【路西法效應｜ 史丹福監獄實驗】
有冇聽過「路西法」？路西法係基督教同猶太教嘅名詞，佢係光之守護者，上帝最寵愛嘅天使。不過因為佢挑戰上帝嘅權威，帶領一群墮落天使投身地獄，成為最後魔鬼/撒旦。後來有人用路西法之名，以解釋人嘅惡，亦即係「路西法效應」啦。
路西法效應 (The Lucifer Effect)，係指喺特定情境或者氣氛下，人嘅性格、思維同行為，會表現出邪惡嘅一面，體現出人性中嘅「惡」。
呢個效應最常引用嘅就係史丹福監獄實驗。美國心理學家Philip Zimbardo，喺史丹福大學心理學系大樓地下室設置模擬監獄，邀請志願者分別擔任「獄卒」同「囚犯」，了解人類對囚禁嘅反應，同測試囚禁對監獄中權威同被監管者嘅行為影響。
入監獄前，獄卒無受到任何培訓，並唔知道點去管理犯人，所以實驗開始嘅時候，佢地有好大嘅自由度，亦成立自己嘅規則。結果，看守人員慢慢變得專制，認為應該虐待囚犯，例如唔比佢地喺監獄廁所排泄、要佢地訓地下、迫佢地裸體；而囚犯就認為自己應該忍受看守人員比自己嘅懲罰。最後，環境壓力一步一步令好人做出可怕嘅事情，令實驗被迫終止。
「在實驗開始的時候，兩組人之間沒有任何區別，不到兩個星期之後，他們之間已經變得沒有共同之處了。」究竟幾多個人可以喺唔同環境嘅改變下，依然做返自己？又有幾多人受環境嘅影響，成為投身地獄嘅路西法？面對社會同利益嘅引誘，又有幾多人可以做到堅守原則呢？
------------------
◆ 每日分享知識、每月提供課程
◆ Beginneros網站：https://www.beginneros.com/
◆ Youtube：https://goo.gl/OEJrGt
◆ 冷知識投稿：http://goo.gl/zEYS3q
撒旦路西法區別 在 路西法撒旦原來是上帝寵愛的天使長【MUTaN木炭】 - YouTube 的八卦
天使九等級位階｜ 路西法撒旦 原來是上帝寵愛的天使長【MUTaN木炭】. MUTAN木炭. MUTAN木炭. 754 subscribers. Subscribe. ... <看更多>