（政治白色恐怖正式殺入香港電影界）
—
收到網友來訊報料，話香港影業協會嘅會員喺今日（8月15號）上晝11點幾收到影協SEND過嚟嘅EMAIL，其中內容如下：
—
//近日國家電影局發佈頭條文章，暫停大陸影片和人員參加2019年第56屆台北金馬影展；自此陸續有香港電影公司表態退出本屆金馬獎。
—
本會特此通知影業同行，請認真考慮自身利益，決定是否參與，以免造成不必要的損失。//
—
據我上影協官網了解，影協會員而家大概有會員170人，當中包括製作公司、發行公司同電影工作者，例如導演、編劇、影評人等等。
—
電影拍出嚟，要搵錢而唔係做善事，我明。而如果電影踩到政權紅線，可能會比大陸封殺，我都明。但今時今日嘅香港，係唔係要自我審查到呢一個地步，連拍完套戲出嚟，參加乜嘢頒獎典禮嘅自由都要被限制？
—
喺咁多年嚟，香港電影得到金馬獎殊榮嘅例子不計其數，就例如上年《翠絲》嘅袁富華拎最佳男配角，大家都覺得好興奮，覺得打鈴哥為港爭光；拎最佳導演嘅杜琪峰（《奪命金》、《大事件》等）、陳果（《香港製造》、《香港有個荷里活》）、劉偉強同麥兆輝（《無間道》），拎最佳新導演嘅黃進（《一念無明》），呢啲作品都係有口皆碑，而非政治化嘅作品。
—
邊個話政治唔關你事？邊個話政治歸政治，娛樂歸娛樂？慢慢開始，白色恐怖已經唔係一種無聲嘅氛圍，而係明刀明槍咁隊埋嚟。你因為套戲拎獎，知道佢好睇，所以入場支持。但你萬萬都估唔到，好多香港電影，原來已經再無機會拎到有認受性嘅獎項。
—
#我支持參加金馬獎嘅香港電影
—
1710網友報料更新
香港影業協會現任理事長為洪祖星先生
他曾經明言：
「沒有內地市場，香港電影就完蛋了。」
參考資料：https://baike.baidu.com/…/f197kP0IQETVx58hDhVFy7c7QPhXgeYlJ…
