Hello Leo,
終於搵到個信得過嘅人可以投稿，嘗試寫書面語，因為我有台灣朋友話唔係咁識睇廣東話。不過去到對話內容唔打廣東話又好似抒發得唔夠傳神。
—————————————
一個晚上，我義載了兩位女孩。
女孩A，大概只有15歲，束馬尾戴眼鏡，身型嬌小，是個非常可愛的小女孩。經過兩個多月遊行及抗爭的洗禮，15歲來說，什麼狀態我也沒有多大詫異。
女孩B，她後來告訴我，她從事社工有關的工作，估計也不過23、24歲，她看來比較成熟，整個車程一直在支持和鼓勵女孩A。
「你今日覺得點呀？你以後都跟住我哋呢班frd啦！有個照應有咩事都可以同我哋講。」女孩B説。
「今日好彩冇俾速龍追到，我哋好快跑到去間教堂入面！其實爆眼女仔發生當時我都喺現場，我同其他朋友企喺對面馬路，嗰陣原本好靜，突然『嘭』一聲，我啲朋友就衝埋過去，我就冇囉，因為我覺得太多人，衝埋過去都幫唔到啲咩。」女孩A續説：「其實最近幾次，岀嚟好似冇咩目標去做，但啲朋友個個都出所以我都會岀，除非有frd生日囉。上次我問個frd，如果我去唔到，佢會唔會唔開心，佢話會！咁我就唔想佢唔開心，但係去到同frd慶生，我都好唔放心，一路掛住睇直播，會仲擔心過一齊喺現場。」
然後她們一起聽一個voice message，內容說的是提醒大家如有寵物的，回到家中不可以立即抱抱，因為殘留在身上的有毒氣體對寵物有害。
「真係㗎？咁我今日返到去即刻沖涼啦，我尋日仲將啲gear攤哂喺個廳，貓貓仲係咁聞。」女孩A天真地説。
過了一會，女孩A準備下車，我開口説:「我買咗啲口罩同filter，不如俾啲你吖。」
「我仲有，你留俾有需要嘅人啦，多謝呀！」
「我買咗好多呀！唔知買得啱唔啱，你幫我望下吖！」我立即下車拿給她看。
她雙眼發光 ，說：「嘩！呢隻啱呀！我可以要一個嗎？仲有我有啲好前線嘅朋友，我可唔可以拎埋俾佢呀？」
當下得到她的肯定，買對了孩子需要的東西，我本來很高興，但看著15歲的「港女 to be」因為口罩、filter而雙眼發光，下一秒，我心痛了。
港女不再敷Mask，變成個個戴Mask。
一位義載司機 上
#文宣波
圖：不是故事中的兩女孩。之前因為睇到《立場》po覺得靚所以save咗，但已hide晒樣。
