上週末的聲音劇場 👄
讀了一段世界經典《小王子》臺語版
再次讓大家回味一番
聽故事嘛會使學臺語～🥰🥰
∷∷∷∷∷∷∷∷∷
第二粒行星頂懸，蹛一个虛華的人。
「欸欸！有一个愛慕者來共我看矣！」這个虛華的人看著小王子來矣，對遠遠就按呢大聲喝，因為對虛華的人來講，別人攏是伊的愛慕者。
小王子講：「gâu早！你的帽仔真心適呢！」
虛華的人共應講：「這是欲回禮用的，人那共我拍噗仔，我就用帽仔回禮，毋過真可惜攏無人對這搭過。」
捎無摠的小王子講：「敢按呢？」
「你的手緊攑起來拍噗仔。」虛華的人共伊按呢建議，小王子就共拍噗仔，虛華的人就真謙虛的型，共帽仔聊聊仔提懸起來回禮。
「這比起去拜訪國王閣較趣味」小王子心裡按呢想，所以伊閣拍一擺噗仔，虛華的人又閣共帽仔提懸來回禮，毋過五分鐘後，小王子就感覺按呢落去啊，實在是真無聊。
「若愛你共帽仔提落來...」小王子共問：「就愛按怎做？」毋過虛華的人聽無伊咧講話，虛華的人除了呵咾的話，賰的攏聽袂著。
「你敢真正遐爾欽佩我？」伊問小王子。
「欽佩？是啥物意思啊？」
「欽佩的意思是講，承認我是這粒星球頂懸上蓋緣投、穿衫上蓋媠、上蓋好額閣上蓋巧的查埔人。」
「毋過這粒星頂懸，就干焦你一个人爾啊！」
「拜託你鬥幫贊一下，閣共我拍一改噗仔。」
「我欽佩你！」小王子肩胛頭小攑懸起來共講。
「毋過這對你來講有啥物好歡喜的？」所以小王子就來走矣。
「哼大人真正足奇怪的。」小王子繼續旅行的時，心內按呢咧想。
———
🎧《這聲好啊！》線上聽
每週日下午２點 #首播
■ 收聽連結｜https://reurl.cc/R61vae
拜訪國王 在 【 King's Bounty II // 國王的恩賜2】(#7)拜訪女巫- YouTube 的八卦
̀ω•́ ) #King's Bounty: The legend歡迎加入小額贊助的行列 一同協助沃芬獅，產出更多優質的遊戲解說! ... <看更多>