【我寫了一個溫馨血腥的廣告】
是咁的，客戶叫我寫一篇關於珍惜微妙時刻嘅廣告。
為左突顯我嘅創作力，我寫咗以下呢個故事畀佢。
男主角雙親被一個有毒癮嘅搶劫犯用刀殺死，無錯！就好似蝙蝠俠咁。呢個時候讀者一定好同情個男主角。
男主角無報警，只係將父母嘅屍體搬返屋企。有一日，佢喺街頭搵到呢個吸毒嘅兇手，佢一直跟蹤住兇手返到屋企，知道咗兇手地址之後，就展開佢嘅復仇大計。
首先，佢將一部插有電話卡嘅電話，用送貨方式送去兇手屋企。兇手咁貪錢，一定會照收部電話。
之後，每隔一個鐘，都叫送貨工人將唔同嘅美食分批送去兇手屋企，就好似叫外賣一樣！同時間，男主角將佢童年同父母嘅生活片段傳去部手機度。
等兇手食得好開心，以為自己中頭獎之制，最後手機傳送一段「美食製作過程」畀兇手！哈哈哈！無錯啊！呢堆美食就係男主角嘅父母啊！
我將呢個故事send畀客戶，佢一口就話OK，會微調一下再拍成影片成為廣告。
點知…最後出嚟條影片變成咁…
#其實係客戶叫我推廣下條片 #我寫食人古仔佢都敢用 #係咪要畀面睇下先
#想得到嘗得到 #RightFoodRightNow UberEATS
