我好想你知但唔關你事系列🙈
話說最近我被求婚了。雖然好開心，不過亦同時好困擾我。因為我下年就要移民美國啦✈️。
雖然要離開香港，但唔代表我唔再做服務業嘅。一來，我男朋友並非大富豪啦。二來，我Freelance設計嘅收入唔穩定同唔高，所以就算移咗民，我都要搵PartTime做。而結婚最主要嘅原因，應該係想結束差不多5年嘅Long distance關係啦。查實頗多嘅朋友仔都應該見過我位男朋友，之前兩次擺書節檔同交收筆佢都有幫手，佢係一位飲茶食素識講好多地道香港粗口嘅異類美國人嚟🧝♂️。
人就係咁犯賤㗎啦：以前去美國探佢，要離開嗰陣就好憎返香港，但當我而家要確實搬過去住，就好L唔知點咁⋯⋯😵。以前覺得去飯局聚會好煩，得嗰幾日假寧願打下機R下腳皮，但當我知道遲下只可以睇住人哋FB啲聚會相，自己就喺美國脫晒節無朋友，就又好L唔知點咁⋯⋯😵。以前覺得屋企好細無私隱急屎都要等，但當我知道遲下唔同屋企人住，雖然急屎都可能要等，但無咗爸爸媽媽喺身邊，就又好L唔知點咁⋯⋯😵。仲要⋯⋯我真係勁耐都無『認真地』見過工，以前炒開幾個場都有Fd撘Fd，而且自認自己係英文流利同醒嗰位，但當而家要我去個個人英文都流利到仆街嘅餐廳見一份PartTime，我就真係淆淆地底，又好L唔知點咁⋯⋯🤢。結果，求完婚由超開心興奮狀態⋯⋯到越諗越頹，越大壓力，仲未計我要搞簽證同兩個婚禮。淨係諗到同條佬講點解要過大禮乜嘢係上頭都已經可以玩幾日🤮。
Any肥，我知道有啲睇我Page嘅朋友仔喺係外國做嘢嘅。請問一下唔知你哋有無朋友或者你咁岩又喺美國住嘅，又做飲食嘅，可以教下我一啲美國餐飲之道呢？我淨係知美國無Tips收可以打7個客😂，其他我乜都唔知Lu。徵友膠流呀！你會好不幸成為我美國第一位朋友👅。
再Any肥，雖然唔係話以後唔返嚟，我諗一年一次都有嘅，不過落場放假去餐廳探下大家嘅機會真係唔多啦。所以，我都想喺離開前好7地”幫自己”同大家搞個sayoulala聚會嘅！如果有人嚟的話⋯⋯十一月尾或者十二月頭？😗#20位成事呀下 #想被最後半年探訪的也可以留餐廳名啊
#好多朋友問我佢見過我落妝未呀🙂
#如果五年唔落妝米雪都屌你手飾箱都變成藥箱呀
#如果可以
#我想喺金拱門度擺酒
#請晒大家每人禮金50蚊呀
#要搵姐姐同我哋位玩魚柳Bell遊戲
#下年就真係有機會請RiceGum食好嘢
#唔知外國嘅加料文化係點嘅呢
#希望無人歧視我啦
#乞客是咪要衝出國際
我想喺金拱門度擺酒 在 馮曦妤婚禮六度延期終可與老公金神峰擺酒 - YouTube 的八卦
馮曦妤婚禮六度延期終可與老公金神峰 擺酒 馮曦妤Fiona同金神峰嘅婚禮，因為疫情關係而6度 ... 而佢首《Proud of you》更加係容祖兒首《我的驕傲》嘅原曲。 ... <看更多>