同事成日話飛日本係「返鄉下」，無他嘅，美食多、美景多、美女又多，呢個國度真係有太多吸引人嘅地方。自己大大話話都去過日本10次，印象最深刻嗰次，一定要數府中之旅！
府中係咩嚟？好多同事都問過呢個問題，府中係位於東京都中央嘅一個城市，附近稱得上景點嘅，相信只得大國魂神社，所以呢度唔係咩旅遊熱點，街道上冇乜藥妝店，亦唔會有太多遊客。至於點解會去府中，查實係因為嗰排正值假期，周圍嘅酒店都full哂，唯有租到府中嘅apartment。
好記得臨走要去機場嗰日，我遲咗起身，但又好鬼肚餓，拖住個喼殺咗入間食店。我記得當時三扒兩撥就KO咗碟意粉，正想嗌埋單之際，老闆娘一手沙律、一碟厚多士送到我面前，原來我趕到唔記得個餐係包咗咁多嘢食。
我用有限嘅日文同佢講趕時間，老闆娘收完錢之後，掛咗個紙袋喺我個皮喼手柄度，然後就同我講再見。起初我都冇為意，當我去到車站之後，發現個紙袋入面裝住盒沙律同塊厚多士，側邊仲有支膠叉同濕紙巾。老闆娘貼心成咁，真係好warm！
社會上有好多微不足道嘅瑣碎事唔多覺眼，你唔做，無傷大雅，但當你將呢份心機擺喺工作上，客人/求職者絕對會feel到。想感受到咁warm嘅心意，其實未必使去到府中咁遠，因為 千両 sen-ryo 同樣咁貼心，一直貫徹以初心為理念嘅食肆！
佢哋多年嚟同日本漁市場緊密合作，從豐洲漁市場精挑最頂尖嘅時令漁產，將最新鮮嘅食材帶畀食客。食材新鮮，「江戶前」手握壽司手法又夠傳統，咁先係最正宗嘅日本菜式，配埋由日本各地精選嘅宮城縣登米市產珍珠米、岐阜古法釀造醋及伊賀越天然醬油，完美襯托出食材嘅滋味。
細緻到一粒米、一滴醬油都咁講究，就係呢啲睇落微不足道嘅detail位，烘托出千両職人力臻完美嘅精神。即日起到6月30日，千両全線分店供應三款豐洲魚鮮料理，包括鯛魚沙律、帶子壽司三點盛同海鮮寄世鍋，食完包你感受到日本人嗰份細心同誠意。
握壽司手法 在 壽司的捏法有什麼流派？傳說中的「單手握」真的存在？！ 的八卦
壽司 的捏法有什麼流派？傳說中的「單手握」真的存在？！｜克里斯丁聊料理 · Comments58. ... <看更多>