Thankyou 東方日報！🤗🙏
[敏之剪報-on.cc即時新聞] 「索腿天后」陳敏之於上年冬至誕下七磅多的囝囝後，BB手長腳長，腳板大大，似足媽媽。敏之現時忙於照顧愛兒，現時BB十多日人仔，早幾日敏之請了攝影師返家為BB及她拍攝一輯寫真照，相片中敏之與BB頭貼頭，亦有用雙手捧住他的溫馨照片。
「畀個仔冧暈咗」
敏之接受東網獨家訪問時謂：「做咗十幾日媽咪感覺好幸福，自己有埋身餵人奶，親子感覺好sweet，自己冧到爆，依家冧嘅程度係好嚴重、好大件事，我直頭畀個仔冧暈咗，我嘅世界入面只得佢。」
職責做奶媽
問她湊仔時有否雞手鴨腳？她笑言：「其實呢十日裏面喺屋企都有啲打仗feel，但好多人幫我手，比我想像中冇咁辛苦，佢身體太軟，好驚整親佢，我未敢同佢沖涼，頭一個月都想畀陪月姐姐沖，但有從旁睇住、學吓，我依家嘅職責係「奶媽」餵奶，我都要休養、進補吓！」提到BB有一張高難度的翹手、翹腳照片，敏之謂：「呢個籃係我專登揀，好似耶穌喺馬槽出世嘅感覺，自己好鍾意，合十係祈禱，自己好滿意呢輯相，好真情流露。」
坐完月就復工
此外，冬至出世的BB被改花名「雷冬至」，問敏之替BB正式改名未？她坦言：「未，等爸爸改，依家有好多花名。」敏之亦於微博貼上生BB前後的照片，她又留言謂：「感謝天父賜給我們一個可愛的小生命，他的出現，帶給我們一家無限的喜樂！更讓我學會怎樣去當一個好媽媽！」敏之坦言2017年的願望是囝囝身體健康、快高長大，有個開心快樂的童年，而她自己則坐完月後便復工開劇。
攝影雞 相片 在 攝影雞相片在PTT/Dcard完整相關資訊 - 輕鬆健身去 的八卦
提供攝影雞相片相關PTT/Dcard文章，想要了解更多zepro路跑照片、台北馬拉松照片、瘋迷破解有關 ... 攝影雞運動影像分享平台- 【#Lady's Running精選】 攝影師｜Jacky . ... <看更多>