《十一過後 - 香港更值得珍惜!》
錄影日期2019年10月2號(星期三) 早上8時15分 at 彌敦酒店
十月一日香港更值得珍惜。人生路上會遇到唔少嘅困難。但問心，你自己過去嗰三/四個月係邊個呢?
內容全文:
............................................
昨日係10月1日， 一方面國慶，另一方面全港都發生咗好多令大家痛心嘅事。剛送完我三個女返學，令我諗起我曾經同我個女分享過呢個故事。
從前有個女仔學校遇到好多困難， 就嚟想放棄之際，爸爸就係佢面前將個薯仔、雞蛋，同啲咖啡豆放喺三個唔同嘅水入面煲。 煲咗廿分鐘之後， 佢就問阿女，薯仔、雞蛋、咖啡豆依家有乜分別。
阿女話唔識答，阿爸就解釋.... 佢哋三個都係遇上逆境「滾水」， 薯仔原本好硬正，而家就冧曬，變得軟弱。雞蛋本來易碎，只有外面一層薄殼保護著裏面的蛋液，而家? 雖然外表一樣，但內裏就凝固起來變得更加實正。咖啡豆呢?
一樣被煲過、煎熬過，但逆境後，不單止自己無軟弱到，仲憑自己本質、信念，改變埋周圍環境，影響他人。創造出新嘅事件、機遇。 香濃嘅咖啡就係咁樣出咗嚟，煲過嘅水更值得珍惜。
故事帶出乜理念?
好似琴日咁，我哋人生路上會遇到唔少嘅困難。 我哋可以好似薯仔咁，冧曬、謝曬，放棄埋，移民啦。
可以好似雞蛋咁，堅強起來，撐住! 甚至乎可以好似咖啡豆咁，正面地影響他人，支持同伴，好似水咁，不分派系，創造新嘅機遇。
但問心，你自己過去嗰三/四個月係邊個呢? 我專做舖，仲要係街舖，可以話係香港hit得最應嗰個。 但怨天怨地有用咩? 記住，it's not about what happen to you or around you, it's all about what happen WITHIN you.
唔好放棄香港。 煲過嘅咖啡更濃更香，香港更值得你我珍惜!
#香港更值得珍惜，#香港人撐住，#唔好放棄香港，#薯仔雞蛋咖啡豆
聯絡我(李根興) WhatsApp +852 90361143 or edwin@bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw
投資分享 在 從20歲開始投資股票至今很感謝當初的決定 - YouTube 的八卦
從這部影片過了三個月的理財近況.. https://youtu.be/cR19bAQMRGsHaai 歡迎大家來到我這週的影片！今天我來跟大家 分享 的事情是關於理財方面的事 ... ... <看更多>