所以如果唔係錄錯咗嘅話的八卦，Yahoo名人娛樂都在討論

【Yahoo! TV】粉絲容祖兒向其偶像瓊姐示愛

好肉麻呀大佬………… 😂

既然容祖兒選擇公開示愛，咁我都唔避嫌，講下我同佢係點發生關係……

發生關係係喺 2000 年，當時對容祖兒無咩感覺。嗰陣讀小學，番下晝班嘅。通常啲卡通片咪下晝播嘅，睇唔到就要用錄影機，set 好時間預錄，放學番屋企就有得睇。點知！嗰一日較錯咗時間，錄錯咗播卡通片之前嗰個節目：【金曲挑戰站】！！！！番到屋企一開，*&$*)$#*^(！我好震驚，好傷心，電視機出現嘅竟然唔係卡通片，而係容祖兒個大頭，唱緊【誰來愛我】。

嗰陣無咩娛樂，通常都係睇電視，所以次次睇呢餅錄影帶，都要睇一次佢呢首mv，久而久之就鍾意聽佢嘅歌，從此踏上呢條…不歸路。

係咁上下，想知再講。

#所以如果唔係錄錯咗嘅話 #我應該唔會鍾意佢 #天意嚟嘅
#YAHOO速食電視 #幾分鐘一集一眼睇晒

https://hk.video.yahoo.com/sammyshow/%E6%A3%AE%E7%BE%8E%E6%90%9C%E5%B0%8B%E5%99%A8-%E5%AE%B9%E7%A5%96%E5%85%92%E5%85%AC%E9%96%8B%E5%90%91-kingjer-%E7%A4%BA%E6%84%9B%E8%AC%9B-love-032858254.html

歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?ref=share&v=EPkeDukjlqU


◎Instagram: Iam.manson
◎Eamil:manson_yee@yahoo.com.hk
◎Facebook Page: https://m.facebook.com/Iammanson-1463381420592597/

要大家久等咁耐真係唔好意思，啱啱先發現原來我已經兩個月冇同大家分享過旅行影片，唔知大家會唔會唔記得咗我嘅笑聲呢，今次一連兩集「輕輕鬆鬆韓國吃貨遊」係我嘅假期第一個嘅旅行，因為想放鬆下，所以將覺得好食嘅地方同埋想拍嘅回憶記錄低，唔同以往介紹得咁詳盡希望大家唔好介意，本身諗住一個人去韓國放鬆下，後尾計劃行程嘅時候發現全部食嘢嘅都冇可能一個人搞掂，所以臨時搵多個朋友陪我玩，韓國真係好難自己一個人去嘢食嘅份量真係太多，第一站由韓國當地嘅觀眾帶我地食去新村玩，今次係我第一次去新村原來有好多唔同嘅餐廳，第一站食嘅嘢就係芝士安東燉雞，呢一間遊客方便就唔係話好多，味道我都覺得唔錯，如果鍾意食鐵板雞或者燉雞嘅不妨可以試吓，下一站就去一間當地韓國人經常去幾多間食雪冰嘅鋪頭，呢一間既選擇並唔多唔同我哋以往食嘅雪冰咁多選擇，但係真係十分之地道，平時可能旅遊地區好少會接觸，如果平時食雪冰食到厭不妨可以去試吓，酒店方便今次搵咗唔係喺明洞東大門而係係市廳站， 當初都會擔心會唔會唔係好方便，但住落覺得其實行去明洞雖然15分鐘但係都幾好住，因為酒店房比較闊落，兩至四個朋友仔都可以住到，晚餐就去咗弘大食一間炸雞，今次就冇去到食好出名嘅炸雞店，冇諗過呢一間嘅炸雞店都有驚喜，價錢亦都唔係好貴如果有興趣嘅大家可以試吓，到最後去到韓國大家一定會食將油蝦將油蟹，今次係我第一次體驗感覺都唔錯，而且佢係收凌晨嘅時間，所以大家唔需要將個行程擺到密密麻麻，玩完晒成個行程慢慢去都唔遲，希望大家會鍾意我第一集嘅分享，唔知會唔會悶親大家，聽日準時七點半內容會精彩更多，大家著韓穿去唔同嘅市場，同埋食炸雞，希望大家可以將睇完嘅感覺留言講聲比我知，將個留言永久保存係呢段影片裏邊，記得留意聽日「輕輕鬆鬆韓國吃貨遊」聽日七點半再見?

歡迎為我的影片提供字幕
令我既影片可以有更多人認識
我會萬分感謝的
http://www.youtube.com/timedtext_video?v=E2ITayjnnWI&ref=share


◎Instagram: https://www.instagram.com/iam.manson/
◎Facebook Page: https://m.facebook.com/Iammanson-1463381420592597/
◎工作聯絡Eamil:manson_yee@yahoo.com.hk
◎電話聯絡：55956635

好多謝大家對我一直以來拍嘅旅行片嘅支持，咁耐冇出片見到你反應都好熱情，話咁快又到第二集啦，影片長度雖然唔係好長，但都係果句我將我想拍嘅都已經記錄低，今集嘅內容主要都係介紹VR館同原宿行街，相信有好多人都知道新宿一間好出名嘅VR館，但好多時候都會有一個諗法就係，去日本都係shopping同埋食嘢，真係好少話真係去計劃一個VR館玩下，所以今次我就去試咗將我嘅感受話比大家知，真係好建議大家如果一班朋友去不妨試吓玩，嗰種歡樂同喜悅同你行街係完全不一樣，同埋落雨嘅時候行街好唔方便，去VR館就最好不過，第二站就即刻上網搵咗一間好好食嘅鰻魚飯，地點十分之方便只係新宿市中心，價錢你去到最平但係味道的而且確唔錯，食完之後就食少少飯後生果，唔知會唔會有觀眾都會同我一樣係百果園度買少少生果頂下癮呢，下一站就直接去我一直以來都好想去嘅原宿，原宿可能姥姥觀眾未必適合，大部份買啲嘢都係潮大部份買嘅嘢都係潮牌，九成都係行街買衫褲鞋襪居多，但係如果你好似我咁我就覺得呢一個簡直係天堂啦，最後一站失去成一個好傳統嘅shabushabu，網上的而且確係好多好評，可能因為我同朋友唔太喜歡清水打邊爐，所以就未品嚐到佢最好嘅味道，如果大家有興趣嘅話可以去試吓佢另外一種，希望大家會鍾意我今集嘅分享，如果鍾意嘅話不妨將你嘅感受留言話俾我知，將個留言永久保存係呢段影片裏面，下一集會帶大家去全日本最大嘅outlet，同大家去郊區睇風景踩單車，仲會帶大家去睇東京鐵塔，週一大家去上野食好平好正嘅嘢，聽日準時七點半約定大家覓食東京遊最後一集！聽日見！

岑老先生以五仁伴上半生，姪子承其念默默耕耘。 若稱苦瓜為半生瓜，那五仁月餅就是半生月餅了。年少不懂，嗤之以鼻，閱歷加深，才識甘香。當冰皮、奶黃、榴槤月當道。

位於皇后大道西的老餅家，仍舊只做傳統月餅，其中五仁果子月，更是台柱，用足欖仁、杏仁、核桃、瓜子、芝麻， 堅持人手製作，吃起來，口感複雜，有軟有硬，味道細膩，連甘帶甜，直如半世人生， 順逆相纏，甜苦交錯，形成百般滋味，點滴在心頭。 西環，屬舊社區。所謂的舊，不限於建築外觀，更指內涵。不少傳統老店，動輒半世紀歷史，老味盎然。 皇后大道西這家老舊中式餅店，每逢立秋過後，總見水洩不通。 「一個豆沙燒餅唔該！」「兩件桂花（糕）兩件芝麻（糕）。」「五仁月點賣？」

餅店名叫卓越，每年臨近中秋，都在忙個不停做月餅。門外餅櫃，除了各式唐餅、南瓜燒餅、缽仔糕、豆沙酥餅外， 早已騰出一半空間放售月餅，五仁、金腿、豆沙、豆蓉、蓮蓉蛋黃，盡是傳統款式，每款數量不多，都是即做即賣，確保新鮮熱辣。月餅都在舖後工場做，兩旁各有一張工作枱，工具和材料放得井然有序，乾淨企理。工作枱前，只見一個人，穿汗衣、低着頭、全神貫注地工作， 將一個又一個的圓粉糰壓進模中，用力敲打，啪一聲，敲出一個餅印清晰分明的月餅來。

他是老闆岑俊傑，卓越由他叔叔岑兆卓於四十多年前創立，最初在土瓜灣，後來搬至西環，兩叔姪拍住上製餅，六七年前，年約七旬的岑兆卓打算退下火線，由於兩名女兒無意接手，餅店續交阿傑打理。

入行前，阿傑只是普通打工仔，在地盤做測量工作。直至2003年沙士來襲，面臨失業，徬徨之際，叔叔跟他說餅店師傅想辭職不幹，叫他回去幫手，「咁我又無工開，咪試吓囉。」就這樣，放下測量尺，拿起麵粉棒，由低做起，成了餅店學徒。

十幾年過去，學徒變成老闆，身份變了，責任大了。雖然阿叔最初經常落店助陣，但阿傑直言壓力好大，不信自己有能力傳承，又怕不能達到阿叔要求。可是每當想到，如果不接手，餅店就結束，便捨不得，硬着頭皮撐下去。繼承了餅店，也繼承了傳統，每年堅持手做月餅，未曾間斷，因為單靠機器做不到最佳口感，惟有人手才能達到要求。月餅一盤接一盤出爐，要數最受歡迎的，定是招牌五仁月。

五仁月製作工序繁複耗時，加上口味複雜不及蓮蓉討好，這年代沒太多人懂欣賞，市面也較少有。但阿傑自知小店，做蓮蓉月不夠大品牌鬥，倒不如專心做自己最耍家的五仁月，期望殺出一條血路。

$500斤欖仁做餅

他也真的跟足傳統做，五仁包括欖仁、杏仁、核桃、瓜子及芝麻，只挑最高質素。欖仁最貴，只買西山出產，質量最好，今年約$500一斤，每手月餅就得用上四五斤。百物騰貴，不少餅家或會選擇降低用料質素和份量以節省成本，阿傑卻不這樣做，因他深信客人食得出，亦過不了自己那關，只好實牙實齒幹下去。果仁要先放到焗爐烘香，核桃焗完更要以人手把外衣捽走，以免苦澀味影響成品。只是市場有去衣核桃供應，何不使用呢？「去咗衣嗰啲食落去就無咁重嘅核桃味，所以到最後都係唔用，自己辛苦啲啦，嘥啲時間啦！」

除了果仁，金華火腿更是麻煩，斬件後去走肥肉，蒸約一小時至軟身。待腿肉稍涼，再把肉塊拆絲，放機器中打成肉鬆才能使用，如此工序，又花大半小時。「始終金華火腿有個硬度，畀啲老人家食，食落去好似食咗支牙籤咁，打成肉鬆食落鬆軟啲。」他續解釋。還有冰肉，即肥豬肉，份量少卻效果大，加了便如畫龍點睛。「加咗令個餅潤啲、好食啲。」但處理冰肉，又是工夫，切粒加入酒和糖醃過夜，才可辟走臊味。他又下桔餅，要先搣成小顆粒才可用；檸檬葉又要切成碎，樣樣都是工夫竇。

材料備好，好戲才來，要把大盤散收收的材料黏合，得落糕粉，即熟糯米粉。而開糕粉必需用水，此舉最考師傅功夫。糕粉非常吸水，粉落太少，餡硬如磚；粉落太多，又不成形。阿傑笑指老師傅最怕這個工序，「做到叫救命㗎！」阿傑邊說邊從工作枱拿起一盤糕粉，慢慢撒在材料上，再加水，加點麻油、糖、玫瑰露，着手搓捏。只見他一聲不吭，專注的搓呀搓，力度時重時輕，從容自若，手法純熟，就如當年阿叔一樣有氣勢有功架。不消一會，餡料搓成小球，棒球般大小，非常足秤。餡料做好，開始做皮，糖漿加麵粉搓勻即成。糖漿也是自家製，用砂糖慢火煮稠，得花三四小時，要有耐性睇火，否則煮過頭變硬，不能搓捏。煮好的糖漿攤涼至少一整日，絕不可以沾到水，不然會「返砂」，即糖又凝結回砂粒狀。

堅持人手打月餅

月餅皮搓好再分成小球，包好餡料就可以入模。一按一壓，用力在枱邊敲兩敲，月餅就輕易的敲出來了。過程看似輕鬆，但其實壓模時力度要得宜，用死力會塞實餅模，不易敲出。敲打也如是，太用力會打鬆月餅結構，太細力又敲不出來，好考技術。月餅旺季，日打數百個，阿傑笑指年年打到手肘痛。一個一個倒模的月餅，放上鐵盤，餅與餅之間留合宜空間，月餅才能平均受熱，入爐前再髹上兩層蛋液，以添焦色。烘餅仍用舊式電焗爐，三層分為三段火力，焗月餅還得搬爐，先用大火焗出皮色，再搬到中火層慢烤。有別於現代化的焗爐，校好時間就會熄火，阿傑需要不時觀察爐內月餅的變化，一切全憑經驗。

約四十分鐘後，月餅終於出爐，餅香四溢，令人垂涎。卓越的月餅，色澤均勻，表皮偏褐色，側皮呈金黃。顏色明顯比起電視廣告上見到的深兩度，以致不少客人認為是焗燶了。原來這顏色為最好，太淺色的其實未焗透。「一個月餅好唔好食，最基本要求，睇個餅夠唔夠熟。」要判斷熟透與否，要看側皮是否帶青，淺黃色都不合格。餅焗不透，除了影響口感，裏頭仍有水分，自然就容易發霉。就連食月餅都有學問，建議最好「涼一晚冷氣」，讓內餡回油，口感更潤。

五仁月怎樣為之好食，未必人人都有相同答案。坊間的五仁月，總是硬邦邦，味道偏鹹，又或是果仁太少，口感層次不夠。但切開卓越的五仁月餅，只見餅皮透薄，餡料分佈平均。吃來潤而不膩，夾雜香脆果仁，軟硬適中。細嚼慢嚥，滲出橘子般的清甜，又有絲絲金腿鹹香，味道均衡，層次分明。有質量，自然有客人支持，難怪餅櫃的五仁月賣得特別快。真材實料，每年一到中秋，就吸引不少老街坊前來捧場。不過他們總在尋找岑兆卓的身影，求個「質素保證」。阿傑形容阿叔是店鋪「吉祥物」，只要阿叔出現，客人就認為月餅質素一定最好。

口硬心軟叔姪情

曾經有客人向阿叔投訴，指姪兒接手後，月餅味道變差了。阿叔總替姪兒護航，「佢咪話，『唓！呢幾年你食嘅餅咪又係佢（阿傑）整嘅！』」對客人評價，阿傑往往一笑置之，並不會放在心上，認為只需用心、盡力做好自己就夠。直到近兩三年，都再沒有聽到類似說話了。其實岑兆卓平日較少現身，但卻非常緊張中秋，最重視月餅出品，每年此刻都會落店幫手。惟都只是輔助，畢竟年紀已長，不能操勞。阿傑一貫幽默，指阿叔現時已成為一位好學不倦的「學生」，每日都要留意着股市狀況，通常收市才看到他。語音未落，門外有位老人站在餅櫃前，正凝視着那堆月餅——原來阿叔剛「下課」，回到店舖巡視業務。頭髮花白、身形瘦削的岑兆卓，甫進店就直奔餅房。仔細檢查工作枱上剛出爐的月餅，五分鐘過去，仍一言不發，阿傑慢慢走到他身旁，隨即揚聲挑剔，「呢件髹得唔夠蛋漿啦，睇吓啲字！」及後又着阿傑一同走到焗爐，繼續指點。工作上，即使是兩叔姪都無面畀。岑兆卓對阿傑更是嚴苛，諸多挑剔，沒半句讚賞，有時又嫌姪兒手腳慢，「佢就他他條條（做餅），以我咁嘅年紀，舊年我嚟幫佢開工，我快過佢好多！」

愛之深，責之切。阿傑心底裏其實毫不介意，「長輩啊嘛，咪留返啲空間畀佢?囉！」年少時期父親離世，阿傑早已當阿叔是「半個老竇」，對他敬而重之。 男人老狗嘛，都是口硬心軟。儘管在百般刁難，但看着阿傑做的餅，岑兆卓面上不時流露着笑容，堅定地說：「我哋呢個（五仁月）夠膽去打擂台㗎！」言談間就知道他對姪兒的出品絕對有信心。阿叔將畢生心血交託於手，阿傑當然不敢做壞招牌，「始終間舖係阿叔開，我點都有個責任維持住，真係唔想喺我手衰。」他自言稱不上大師傅，沒有阿叔十成功力，「始終我阿叔都累積咗咁多年經驗，如果你話做嗰十幾年就可以Cover咗佢，我就覺得，我有啲自大囉！青出於藍，我應該未去到呢個境界」，謙虛的他總在自嘲，「學到呢門手藝呢，就係對於一個以前讀書唔得嘅人，總算攞番啲技能喺身，唔使話將來靠乜搵食啦，呢樣真係要多謝阿叔嘅！」岑俊傑自知做唐餅不能發大財，已是夕陽行業，可自己不是搵錢至上的人，縱使前路難行，只要仍有能力，他都堅持守住招牌，保住阿叔的心血。

夕陽西下，他繼續走進餅房默默打拼，把僅有的傳統味道，傳承下去。

撰文：張芷澄
攝影：謝致中

卓越食品餅店
地址：西環皇后大道西183號地下
電話：2540 0858
詳情： https://bit.ly/2lD1lkP


足本訪問：https://bit.ly/2QLEAYo
===================================


? 8折全年睇《蘋果》即慳$121！
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube： http://bit.ly/2Md5V2k
Facebook： http://bit.ly/2MJejcp
Instagram： http://bit.ly/2EA3qpR

相關影片:
【生命鬥士】值得鄭秀文都讚 前女歌手車禍癱足27年 靠聲控製花椒辣椒油：即使手腳不能動 腦袋仍可很靈活(飲食男女) (https://youtu.be/gREGjaLELTg)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【問問日本人】點樣分辨中國人VS香港人中國旅客經常大聲說話？ （果籽）(https://youtu.be/MaMNuX7464I)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【的士急色男女】 男女車廂纏綿全城睇晒 業界轟放片者累死同行 20200712 (壹週刊) https://youtu.be/qCtU5Lc07Sg


#月餅老字號 #西環餅家 #飲食男女 #StayHome #WithMe #跟我一樣 #宅在家