【寶寶甩頭髮，但寶寶不說。最amazing重新出髮系列！】
INTELLIGENT NUTRIENTS® PUREPLENTY™ 頭髮及頭皮養生系列
PUREPLENTY™ EXFOLIATING SHAMPOO 有機防脫髮去頭皮洗髮水 236ml
PUREPLENTY™ DENSITY BUILDING CONDITIONER 有機防脫髮濃密髮絲護髮素 141.9ml
PUREPLENTY™ SCALP & STRAND SERUM 有機滋潤頭皮生髮精華 97ml
鬼剃頭呢個病，聽落神秘莫測，到底真係有隻牛頭馬面手起刀落剃你一穫？定係你精神受壓導致天靈蓋毛囊受襲？長期甩頭髮真係會令各位巴打絲打巧京京，若然你同我一樣日日都會做Gel頭men的話，更加要好好保護返個毛囊，以免甩髮不可收拾！
上回講到IN® 皇牌harmonic系列連臭到屍變嘅頭油味都可以辟得走，仲令髮質彈性back after wash，要回復小朋友髮質不是夢啊～但世上總有啲人係「點解我生得咁靚仔但係要甩頭髮？」嗚哇！IN®深明有不少豬妹豬仔亂咁用含有不良成分嘅護髮產品，搞到頭髮毛囊塞過紅隧，因而有英年早脫髮嘅危機！所以瞓身研製出PUREPLENTY™ 頭髮及頭皮養生系列，以室內無土無污染培植嘅植物幹細胞及有機認證植物取代坊間化學合成劑，誓要令真髮再次破囊而出！
PUREPLENTY™ EXFOLIATING SHAMPOO 有機防脫髮去頭皮洗髮水
不含硫酸鹽成分，以多種植物營養組合深層潔淨頭毛及頭皮，掃走阻住個毛囊轉動嘅廢物，重拾最佳頭髮生長力！有機認證異株蕁麻能夠清除頭皮及改善頭毛光澤，匍筋骨草植物幹細胞及有機認證鋸棕櫚則可以抑制DHT，為頭部皮膚起頂級抗氧化作用！DHT當然唔是好嘢，佢係一種引致頭髮脫落及幼細嘅激素！所以全個PUREPLENTY™都加入咗匍筋骨草植物幹細胞及鋸棕櫚去抑制DHT釋放！呢支洗髮水仲特別混合有機柑橘、天竺葵、佛手柑、茉莉等，為頭毛同頭皮起抗菌及鎮靜作用！
瘋瘋都try過其他防脫髮洗頭水，說實在都幾L乾下！基本上唔落護髮素係會乾到成底炒麵咁... 但PUREPLENTY™呢支係完全打破防脫髮做唔到滋潤嘅定律！雞咀設計仲可以直接吱落頭皮，既方便又快捷！天然草本香氣仲幾fresh添！
PUREPLENTY™ DENSITY BUILDING CONDITIONER 有機防脫髮濃密髮絲護髮素
想頭毛豐厚同超級滋潤，唔使用劍嘅，呢支PUREPLENTY™護髮素肯肯定打救到頭髮冇晒健康嘅你！內裡嘅豌豆苗活性成分專門加強頭髮密度，緊致頭皮同頭髮之間嘅組織，營造豐盈效果。而蘆薈、甘油、植物提取物及烷基多苷就好似餵頭皮飲寶礦力咁，及時補充髮根水分嘅強度同機能！護髮素入面仲有個好很強嘅專利種籽油成分「Intellimune® Super Seed Oil Complex」，保護毛囊細胞活性，對抗自由基及環境壓力對頭髮嘅傷害，改善毛囊血液循環，從內而外修復頭毛！
眾所9知，普遍嘅護髮素都比較厚身，沖完水都好似有層白色的滑的帶點黏的物質🙈... 咳咳，幾十歲人好心你咪咁多性幻想啦！總之呢，老子就覺得PUREPLENTY™護髮素質感明顯輕薄過一般牌子，果種潤滑嘅感覺係好自然，有別其他表面扮修護其實傷頭毛組織嘅護髮產品！
PUREPLENTY™ SCALP & STRAND SERUM 有機滋潤頭皮生髮精華
Well，唔想啲頭髮甩下甩下做咗巴絲光頭，學我啦！PUREPLENTY™生髮精華強行為頭皮注入豐富營養，提升毛囊健康，令髮質提升更飽滿更healthy！除咗有令頭髮濃密嘅豌豆苗成分，仲加入天然咖啡因！平時歎咖啡純粹係扮有品味同拎嚟提神啫，點估到原來擺入護髮果part係可以為復已修嘅頭毛注入生命力同急急生長！仲有臨床實驗high心大髮現，82%測試者頭髮濃厚度達致100倍！3個月內頭髮生長度level up咗7.9%呀！
精華質地係清爽嘅水狀，搽完之後唔會令頭髮變笠，呢下真係要加分！咪睇瘋瘋平時英俊瀟灑就冇乜煩惱，其實呢幾年都深受頭瘡同久唔時頭皮痕癢嘅困擾... 用咗呢支精華已經有大半個月，上述慘豬情況都有收收皮。最最最最令人跳起yeah嘅係我前額多返小小頭毛呀！勁L amazing呀真係！
