《我要Fit一Fit》（2002）首播18年後再於港劇擔正的鄭中基，以及17年前已憑《九五至尊》勇奪「無綫視后」的張可頤，她對上一套演出的劇集，是由劉德華監製的FOX原創迷你劇《東方華爾街》。
其實早在4月初，已有媒體率先透露鄭中基會參演ViuTV這套新劇，直至近日《明報周刊》報道指，原本ViuTV高層打算邀請鄭中基主持綜藝節目《＃辣伙頭》，但Ronald講到明，一定要請到另外兩位《美女廚房》拍檔 —— 方力申和梁漢文再度合體，不然不做。結果ViuTV考慮到「世紀合體」有如將無綫節目倒模，加上騷錢極高，最終打消念頭，如今鄭中基答應參演新劇，有指是因為他極喜歡單親爸爸的角色設定以及大玩溫情的劇本，如今落實加盟，亦正好還ViuTV一個人情。
《明周》報道中亦指，原本編劇已邀得「小明」方皓玟擔任女主角，不過事後高層成功邀得張可頤埋班，女一合約最終落在後者手上。報道又提到，新劇戲份明顯偏重鄭中基身上，但張可頤看過劇本後，覺得故事吸引，故不介意戲份分配。個人認為，就市場賣點和能否賣錢兩點考慮，始終「小明」在本地樂壇知名度高，但她拍劇的經驗和叫座力遠遠不及張可頤，所以選Maggie棄Charmaine乃正常不過。
據了解，新劇劇名未定，劇中還有強尼、陳俞希、駱振偉、羅沛琪等演員，而且已經開鏡拍攝，惟ViuTV一早下令「不得劇透」，所以一切都要等到五月才可以對外公布。而鄭中基的經理人公司（機動娛樂）拍檔兼經理人「田雞」田啟文接受《蘋果日報》訪問，承認Ronald接拍ViuTV新劇：「部劇開咗機，不過未拍到佢，下月初先拍佢。」談到何以劇組能夠打動Ronald參演，田雞表示：「個故事好啱佢，而製作班底佢又覺得夠認真，所以咪接。」
圖片來源：《東方華爾街》劇照
（28042020）
#游大東 ＃游大東影視筆記 Ronald Cheng 鄭中基 ＃鄭中基 ＃張可頤 ＃港劇 ＃強尼 ＃陳俞希 ＃駱振偉 ＃羅沛琪 做乜膠睇電視 港人講電視 講劇時辰到 快樂的 #熟女強人 ＃方皓玟
