我都係第一次見的八卦，Yahoo名人娛樂都在討論

《激嬲女朋友，佢叫我扮比卡超同佢溝通》
　
話說平安夜嗰晚，我約咗我女朋友諗住出街行下食下飯。咁嗰晚佢放咗工就嚟咗我屋企沖涼換衫準備一齊出去，我一開門佢就話好肚痛要借個廁所嚟屙屎，咁我就由佢喇! 點知佢屙咗勁耐都未出返嚟，我就問佢咩事喇! 原來佢屙屎屙塞咗個廁所，喺到煩緊點算，我笑到仆街! 就叫佢出一出去，等我攪。
　
佢就好尷尬咁係咁Say Sorry，我一路通廁所一路笑到仆街!我都係第一次見人屙屎屙塞個廁所!
　
其實本來都無咩問題，但係我衰多口講咗句:「呢件事證明咗你唔係靚女。」
　
佢就問點解? 我就話:「因為靚女係唔會屙屎!梗加唔會屙到塞廁所!哈哈哈哈!」屌你我真係笑到癲!
　
點知就係咁激嬲咗佢，全程都唔出聲唔理我由我喺到單機，我出盡奶力哄佢都唔肯理我。
　
我死死氣咁話:「對唔住呀......你要點先肯同我傾返計呀?」
　
佢終於肯理我，佢就指住玩具鋪一隻「比卡超」，就話:「由呢刻開始，你要扮比卡超嚟同我傾計，如果做唔到或做錯我就呢世都唔理你。」
　
屌你扮比卡超? 我女朋友低B就係人都知，但就經常爆出令人難以接受嘅要求，所以唔係好多人頂得佢順。
　
「哈!咁你搵岩人，唔好話要我扮隻比卡超，扮數碼暴龍都得呀!」咁通常我都會同佢癲下。
　
佢即刻作一個嬲嬲地嘅樣話:「扮比卡超呀!」
　
「比卡!比卡! (OKOK)」就係呢番說話開始，我就開始同自己講，我係一隻比卡超。
　
行咗一陣，女朋友終於問:「話時話，今晚去邊到食?」
　
「比......比卡超? 比卡比卡比卡! (嗯......薩莉亞? 間野又平又抵食!)」 我將心目中想講嘅說話鳩UP講出嚟，等佢唔知我講嘜春而知難而退叫我正常返。
　
「薩莉亞? 好呀! 最緊要平呀!就去喇!」說罷，女朋友就繼續拖住我手行。
　
屌!? 知我講咩嘅? 佢鳩估咋? 於是我就開始試佢!
　
「比! 比卡超比! (喂! 屌你老母!)」我就試下講下粗口等佢有咩反應。
　
嘩!一講!佢即刻甩開我隻手，好驚訝咁問我:「你做咩講粗口?你同我講呀?」
　
我流哂冷汗，即刻死死氣話:「比卡比卡!比.....比卡比卡超! (唔係唔係!我......話緊我老細姐!」
　
於是佢就一臉懷疑，但都繼續拖我手行。嘩屌你!佢真係識聽架!痴線架!
　
去到薩莉亞餐廳，佢就話去廁所先! 佢走之前叮囑我繼續做返隻比卡超! 我仲好撚過癮咁伸隻OK手勢仲扮哂低能咁話:「比卡~~~~(OK~~~~)」
　
係我睇緊餐牌時侯，個侍應走嚟問我食咩。我正想講食咩時......諗起女朋友嘅叮囑......
　
即刻淆淆底，屌! 如果我繼續扮隻比卡超，個侍應點睇我? 可能陣間攪到好大件事，成間餐廳都會圍住我睇下咩事! 但唔扮嘅話......女朋友分手都似......
　
我望一望個餐牌，好撚醒咁指住個"B餐"，然後話:「比!(B!)」可能同音，佢聽落無咩太大問題，最後我嘜鳩都點哂B餐。
　
女朋友去到廁所返嚟，我本來想笑佢有冇屙爆人地廁所，但見佢今晚咁認真，所以都係算。
　
呢餐飯一路食一路傾下啲閒話家常，當我不斷比卡比卡比卡超時候......我開始發覺身邊侍應同身邊嘅食客都用一個奇異目光望住我。
　
「比!比卡比卡超?比卡超!!比卡比卡超比卡!! (Hey!不如放過我喇!我知錯喇!我唔想再扮比卡超!)」我覺得我再扮落去，身邊嘅人都笑鳩我。
　
女朋友一邊低頭繼續食一邊說:「一日未到12點，你一日都係隻比卡超。」
　
我聽完後有啲無奈，我望一望身邊嘅人，係佢地眼中可能真係見到我女朋友同隻比卡超食緊聖誕晚餐......
　
食完飯，去咗沙田新城市廣場空中花園睇下燈飾，去到勁撚多人排隊!嗰下先知中伏，但女朋友堅持話要睇，咁我唯有同佢排隊。
　
一路排隊，佢就係咁撩我講野，我就不斷回應佢.....
　
我發現排喺我地前面對情侶時不時轉頭望下我地，我仲聽到個女仔同男仔講:「你睇下人地喇!人地肯扮比卡超哄女朋友呀!」
　
個男仔望一望我，然後一臉鄙視目光，好似不值我嘅行為。唉，同志，我都唔想。
　
一路睇燈飾我一路都好灰，我覺得我無哂尊嚴，係男人嘅恥辱，但我望一望身旁女友，除咗佢低能之外，其實真係好好......只係有時侯有啲要求真係好難令人接受。
　
唉，上次叫我用「摩斯密碼」嚟同佢溝通，今次要我扮比卡超.....下次又唔知要我做咩......
　
愈諗愈灰，突然女朋友捉緊我手，好溫柔咁講:「多謝你，一直都陪住我身邊。我希望你可以一直做我隻寵物小精靈，永遠一齊。」
　
我聽完後，即刻覺得好感動.....眼淚忍唔住不斷湧出嚟，我緊緊咁握住女朋友隻手講:「比卡......比卡超!(多謝.....我愛你!)」
　
突然間，眼淚好似流得太多，所有野都好似好模糊咁......開始咩都睇唔到.....
　
「比卡?!比卡卡超!!比!比卡超!? (點解!?我睇唔到.....Hey!你係邊?」
　
「比!(Hey!)」
　
「比卡超! (你係邊!)」
　
......
.....
....
...
　
　
　
　
　
　
　
　
　
一覺醒來，我呆呆咁望住天花板，留意到自己眼淚流了很多，我定一定神.....
　
望一望個日曆，2016年1月7日。
　
我先發現原來一切都係發夢......
　
等我仲以為搵到一生中最愛......
　
我慢慢起身站係窗台前，涼風吹來，帶點濕氣，似乎冬天已經結束。
　
我腦海仲不斷回味剛才嘅夢......
　　
我用盡所有力吸了一口氣，然後對住窗外大叫:
　
　
　
　
　
　
「比卡超比!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!(屌你老母)」
　
*********************************************************************

有時侯激嬲女仔/女朋友，男仔都會用盡方法去哄返對方開始
男仔人生其中一個on9時刻可能喺呢刻，各女士們請好好珍惜呢個時刻。

不過如果你問我拍拖試過比女朋友叫過扮咩...哦..我記得..個次呢...佢呀...佢.....
　
　
　
　
　
拍拖?咩黎?女朋友?食得架? 比卡超比!
　

BTW 好耐無寫呢啲白痴故事......寫嚟過下癮先。
靈感來自 Chin Sze Man
#學運女神 #歌靚聲甜

深夜無人睇，靜靜雞講故仔……
　
《我老婆由細到大都鐘意玩紙紮公仔》
　
「嗚也！！嗚……呀呀……！」
　
我每日都會發出痛苦嘅呻吟聲，每一日都受到地獄般嘅煎熬。特別係護士每隔一個鐘幫我換紗布時候，由於大部份呈碳黃色嘅皮膚沾上整塊紗布，令撕開期間連埋我皮膚都一併撕開，呢種痛苦令我生不如死。
　
「劉生你嘅情況係二級燒傷，即係話已經傷到真皮層，由於無咗外層皮膚嘅保護，令到你神經綫外露，所以千其唔好亂郁，因為就算郁少少……你都會好痛。」醫生喺身旁安慰著我，但呢啲廢話我唔想聽，我只係想知我幾時先可以好返出院，因為我個女需要我。
　
基本上長期住院期間，起初好多身邊嘅朋友都會嚟探我，但我其實心底裡面唔想見人，我知道自己個樣變成點，我已經毀咗容，每個朋友探我時候都不經意露出一副睇怪物嘅臉容，即使佢地扮到幾唔在意，但實質上佢地對我係好恐懼，久而久之就再無人嚟探我。
　
而外母不時都會帶個女嚟睇我，但每次靜妍見到我都會好驚咁捉緊外母，雙眼展露出對我充滿恐懼，因為我真係搵唔到有咩嘢可以證明我係佢老豆，我樣同皮膚都已經毀了，連我把聲都失去，難怪突然有人話呢個人就係你老豆，靜妍一定接受唔到。
　
「靜…………妍………」每當我用盡最大力氣去叫靜妍並向佢伸出左手時，靜妍都會被嚇得退後數步，然後細聲地問外母：「我地可以走未？」
　
即使外母多番解釋眼前呢個人就係爸爸時候，靜妍更加對我感到恐懼，我都係第一次見到靜妍咁驚對住我，呢種冷漠同恐懼嘅眼神，比起我皮膚傷痛更加痛得入心入肺，每次眼見佢離開，我都哭成淚人，痛不欲生。
　
有一次，阿傑嚟咗探我。
　
我望一望佢，由於我對佢無咩感情可言，就算佢嚟探我，我都唔想理佢。
　
而阿傑見到我咁，竟然露出令人心寒嘅笑容，佢不斷欣賞我嘅皮膚，雙眼好似見到寶藏咁碌到大一大，然後輕聲對我說：「你燒到啲皮膚凹凹凸凸，仲見到幾條紅根郁下郁下，真係好特別，原來燒傷就會變成咁，嘻嘻！」接著，阿傑閉上眼，再近距離大力用鼻索一下，然後精神地說：「份燒焦味仲喺到！好爽呀！」
　
我本來就覺得佢份人古古怪怪，呢幾下舉動比著平時嘅我一定將佢打到半死，但呢刻嘅我竟然無任何情緒，連嬲都無，只係咩都唔想理，猶如一個已死嘅人。
　
因為我覺得對比靜妍對我嘅恐懼，呢種侮辱算得係咩意思。
　
「你成日喺醫院一定好悶，就好似我當年比你地打到唔敢返學，日日都喺屋企瞓……所以我帶咗個朋友嚟陪你！」然後阿傑周圍望下，見無人留意佢之後，就將一個好似手掌咁大嘅紙紮公仔塞落我張被入面。
　
當我見到「紙紮」放咗落我張被入面，我激動得不斷發出叫聲，再用一個兇狠嘅眼神瞪住佢，示意佢叫即刻同我拎返個公仔出嚟！
　
「你唔好咁激動住先喇！我都知你好開心！要多謝我就遲啲先！唔阻你！你慢慢抖下喇！嘻嘻！」說罷，阿傑就轉身走人。
　
我不斷搖擺身體意圖想掃掉個公仔出嚟，但我一郁就頓時感到極大痛楚，令我痛不欲生。護士見到我咁都叫我唔好再亂郁。
　
呢刻我咩都做唔到，委屈到喊出嚟，我連將一個紙紮公仔拎走嘅力量都無，我真係想死咗去。
　
…………
　
夜晚，醫院一片寂靜，情緒稍為冷靜落嚟，我呆呆咁望住天花板，諗返起我自焚嗰晚發生咗咩事，我好似被鬼迷咁，無啦啦迷迷糊糊咁走返屋企，又迷迷糊糊咁將白電油淋喺自己度……
　
但雖然當時意識模糊，但我仍然好記得我被水淋熄時，見到老婆傷心咁企喺廁所門到望住我。
　
係佢救咗我？老婆，我真係無用，明明係你頭七回魂，我竟然令到你咁擔心同失望。
　
突然間，我見到老婆企喺我身旁，一臉憂鬱咁望住我。我望一望佢，可能日有所思，夜有所夢，竟然比我發夢見到老婆。
　
「老公，對唔住。」老婆開口了，第一句就係對我道歉。
　
道歉嗎？點解要道歉，要道歉嘅人應該係我吧。
　
老婆慢慢伸手輕輕摸摸我隻手，但我竟然無感到絲毫痛楚，而係感受到老婆嘅溫暖體溫，令我有一種舒服嘅感覺。
　
個天可能可憐我，安排老婆同我夢中相見吧？嘿，總算待我不薄。
　
老婆然後輕輕摸一摸我臉容，更流下眼淚，十分傷心。
　
老婆，對唔住，你一定認唔到我吧？畢竟連靜妍都唔願意接受我呢個臉容。
　
「老公，我地一家人受到紙紮嘅詛咒先攪到咁，靜妍大個咗之後會遇到更大嘅挑戰，你一定要好好保護我地個女，知唔知呀？」
　
靜妍大個會有更大挑戰？老婆預測到將來個女會出事？
　
不過，對唔住老婆，我攪成呢家咁已經無可能再保護到靜妍，我已經變成廢人，咩都做唔到。
　
老婆輕輕吻了我，然後說聲：「係我害到你同個女咁，我甘願做陰間嘅奴隸，換返你嘅皮膚返嚟。」
　
奴隸？咩陰間奴隸？老婆點解要咁講呀？老婆？呀？點解我講唔到嘢？好想安慰老婆，好想伸手抹掉你流緊嘅眼淚。
　
老婆最後說聲：「好好照顧個女。」然後慢慢消失了。
　
見到老婆慢慢消失，但我就無辦法出聲， 甚至連身體都無得郁動，感覺好似被鬼壓住咁。突然間，我覺得我被入面有樣嘢爬緊出嚟，係蟲？究竟係咩嚟？
　
然後無數個紙紮公仔突然喺我被入面出現了，嚇得我即時大叫，但卻叫不出聲。
　
一個……兩個……三個……目測已經有三十幾個手掌般嘅紙紮公仔不斷爬到我身上。
　
係阿傑留低嘅紙紮娃娃！
　
其中一個紙紮娃娃跳上我塊臉，然後用一把流利嘅普通話說：「你老婆已經答應了，作為交換條件，我們現在來幫你換皮膚。」
　
換皮膚？隻嘢究竟想點？
　
轉眼間，一大堆紙紮公仔已經佈滿我全身，然後露出令人心寒嘅笑容。
　
「給我拆！」其中一個明顯係佢地大佬，一聲令下，各紙紮娃娃開始拆我嘅紗布，然後鑽入我皮膚裡面，呢種痛，比起護士幫我換藥更加痛，但我叫唔到，又郁唔到，只能夠默默承受呢種痛苦。
　
最後我痛得失去意識昏迷了……
　
直到第二朝早，護士想準備幫我換紗布，驚見我全身紗布都被撕開，更驚訝嘅係，我皮膚竟然慢慢好起來，於是連忙急召醫生，而一輪嘈雜聲音下，我慢慢醒來。
　
見到身邊有好多護士醫生圍住我檢查，佢地臉上充滿疑惑，但又為我高興，於是主診醫生對我說：「我地發現你皮膚竟然慢慢回復，我地都解釋唔到咩原因……但點都好，你應該好快出院。」
　
聽到醫生咁講，我即刻要求要鏡睇下自己個樣，而護士即時緊張地搵鏡比我。
　
一照之下，我臉上已燒焦的疤痕竟然消失了，雖然仍然幾條紅痕外，但我幾乎回復面貌。
　
我頓時醒起老婆琴晚出現講過，佢同人交易嚟換返我皮膚，原來唔係發夢而係真？
　
雖然我唔知點解咁，但最近老婆頻頻出現嚟幫我，似乎佢知道我陷入危機之中，仲甘願做陰間奴隸嘅代價換我皮膚，亦預示個女將來會有危機，仲希望我可以好好照顧個女，免受紙紮帶嚟詛咒。
　
我傷感得哭成淚人，醫生同護士以為我喜極而泣，但我卻為老婆嘅苦心而喊。
　
……
　
抖咗一晚後，第二日我就已經執嘢出院。我第一個地方就係返番去屋企將個女拎番嚟我身邊。
　
到咗屋企用鎖匙開門後，但發現屋企已經裝修過，亦配咗另一條鎖匙。
　
我不斷按門鐘，屋內嘅外母慢慢開門，當見到係我時驚訝地說：「你做咩出咗院嘅？仲有你啲傷……？」
　
我無回應佢，因為我只係想睇個女。我推開佢走到大廳前，見到阿傑竟然喺到陪緊靜妍玩，而且成地都係紙紮玩具。
　
「你知唔知呢個人叫咩名？ 佢叫傑仔呀！ 而呢個人就係你爸爸！阿明！」阿傑拎住一個手掌般大，貌似自己同我，同著住校服嘅紙紮公仔，然後喺到做話劇，睇到靜妍好入神好吸引。
　
「有一日，阿明帶住成班同學，係咁打呢個傑仔～係咁打！係咁打！打到佢喊哂口！」阿傑邊說邊將自己嘅紙紮公仔不斷用拳頭打落去，攪到個公仔被打到支離破碎。佢竟然將當年佢比我地欺凌嘅故事用紙紮公仔形式呈現出嚟比靜妍睇。
　
我即刻走去拉開靜妍，然後對住阿傑兇惡地說：「你同我即刻走！」
　
阿傑見到我突然出現，一時之間比唔到反應，只係驚訝咁問：「吓？點……點解呀？我地玩得好開心喎！」
　
我捉住佢講：「以前係我對你唔住，係我同班人打到你無再返學，但你都唔洗咁樣嚟攪我個女呀！」
　
阿傑一臉無奈，然後不斷說：「我無呀，我只係陪你個女玩……」
　
「你同我走！即刻走呀！以後唔好比我見到你！」我大叫。
　
阿傑見我情緒激動，即刻收拾返地下嘅紙紮玩具，然後離開。而靜妍可能比我嚇親，走咗去攬住外母不斷喊，而外母見到咁，正想勸我冷靜時，我已經對住急不及待咁向佢發炮：
　
「佢做咩比呢個人入嚟呀？你知唔知佢係嚟做咩架？」
　
外母解釋說：「佢話係你嘅中學同學又係你好朋友，所以佢話想探靜妍同佢玩……我咪比佢入嚟。」
　
「你都唔知你係有心定特登，你知唔知佢喺到同靜妍玩緊咩？紙紮公仔呀！你個女就係比呢啲嘢害死架，我呀！我攪成咁都係呢啲嘢害架！你竟然仲走去比個孫玩？」
　
「我都知唔係拎嚟玩，但靜妍佢真係好想玩，佢日日喊住話要玩，喊到我個心都痛埋，唔比佢玩嘅話，你叫我點算好呀？」外母一臉哭訴。
　
但我無理，我繼續瞪大雙眼連珠炮發：「外父講得岩，你根本就係有問題！你比呢啲紙紮落咗詛咒！你害死你個女仲唔夠，仲想害埋我個女，你真係一個惡魔，你點做人老母呀！」
　
此時，靜妍喊得更大聲，不斷喊住叫我唔好再罵外母。
　
「我聽日就會叫外父幫手湊返，你唔洗指意可以騷擾到我地！」
　
外母本來一臉無奈，但聽到我一講到外父，佢即刻變得好驚，然後不斷求我：「你唔好叫佢湊呀！佢先係攪到我同個女咁咋！你唔好信佢呀！靜妍比佢湊一定比佢害死架！」
　
「你仲想屈外父？你真係無得救！」我搖搖頭不禁相信外母竟然係一個咁嘅人。
　
然後我捉住外母不斷拉佢到門口大叫：「你同我走呀！唔好比我見到你！」接著，推佢出去門外後便大大力關門。而外母則不斷喺門外拍門大叫：「唔好搵你外父呀……求下你！」
　
我將地下剩返嘅紙紮物品通通收起，並整爛佢塞落垃圾袋入面。而靜妍見到我，都已經無之前咁恐懼了，但佢仍然堅持要玩紙紮公仔，於是我將佢鎖落廁所入而反思，無論佢點叫點喊都好，為咗介咗佢惡習，亦唔會比佢出嚟。
　
我決心將靜妍脫離迷上紙紮嘅詛咒，以免老婆死後都要繼續擔心。
　
下午五點，街市入面人來人往，嘈吵非常。剛被阿明趕走嘅阿傑氣衝衝咁走入舖頭入面，然後將喺阿明屋企帶來嘅紙紮公仔通通撕爛，情緒十分激動。
　
「仆街明！！！！你以為自己係邊個呀！！！！敢嚟教訓我！！！！」阿傑不斷踢爛撕爛舖頭紙紮公仔發洩情緒。
　
當阿傑嬲嬲地望住店內嘅無數個紙紮公仔望住佢時候，阿傑愈睇愈唔順眼，於是大叫：「做咩呀！睇我唔起呀！你班用紙造嘅垃圾！」然後隨手拎起幾個公仔不斷撕爛佢。
　
突然間，店內其他紙紮公仔突然慢慢郁動，佢地互相對望，然後望住正在撕爛緊紙紮嘅阿傑。
　
「這個瘋子，想把我們怎樣？」其中一個紙紮公仔竟然用流利普通話出聲。
　
阿傑聽到有人講嘢後，頓時停手，然後轉身一望，心諗邊個喺到講嘢？阿傑只見數個紙紮公仔企喺佢面前，於是行前望一望紙紮公仔，再望望周圍，正想轉身時候，其中一個紙紮公仔竟然伸手將阿傑把口封住，嚇得阿傑大驚，於是用手想將紙紮公仔隻手撕開，但無論點撕點甩開佢，隻手仍然緊緊咁將佢把口封住。
　
「嗚嗚…嗚…嗚……」阿傑不斷掙扎不斷叫喊，但完全發不出來。
　
突然間，其中一個紙紮公仔竟然拎起一把用紙造嘅刀，然後說：「這個瘋子，該去死吧。」
　
阿傑碌大雙眼望住，然後激動地叫喊，只見個紙紮公仔慢慢行到阿傑面前，再用手上嘅刀一下子插落阿傑肚入面，鮮血好似噴泉一樣不斷噴出。
　
阿傑非常痛苦，然後想跑到店外求救，但無數個紙紮公仔一個接一個跳到阿傑背上，亦將阿傑壓倒喺地下，然後一刀又一刀地插落阿傑背上。
　
阿傑不斷捱住刀傷咁痛苦地爬去店口，見到有個師奶喺門口望一望，然後師奶問：「我要兩袋香呀！有冇人呀？」
　
阿傑正想伸手求救時，其中一個紙紮公仔將佢隻手壓住，並繼續用刀一下又一下斬落阿傑身上。
　
「嗚……嗚……嗚……」阿傑痛苦地叫喊，但聲音被紙掩蓋。而師奶見無人回應就轉身離去。
　
雖然好多人經過阿傑門口，但無一個人聽到阿傑嘅求救聲。
　
最後阿傑身中百多刀，瞓喺血泊之中。而紙紮公仔笑著說：「活該的瘋子。」然後所有紙紮公仔都慢慢退後一角， 一動也不動地望住阿傑條屍體。
　
…………
　
「叮噹…叮噹…」門外鐘聲響起。將我從睡夢之中驚醒，起身時候即時望望身邊嘅靜妍，見佢瞓得好淋，我就放心。然後我再落床開門。
　
開門後，見到幾個警察，我問：「咩事？」
　
原來外母今朝早六點，喺屋企跳樓身亡，亦留低一封遺書比我。
　
《待續》
　
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
今集超多字，大家可以慢慢睇喇！
我知道唔會篇篇都超過7000 like嘅，所以我勇敢地承諾多次，如果呢篇又超過7000like，我會即刻打文！
　
記得狂like 狂留言 狂share！你地每個留言我都會睇！
　
另外，未買書嘅讀者，希望可以支持我
如果多人買，我就可以貼埋大結局同大家一齊睇！
我嘅網店：https://homingming.boutir.com/
　
知大家買書可能遇上好多問題，但我只有一個人，所以處理好慢，大家耐心等我……感謝大家！

[Ming過台遊]－Final Day－十分有意思、九份老街、旅程結束✈️
4日3夜台北之旅終於完結。黎咁多次我都離唔開台北市，今次終於可以去一去郊區遊覽😄
有好多鐵竇無去，因為唔夠時間，同埋私心唔想太多遊客令個竇失去味道。下次有機會再逐少介紹～
司機導遊掉轉頭請個客食嘢我都係第一次見。呢個地方對我黎講有特別意義，係其他旅行景點取代唔到既，就係濃厚既人情味同埋回憶😎

---------------------------------------
是日行程(地址自己上網google):
午餐-L’idiot
放天燈+瀑布-十份
電影街-九份老街
晚餐-國泰航空飛機餐

Hair: Calvin Yuk (預約)97774723
Clothing: Adidas, Jack Wills
IG: Mingjai14
Youtube: Mingjai14

fb: https://www.facebook.com/hayakutang/

萬聖節一定要玩迪士尼, 今年鬼屋第一年仲畀影相,
最正係瘋狂派糖~派糖~派糖~,
真係派糖夜之旅
今年惡人仲有舞動全城Show,
烏蘇拉超搶鏡, 25分鐘都勁熱鬧...
就算連暖場西裝哥哥一樣精彩.
SY問: 「Vampirina 係米阿Jack個妹?」
其實我都係第一次見佢...不過我估阿Jack白色, 佢又唔同色, 應該唔係親戚掛



Disney Halloween Time 反轉迪士尼
開放日期 2019年9月12日 - 10月31日
地點 香港迪士尼樂園

CD花咗有得救！ 修復三洋版蔡琴&蔡幸娟
三洋版嘅蔡琴老歌，見過有人放$5000，我都係第一次見到實物，物主夠膽拎俾我修復，我非常佩服佢嘅勇氣??‍♂️，同場仲有一隻花到七彩嘅三洋版蔡幸娟，幸不辱命，修復完新嘅一樣，物主好滿意，解開多年心結。
代購美國光碟修復機，影碟/遊戲光碟都啱用：https://www.szetoproject.com/products/jfj-easy-pro

[毒海浮沉] 5合1 藍牙喇叭
藍牙喇叭+膽機+耳擴+電腦解碼+黑膠唱放，一次過滿足晒五個願望。
行膽嘅藍牙喇叭我第一次見，有黑膠唱放嘅藍牙喇叭我都係第一次見，竟然係同一部機出現，佢吸引我嘅首先係外型，兩支細膽仔企喺度已經好靚仔，仲要有四隻高腳加白色機身嘅簡約設計，放一件喺屋企即刻型咗，至於聲音，使用藍牙播放嘅時候都唔錯，尤其佢有幾種唔同模式， 3D聲效做得幾好，但試過插黑膠唱盤，就唔係好夠聲??‍♂️，聲音要扭到最大先至剛剛好，插耳機聽黑膠就OK，不過我幾欣賞佢做黑膠唱放嘅呢個心思。推薦畀外貌協會會員：
www.szetoproject.com