成日話愛情唔好計較咁多，但有一條數，點計都係抵。
讚對方一句，可以鬧少十場交。但我哋多數選擇鬧十場交，都唔讚對方一句。
最輕易反而最難開口，可能因為人大咗、可能因為一齊咗咁耐，好多嘢不如在心中。
「女朋友聽到邊句說話最冧？」
有種錯覺，以為女朋友會聽到悶，「我愛妳」講一千次，都仲會感動？
會，原來真係會。但大前題係首先我要講到一千次先啦⋯⋯
初初拍拖，叫你日日講啲甜言蜜語都冇問題。到咗依家，當女朋友明示暗示想聽，你會話：「哎呀，唔講呀，唔好煩。」、「我哋都唔需要呢啲嘢啦！」、「我好忙㗎⋯唔好為呢啲嘢煩啦⋯⋯」
但對女朋友而言，甜言蜜語係糖份，仲要過量都唔驚，愈多愈開心。
唔好睇小一句說話，聽完之後，佢心情好啲、有安全感啲、覺得自己仍然被愛，咁就會脾氣發少啲、個樣靚啲，最緊要係，機都係畀你打多啲。
「你做緊咩？又打緊機！？」
「我愛妳。」
「好啦咁，唔阻你打機。」
唔信？下次試下。
溫馨小提示，唔同情況，需要配合唔同嘅說話。
當佢好驚你識第二個女仔，你可以話：「我會一直陪住你！」
當佢幻想同你嘅將來，有個小家庭，你可以話：「我可以日日煮飯畀你食！」
當佢同其他人比較，覺得自己愈嚟愈殘，你可以話：「妳係最好嘅！」
當佢問你，做咩無啦啦打畀佢，你可以話：「想聽下你把聲。」
當佢覺得人生好失敗，遇到挫折，你可以話：「唔緊要，有我喺度。」
咁⋯⋯「我愛妳」呢？
所有情況適用。
邊一句佢最鍾意聽？要睇下你了唔了解自己女朋友。
但相信佢一定會話：「無論邊一句，只要係你講，全部都鍾意聽。」
【後記】咁多位女朋友可以問下男友：「估下我最鍾意邊句甜言蜜語」，如果佢答唔到，唔緊要，因為依家有個心理測驗幫到佢！
玩完除咗知道您地係邊類情人，仲有機會贏取MaBelle情侶頸鍊，開心程度同「我愛妳」嘅效果一樣！
立即玩心理測驗啦：http://bit.ly/2feMzb9
#敢說感愛 #MaBelleeShop #MaBelle #MyLove
------------------------
***最新出版：小說《初戀，是不可挽回的追悔》各大書局有售
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
