武漢肺炎襲全球，各地口罩恐難求！全球目前瘋狂搶購口罩，台灣行政院長蘇貞昌日前實施出口管制，下令暫停口罩出口一個月，以確保台灣內需，旅客自帶出境嘅話，以250個為上限。
有幾位台灣藝人喺網上批評呢個做法，「范范」范瑋琪鬧爆係「低俗沒人格的臭流氓行為」，佢仲鬧蘇貞昌係「狗官」：「我他媽的有聽錯嗎？這個狗官算是個人嗎？？都什麼時候了！！王八蛋不會這麼泯滅人性！都什麼時候了！！」而台灣歌手楊培安更喺微博鬧爆總統蔡英文係「菜屎文」「冥進黨」，指政府規定唔合理。
事後范范刪 post 致歉：「我為我在臉書上的帶有情緒性的字眼感到非常抱歉⋯無意造成社會的紛擾，只是希望我們能多一些愛與關懷！希望坦然認錯道歉，努力能成為更好的人。對不起！」
老公係大陸人嘅大S就話人類要放下仇恨，互相幫助，唔好見死不救同火上加油，佢仲喺日本掃萬個口罩捐到武漢，佢同老公表示會繼續喺日本搵更專業嘅口罩去幫武漢。而細妹小S亦都力撐，指人類應該要有愛：「沒有愛，地球只會更糟！恨，比病毒還可怕！」
有台灣網民就睇唔過眼，批評范范等藝人虛偽假清高：「香港跟新疆的事情從不見你們發聲，但我們可以認為你們是因為市場因素考量而對你們睜一隻眼閉一隻眼。但你們這些人在台灣享用台灣的資源，卻又對真正保護台灣醫療資源的人嘲諷謾罵，彷彿自己多清高似的。不妨你們從現在開始放棄演藝工作，到武漢擔任醫療大使並在那邊long stay如何？」
政府搵工網 在 搵政府工? 太容易了! 輕鬆睇實公務員職位空缺 - YouTube 的八卦
... <看更多>