掛住你回應的八卦，Yahoo名人娛樂都在討論

當年的《耿耿於懷》，接著的《念念不忘》
　
過了十年後，存活喺兩首歌之中的女主角終於出現。
　
男主角(十年前耿耿於懷)
　
你最近點呀? 係咪仲鐘意睇少女漫畫?
呢排好少見到你出現，係咪有咗新對像?
我呢......最近識咗個女仔，我好想介紹比你識比下意見覺得呢個女仔點
哈.....可能我傻咗喇
我發覺無論我點樣試點樣鐘意對方都好，我都好難令自己鐘意佢
　
唔通我太耐無拍拖，所以我無咗愛既感覺?
定係我實在太愛你......對過去我同你嘅事永遠都放唔低?
　
男主角 (十年後念念不忘)
　
十年喇，我每晚發夢都見到你好似少女一樣咁互相追逐
係呢，我知道你鐘意Hello Kitty，所以我買咗嚟送比你
總之見到你笑 我就開心
　
但我知道我同你已經完結，就好似你鐘意嘅漫畫故事人物一樣，會總有老嘅一日
就好似洪水一樣，將一切沖走
　
但係我同你故事倉猝結束......我覺得我地大家都未心死，係嗎?
我覺得我地兩個都鐘意對方，我地都想知大家近況點
即使我地已經成為陌路人，我地都會掛住對方
即使有伴侶，我地都會偷偷地趁佢訓覺而偷睇你Facebook
　
我相信有一日....你會同我攬住一齊返屋企
因為我地都鐘意對方
　
我聽人講過，如果雙方仲會掛住對方，一定會再一次起返埋一齊
你未忘 我未忘 所以我一定會一齊
對嗎?
　
　
　
　　
女主角 終於回應了 (羅生門)
　
首先，我好多謝你鐘意我鐘意咗十年......
聽返舊同學講起你，話你對我仍然有感覺，仍然咁鐘意我
但對唔住，我好想同你講，我真係無鐘意你
　
同埋我唔係鐘意Hello Kitty，我亦都唔鐘意睇少女漫畫
你根本就唔了解我，你真係明白我咩?
　
無錯，以前我同你嘅時光真係幾好
但我地已經完結，你無必要不斷諗返起以前
就係因為你成日諗返以前，你先難忘記我
你明唔明呀?
　　
我老實同你講，我已經唔記得我同你嘅事
如果我地係街到見到面，我可能會問下你近況
但你每晚更新嘅Facebook，我真係唔會專登去睇囉......
　
總之過去嘅事 唔好再諗啦
　
　
男主角: 情人若你也未忘　約定誰過十年暗渡陳倉　再續夜航......我地一定會再一齊
　
女主角: 別瘋狂.......唔好傻喇 我地唔會一齊架
　
男主角: 下個月!我地約係冰島見面
　
女主角: 如果要約嘅.....就係福島喇
　
男主角: ..........
　

聽呢首歌之前

一直以來都覺得個男仔好長情，好同情佢

但聽完呢首歌後後

即刻覺得個男仔有啲似煩膠傻仔.....
因為對方一直唔當你係咩一回事了
　
　
　
男主角等咗一個女仔十年
自己每日傷春悲秋
但原來對方一早忘記哂放低哂

對方已經為將來而前進
而自己卻停滯不前

仲妄想對方一直都掛住自己.....真係諷刺
　
三部曲 【耿耿於懷】【念念不忘】【羅生門】
https://www.youtube.com/watch?v=bXAYSJtknpM

(非傻豬事)

喺我初入職時，同事提醒我久唔久就會有一對母女到診所求醫，而佢哋都唔可以正確咁講到自己嘅名或覆診卡號，因為年紀稍大嘅媽媽一早已經有啲老人病，而女兒…係智力障礙的，保持喺約十歲嘅階段。

有日朝早，一個滿頭白髮嘅老婆婆企喺診所門外等開門～
我:婆婆，醫生冇咁早返到啊，你要唔要食個早餐先再過嚟呀？
老婆婆冇回應我，望向另一邊，大嗌:喂，女呀！唔好玩啦，開門啦，返嚟啦！
我望向老婆婆望嘅方向，見到一個同樣滿頭白髮嘅婆婆行得唔太穩咁急步走過嚟～
老婆婆伸手揚揚手指示意拖住，佢倆就十指緊扣一齊行入診所…

我:婆婆，你哋有冇覆診卡啊？
佢哋冇理到我，老婆婆只顧住同玩到大汗疊細汗嘅女抹去臉上嘅汗珠～
嗰刻，我知道佢哋應該係姑娘提過嘅嗰對母女。我去翻查排版並問阿女:妹妹，你係咪XXX呀？
佢臉上掛住小孩般嘅笑容，雙眼都擠成一條線，說話有啲含糊不清:係呀～
我望住老婆婆講:婆婆啊，醫生冇咁快返㗎，我同你哋登記咗㗎啦，你哋要唔要去食早餐先？
老婆婆大概聽唔到我講嘢，只係低頭一手十指緊扣，一手來回撫摸女兒嘅手～

等呀等，等呀等，醫生返嚟了～老婆婆拖住女兒跟住醫生入診症室，醫生一邊穿上醫生袍，一邊問:婆婆，今日點呀？邊度唔舒服呀？
老婆婆:我想同個女申請入院舍，佢哋話要註冊醫生填呢份表～
醫生:係呀，你終於肯俾佢入院舍啦？
老婆婆:我自己知自己事，睇唔得佢耐啦，我走咗都要搵人照顧佢。
醫生:都好嘅，佢有人照顧，你又輕鬆啲～呢份表要去照肺嘅，你哋一陣去化驗所照肺呀，報告就兩三日左右有，到時就可以填份表㗎啦～
老婆婆:好啦，唔該醫生

老婆婆拖住女兒行出診症室～
我:婆婆，呢張紙係俾你去化驗所嘅，你而家去就得㗎啦，聯絡電話係咪XXXX-XXXX呀？份報告到咗，我會打電話通知你㗎～
老婆婆:我可唔可以即刻拎報告㗎？
我:冇咁快有㗎～
老婆婆「哦」一聲後就拖住女兒一齊離開診所…

兩日後報告返到嚟，醫生:寶豬，你打電話俾阿婆話佢知拎得份報告，可以返嚟啦～
我打電話到老婆婆留嘅手機號碼，「你所打嘅電話暫時未能接通，請你遲啲再打過嚟啦」…
我:醫生，電話唔通啊～
醫生:又係咁啊～唔緊要啦，同佢keep住份xray先啦，你放喺嗰個箱度得啦～
我揭開一份又一份嘅xray，報告上嘅名字全部一樣，全部都係屬於婆婆的，我問:點解呢個婆婆(女兒)咁多xray喺度冇拎嘅？
醫生:個阿婆隔六七個月就會嚟一次，成日都話諗通咗要申請個女入院舍，次次照完肺就冇咗影，應該係唔捨得啦！佢由身體好好講到而家行都行唔穩啦！佢講過「只要自己仲有力，都要貼身照顧個女」，做人阿媽成世人就係為咗照顧個女，俾我都唔捨得啦！
呢箱xray，係老婆婆對女兒嘅不捨，對女兒盡心盡力照顧嘅證據…就等呢箱充滿愛嘅xray繼續封塵吧～

隔咗冇耐，一個陌生嘅婆婆帶住婆婆(女兒)到診所，再冇十指緊扣…
婆婆:姑娘，佢之前係咪喺度做咗身體檢查㗎？
我:唔好意思，請問你係佢邊位啊？
婆婆:我係佢家姐～
我:哦？唔好介意我多口問，平時照顧開佢嘅婆婆呢？
婆婆眼框紅了:我媽過咗身啦…佢走前交帶咗阿妹要入院舍嘅事…
我望住一直低頭望住自己對手，一直自己搓著自己雙手嘅婆婆(女兒)，我鼻都酸了:嗯，麻煩你等等啊…佢之前係做咗照肺，有份填入院舍嘅表格～你坐坐先～

媽媽，辛苦你了，多謝你。

補習時, 教中國文化, 提到夫妻相處之道:
‘兩人相處, 貴在相敬如賓, 夫妻關係並不是後期宋明理學的極端男尊女卑, 而是處於較平等的關係 必要時更互相提點, 發現對方有錯便要指出, 而並不是一味奉承……’
‘例如, 古時候, 晏子是齊國的國相.’
‘一次他外出時, 車夫的妻子從門縫中偷看, 見身為車夫的丈夫拉車時, 十分得意.’
‘車夫回到家, 她的妻子要求離婚.’
‘丈夫問她原因, 妻子說: “晏子身高不到六尺, 做齊國的國相, 揚名諸侯. 但他外出時, 志慮深沉, 面無喜色. 而你身高八尺(即約今日6尺左右), 只給人做車夫, 卻趾高氣揚, 覺得很滿足, 我因此要求離去。” 從那以後, 她的丈夫一改故態.’
‘所以呀, 在座各位同學, 如果你地有拍拖嘅話, 唔好成日掛住氹佢, 間中都要點醒佢架!’

這時候, 有一女學生, 面露愁容, 衝口而出說: ‘唉, 有拖拍就好啦! 我學校果班40人, 得10個男仔咋!’
此語一出, 不少女同學均附和, 竊竊私語地說:
‘我地果班仲衰呀, 全班得5個男仔, 當中4個仲要乸乸地!’
聽罷, 女同學們個個頭耷耷, 覺得自己中短期好難發市.
由此可見, 好多學校, 真係陰氣好重!

男同學們則喜形於色, 攞晒彩咁講:
‘無計啦, 而家女多男少, 物以罕為貴嘛! D女仔追我地就差唔多!’
‘我班D女同學全部都係豬扒! 無樣無身材……’
為免男同學們繼續吹噓下去, 我說:
‘好啦, 而家貼下DSE題目勒, 下年嘅熱門題目就係…….’
成班同學, 立即收聲, 奮筆疾書喪抄貼士;
但我的內心卻翻騰不已!

回家途上, 我覺得要為那些信心盡喪女生說一些公道話,
也權當是回應那些自以為是的男生吧!

是的, 近年女多男少, 已是不爭的事實.
從香港出現了剩女或盛女一詞, 便可見一斑.
三十年河東, 四十年河西, 男人們覺得吐氣揚眉的時間到了!
從數字上看, 可能是對的.
但物是否一罕便貴, 卻是未必.
從前男多女少的時候, 男仔為要得女仔歡心, 都十分上進有為, 自我增值.
因為要在芸芸男孩子中脫穎而出, 希望得到女仔青睞嘛!
偏偏, 現今男少女多, 男的恃寵生驕, 自恃罕有, 反易自甘墮落.
問問一些老闆, 現在的大學生是什麼樣子的?
曾聽說有男大學畢業生來見工, 媽媽全程陪伴左右, 連面試也是媽媽代問代答!
30歲以上男人, 仍由爸媽養的大有人在;
結婚時, 由家人支付婚宴的, 比比皆是!
以前, 男人等事業有充足準備才向女孩子求婚, 然後一個人擔起頭家;
現今, 男人結婚後才去準備事業, 然後搵成頭家擔起佢一個人!
男人貴在有擔當, 試問現在貴在哪裡?

也有些男仔經常詬病女孩子的外貌, 又要求做他女友要外貌完美.
成日話身邊女仔樣衰, 身材矮, 無胸, 手臂粗, 象腿, 皮膚差……
對她們如動物般評價, 完全不尊重人.
我想問問這些男孩子: 你成日批評人地外表差, 你自問又好好咩?
你話女人胸細, 你地男仔又有無42寸胸肌先?
你話女人樣衰, 你地男仔不又是眼細牙黃鼻扁嗎?
你話女人身材差, 你地又有無六舊腹肌倒三角形身材?
識話人唔識話自己!
你本身有沒有之前中環成班外國男MODEL嘅身型?
有些做人老公的, 更怨老婆生完仔女後身材走樣!
街上好多麻甩佬, 則對行過嘅女人評評點點!
但呢班諸兔挑剔的男人, 又唔低頭睇下自己個大肚腩同兩側鬆泡泡的手臂肉, 或摸摸自己個禿頭,
遠睇不就是成群白皮豬混種蝙蝠河童嗎?

男仔也常說: 女孩子只喜歡名牌, 追星, 無品味.
頂, 男仔們又有什麼品味了?!
近年十個男生, 九個是宅男, 日夜只對著電腦, 沉迷ONLINE GAME同睇波.
係網上嘅成就, 大過現實上嘅成就!
幾日前, 便聽聞有個男仔, 因在網上GAME的角色被‘群毆至死’而嚷著要自殺!
現實不少男仔, 出街就拎住部PSP, 玩GAME就用老翻, 軟件全DOWNLOAD, 揸車改大聲死氣喉扮超跑, 自欺欺人, 仲覺得好自豪!
其實, 什麼行為也有高低雅俗之別, 即使是閱讀也有分睇金庸和睇咸書, 但在此不細表了.
但近年在街上拿金庸小說看的男仔, 你見過幾多?

反之, 不少女人, 的確愛名牌, 愛追星, 但追求過程與男仔有些不同.
大部分女人們會死慳死抵, 節衣縮食, 都要追番個正版名牌手袋.
她們以買冒牌貨為恥, 覺得一旦被發現用假野, 會永不超生, 故絕不自欺欺人.
知恥, 是好事.
女孩子也追星, 但為了親近這些偶像, 我見過不少女學生走去學日文, 韓文
你何曾見過男仔鍾意 C. RONALDO 或 MESSI 而走去學葡萄牙文或西班牙文?
好學, 也是好事.

當然, 我見過不少男學生, 有修養, 謙虛, 有禮, 有品味, 好學且有擔當, 這些人性格多較內斂, 也懂得男女要互相尊重.
相反, 淺白之徒, 便喜歡上網力陳港女不是, 在街上對女人指指點點, 覺得尊重女性就是丟晒男人嘅架, 打女人才是人生最高的成就!
其實, 香港不少適婚女人沒有結婚, 不是不能結, 而是不想是旦搵個麻甩佬結!
人工高過你, 學養高過你, 品味高過你, 英文好過你, 口才叻過你, 對感情又專一過你, 連身高都分分鐘高過你……
頂, 我係女人的話, 真係寧願單身都好過同你!
內地不是男多女少嗎?
即使要嫁, 香港以外的男人也是一個好選擇, 當中更有不少是好質素.
ANGELA BABY, 蔡少芬等不正是選內地男人為伴嗎?
香港女人學貫中西, 見識廣闊, 正是內地女人所缺乏的;
香港女人溫柔婉約, 英文流利, 也合西方男人的口味;
內地男人及西方男人一旦黎香港娶妻成風,
港男們, 無論身型, 身家, 身份, 你地有邊樣夠人家揪?

女生們, 好好裝備自己吧!
不要妄自菲薄, 紆尊降貴就人家, 乞求人垂青自己!
有拖拍, 嫁得出, 也未必是好事,
因為倘若你的男友或丈夫, 只像晏子的車夫一樣, 毫不上進, 卻驕傲自負,
那麼, 和他在一起, 只是有苦自己知而已!
更何況,
他的身高,
可能都無8尺!

??????請打開description box 看所有資料??????

影片簡介
▾▾▾▾▾▾
上星期忙呀忙！加上朋友結婚，我幫手化妝，何生幫手拍攝，真係攰到
懵呀！不過真係好開心！好替朋友高興！估唔到喺塔斯都參加到中西合壁嘅婚禮！仲去咗好靚好靚嘅教堂！又見到好耐無見嘅朋友，high到暈！

因為當日都好忙，掛住幫朋友拍wedding片，都無咩時間幫自己channel拍vlog，希望你地唔好介意片段有少少零碎啦！

我的其他影片 | My Other Videos
▾▾▾▾▾▾▾▾▾▾▾▾▾▾▾▾▾▾▾▾▾▾
★ 【淘寶開箱】高質家品！"慎入" 內有傻貓 (中文字幕)
https://www.youtube.com/watch?v=DniRlT6nIug&t=26s
★ Daily Vlog 14 我們的爆趣相識故事・梳乎里pancake・成日上鏡嘅腳趾
https://www.youtube.com/watch?v=ZALxiQEdaic&t=14s
★ 《快閃墨爾本》 何氏夫婦 參加婚禮 (中文字幕)
https://www.youtube.com/user/potatofishyu/videos?view_as=subscriber
★ Q&A ＋ 回應大家既comments・我做咩工？點解有housemates?
https://www.youtube.com/watch?v=nvq6u04fz0o&t=99s


其他社交媒體 | Follow me on other Social Media Platforms
▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾▾
☞ Facebook : https://www.facebook.com/potatofishyu
☞ Instagram : https://www.instagram.com/potatofishyu/
☞ E-mail: potatofishyu@gmail.com

Filmed and edited by Potatofishyu
Camera
- Canon G7X
- Canon 70D
Lens
- Canon 10-18mm, f/4.5-5.6
Editing:
- Final Cut Pro X

多謝你收看我的影片 | Thank you so much for watching!
喜歡這段影片的話 按個讚??會給我更多動力 | Thumbs up if you like it.
訂閱的我頻道 收看更多有興影片 | Please subscribe :)
☞ https://www.youtube.com/potatofishyu

下段影片再見！See you in the next video

#大阪心齋橋 #心齋橋Daiso #日本100円店 #大阪必買

Hello大家好, 今日又會去大阪心齋橋Daiso3樓, 介紹一下浴室和家居用品, 現在是農曆年尾, 大家都好需要買新的物件去佈置家居, 收集了大家的意見, 除了家居用品, 我其實什麼都會講下, 多謝大家寶貴的提示, 希望2020年, 話題可以廣闊一啲.當然不少得我最鍾意講的十大必買, are you ready?

第一必買, 新正頭, 買對鼠年的新拖鞋, 當然有其他款式啦

由200yen至300 yen都有, 即是港元十幾廿蚊

這些拖鞋非常舒服喎, 話說我有位朋友跟我說

他七十幾歲的阿嫲, 陪阿爺去睇醫生

阿嫲話給他聽,醫生給她黑面

是咁的, 阿嫲問醫生, 可唔可以開一些偉哥藥給阿爺

醫生答她, 偉哥有三種醫藥成分, 一種效力20%, 只是可以抬高少少

50%藥力, 可以枱高度一半, 最勁是 100%, 可以射到上天花板

阿嫲就叫醫生開隻20%夠啦, 因為阿爺每次小便都滴滴仔

次次都搞到對拖鞋濕曬, 醫生聽了之後就黑面, 叫阿嫲返去要好好檢討下

看這個醫生樣子似老羞成怒, 因為他的年紀同阿爺一樣

第二必買, 夾腿健胸伸展器, 坊間有好多說這個物件可以做收陰機

話說我有另一位好朋友, 在美容集團是做top sales consultant

整個集團有幾十間舖, 老細是女人, 好錫我朋友

公司要推出一個新的產品, 效果是收陰機, 老闆娘第一時間打電話叫我朋友去試下這個服務

免費試完之後, 感受下產品的功效, 再大力推銷給客人

我朋友打電話給予她的老公, 話是老闆娘很好的offer, 好唔好做呀,老公?

她的老公回答: 你生仔開刀㗎嘛! 還是很緊,當然不用啦!

我朋友就說自己不做啦, 將個這麼好offer, 送給她的女經理

女經理又打電話給她的老公問下意見, 她根老公說

我生過喎, 又不是開刀, 千載難逢機會喎

她的老公回答: 我夠大咪得囉, 唔好做呀

女經理又將這個offer, 交給一位即將結婚的consultant

consultant又打電話給她即將結婚的男朋友

男朋友回答: 你都未生過, 唔使啦

女經理唯有打電話給老闆娘, 好有禮貌婉拒了這個offer

老闆娘答她們, 你們都不識貨, 我叫第二間分店的員工試下。

個個爭崩頭呀, 實在究竟收陰機的用家, 始終都是男人

不知大家是否同意呢?!

第三必買, 通淋巴刮刮板, 除了刮面之外

都可以刮小腿、刮手臂拜拜肉

用呢個來刮面, 除了可以通淋巴

亦可以瘦面, 幫助血氣循環, 令到面色紅潤

人面部的氣息, 會反映了你當時的運氣和身體健康狀況

我早排遇到一位下屬, 她以前是在馬會投注站做經理的

我問她, D人中頭獎是否真的有樣睇㗎

她說面相就不懂, 不過氣息就真是好好的

每個嚟領頭獎的人氣息, 都是好有光澤、紅光滿面

面相學實在有這回事, 鼻是財帛宮,

尤其是如果鼻的氣息好明亮有光澤, 財運特別好

如果你鼻上面突然間生暗瘡, 最好就不要去賭錢呀

面相學上面有一隻叫做酒糟鼻, 酒糟鼻的面相, 是個鼻成日紅卜卜，好似飲醉酒一樣

以前我跟一位好出名的師傅學面相

他對酒糟鼻的男人形容詞相當好笑:

如果你個鄰居是一個酒糟鼻的男人, 你屋企隻貓乸都要收埋

即是話酒糟鼻的男人是相當鹹濕

第四必買, 壽司磁貼、 掛牆袋

我自己一個人住, 經常驚自己忘記交電費水費

我不是自動轉帳, 怕自己忘記, 所以將帳單放在這個掛牆袋

或者用磁石貼在雪櫃上面提醒自己

我有位男性朋友, 他是這樣氹老婆的

他的老婆收工的時候, 收到他whatsapp, 說今晚要加班, 叫他老婆自己食飯先

留了一些餸在雪櫃給他的老婆, 他的老婆好失望, 因為當日是他老婆生日

返到屋企, 見到雪櫃上面用磁貼有一張字條

是這樣寫的: 請不要太快動作打開雪櫃

他的老婆看了字條, 更加心急

打開雪櫃, 原來是一支玫瑰, 在這個時候,

門鐘響起, 她的老公點了一支蠟燭在個生日蛋糕上面, 跟他老婆唱happy birthday to you..

他的老婆差點要喊出嚟, 條橋是我教這個男性朋友的

記住我的口訣啦: 要令人歡喜, 記得在Timing做起

第五必買, 首飾戒指頸鏈手鈪耳環架,

放在這個架上面一目了然, 好容易就搵到, 又不會痴到一舊舊

黑白架的底色, 配襯五顏六色、金光閃閃的飾物

除了將飾物整理得井井有條, 亦都不失為一件藝術品

精美又便宜的擺設, 是否增添你屋企良好的磁場呀

只要略思小計, 就請得財神到位

男士送一條頸鏈, 加上這個飾物架,

送給另一半的時候, 跟她說: 送埋個架畀你、等你無時無刻掛住我

女士們可以這樣回應: 我筆試將你掛在架上面, 是在個心裏面呀

旁觀者可能聽到有啲想嘔, 不過當事人只想一生跟你走

但求每日為情, 花點心思, 我願默然, 帶著熱誠

很想一生跟你走, 在我畢生心裏, 身邊的你, 三生都可能未夠

第六必買咕臣攬枕, 小小的攬枕, 除了可以令你坐著有個support

亦可以裝飾下張梳化, 我經常看到那些愛情片

一對情侶, 最鍾意將啲咕臣攬枕, 你掟下我我掟吓你

場面相當溫馨, 有時一對情侶講兩句不中聽

可以用這個道具, 叫對方收口, 總好過你兩句唔啱

掟鞋、掟刀义呀, 床頭打交床尾和, 掟過攬枕好好多

家和萬事興，Lin King㩒住拎

第七必買, 去角質浮石, 有竹炭、米糠、 豆乳

適用於手肘、膝蓋、腳跟等容易產生厚繭粗皮的部位

肌膚需要新陳代謝，肌膚表層一些老廢的細胞就會殘留在肌膚表面，

這就是老廢的角質，角質的長期積累會導致我們的肌膚變得暗淡無光澤，

還會影響肌膚對護膚品的吸收，應該盡快去除。

小小一個去角質浮石, 使出還原靚靚拳

第八必買, 焗桑拿衣物一套

原來今時今日去gym, 是好貴的

自從我沒有了California infinitive個membership之後

我就沒有再參加任何健身室, 最多行下山、落街跑步

如果你們想出多啲汗, 著這套衣物就非常之好啦

如果你嫌佢好像青山院友的制服, 你可以著返件外套在出面

第九必買, Gel甲貼紙、指甲飾物

我有朋友開美甲店, 但凡過年前這些日子

美甲店的booking都好Full, 有了這些美甲裝飾物

時間和金錢都慳番

第十必買, laundry bag,這個洗衣袋,

是軟性物料, 就算你洗手間好細都不會阻訂

沖完涼, 載住啲污糟衫, 不用東一忽西一忽

有啲人屋企細, 會攞落樓下洗衣店

有了這個袋, 是否方便好多呀

不知我今日介紹的十大必買, 你們最喜歡那一樣呢?

留言跟我分享下! 臨走記得給個表情符號以示支持呀

希望大家可以在年尾, 執返靚間屋, 執拾好自己靚的心情

迎接金鼠年, 我們下一條片見, 88!

請用片右下角調4K睇片。

當你不太懂日文時, 又想講幾句, 你就一定要把這幾句給記起來了!
這幾句基本上什麼句弛都回應到, 明明不懂, 說完這句立即變很懂的樣子!! 哈哈哈哈~ 大家快點記下吧~


❤***❤***❤***❤***❤

(\_(\ 如果你喜歡我的短片
(=' :') 請訂閱我的頻道
(,(")(") https://www.youtube.com/c/saaiitv?sub...

❤***❤***❤***❤***❤

❤ Saaii TV 的 推薦影片 ❤

大家的日本語 - 文型。例文。會話 (錄音)
► https://www.youtube.com/playlist?list...

大家的日本語 - 文法介紹 / 文型講解
► https://www.youtube.com/playlist?list...

► 日文點講 「好掛住你 」
https://www.youtube.com/watch?v=QohI4...

❤ Saaii TV 的 合作頻道 ❤

rios circle / ミニチュアチャンネル - Miniature Channel
► http://rios.in/circle-saaiitv
► 片尾音樂由 rios circle 提供

女孩的連環技：
https://www.youtube.com/watch?v=ylB6g...


【日本CM】本年度No.1推薦！神級廣告帶來爆笑無敵聯誼連續技 (中字)：
https://www.youtube.com/watch?v=rHjRN...


關鍵字：連環技, 日本廣告, 日本爆笑廣告, カサネテク, 5句日文短句, 交際聯誼日文, 日文萬用句, 連續技, 交際 日文, DOLCE 雪糕, DOLCE, 日本CM, 厭世女,無敵的聯誼技術,中村千尋,Dolce, 香港人 SAAII